بديت علاج انابيب للمره ال3 تفضلوا

[عشقت الحب لجل عيونك]

امين يارب العالمين
تسلمولي كلكم

[بنت الدلال]

الله يتمم لك على خير
ويرزقك بالحمل السليم ياررب

[لن أيئس]

اسأل الله العلي القدير ان يرزقك ياعشقت الحب باالذريه الصالحه المعافاه الجميله الطيبه ..
وان يفرح قلبك وقلب زوجك عاجلا غير آجل ..
ياااااااااارب يوفقك ويسر أمرك ياااااااارب ..

[عشقت الحب لجل عيونك]

امين يارب العالمين
وماراح اياس باذن الله
وفي حال الله ماكتبلي حمل بهالخطوه راح اعيد العمليه مره ورى مره
ادعولي اني اتم بنفسيات عاليه وتكون اموري مسهله
وتكون دعوتي مستجابه
وتسلمون على المشاركه

[عشقت الحب لجل عيونك]

يامرحبا يابنات
حبيت اكمل لكم مسلسلي ومراحلي في خطوة علاجي بالانابيب
اليوم رحت وضربت الابره التحضيريه بالمركز الصحي
بس كانت وايد حاااااااااااره وتعور ولحد الحين توجعني
وكانت الابره عضليه
تميت اخذ نفس شهيق وزفير والممرضه تقولي حرام هدي ابره واجد هار <<هههههه
وعقب قالولي احط ثلج بس ماسويت قلت الالم بيخف من نفسه
ادعولي بالتوفيق يابنات
يارب سهل خطواتي وكللها بالنجاح
الله يحفظكم

[لن أيئس]

الله يوفقك يااااااااااارب ويسهل أمرك ويشرح صدرك ..
ويارب تكون نفسيتك مرتاحه على الآخر عشان ماتأثر فيك ..

الله يوفقك ياااارب ..

[هادية]

يا رب يا رحيم
يا رب
يا رب
يا رب

[سموة الشوق]

الله يسهلك حياتي ويرزقك ربي الحمل بالذرية الطيبة من عنده

سؤال :

يوم عملتيها أول مرة
هل كنت ملازمة للراحة تماما أم كنت تشتغلي بشغل البيت؟؟


متابعة معك غلاتي

[غزالة]

أختي الغالية "عشقت الحب لأجل عيونك"
اسأل الله العظيم أن يتمم لك على خير وتكوني حامل
ويرزقك بالذرية الصالحة اللي تسعدك بالدنيا والآخرة

[عشقت الحب لجل عيونك]

اللهم امين اختي غزاله ولج مني جزل الشكر
اختي الغاليه سموة الشوق
اي المره الاولى كنت ماخذه الراحه تماما وما اشتغل ابد بشغل البيت
حدي غرفتي
ولاكنت اروح واجي وحافظت على نفسي عدل والله سهل علي وتم حملي على خير
وبالمره الثانيه كنت اتعب مع ولدي كان عمره سنه و3 شهور
انا اغسله واسبحه واغيرله ووووووووو
وهو ثقيل فديته
وتعبت ون شيلته وحطته
ومع ذلك كنت اقوم بالشغل المتعب لاني كنت احس الوقت بطئ جدا جدا جدا
وفوق ما تتخيلي
بس اخ بس ماقول الا يارب سامحني
سقطت على طووووول
ماتميت شهر و5 ايام بس الا وسقطت
توام
يارب عوظني خير يارب
وهذي قصتي
لكن هالمره باذن الله وبقدرة الواحد الاحد
بهتم بنفسي وبقط بكري عندي امي الغاليه تدير بالها عليه
او بروح لها واتم عندها وهي تدير بالها علي وعليه
اهم شي وخلاصة الثرثره هذي
لازم تلتزمين الرااااااحه التاااااااامه
الله يكتب لج الحمل يارب
وتفرحين فرحه عمرج فيه