|
بديت علاج انابيب للمره ال3 تفضلوا
hwaml03يامرحبا والله فيكم ونورتوا صفحتي
انا حبيت اكتب لكم تجربتي الثالثه في اطفال الانابيب اللي توني ابتديتها مس بتاريخ 12من هذا الشهر 4 اللي هو امس كانت اخر دوره لي في 31/3 ورحت موعدي اللي هو 12/4 وغيرت دكتورتي انا اتعالج بمستشفى حمد كنت عند دكتور شحاته السوداني وهو ممتاز وماعليه كلام وحملت مرتين على يده بعد ارادة الله حملي الاول تم ورزقني الله بولد والحين عمره سنتين (( الله يحفظه)) وحملت المره الثانيه وسقطت بتسالون ليش غيرت دكتوري دامه ممتاز؟؟؟؟؟؟؟؟ انا اقولكم لانه بارد وجامد وجاف لدرجه انه مايتكلم مع المريضه ويخلي الممرضه هي تتكلم وهو بس عليه يختم ويوقع ومافيه اي تشجيع ولا اي مبادره لرفع المعنويات وانا يهمني الاسلوب والتعامل والنفسيه مالت الدكتور من كذا غيرت وحولت ملفي عند دكتوره اسمها ريم الكلدي يمدحونها توكلت على الله ورحت لها امس كانت بشوشه وشرحتلي كل شي وطمنتني وقالتلي اسوي فحوصات كثيره منها فحص الغده وهرمون الحليب والكبد والباقي نسيت ههههه وكتبتلي حبوب الفوليك باليوم مره وحبوب حديد باليوم مرتين وعطتني تحويل لزوجي على اساس يروح للدكتور مالت التناسليه ويكلمه اني بديت علاج عشان يسويله السحب في نفس يوم عمليتي واعطتني اعطي ريلي فحوصات دم يسويها وسواها اممممممممممم وش بعد؟ اي عطتني كرت فيه موعد الابره التحضيريه وهو في 20/4 وقالتلي بعدها في خلال اسبوعين بتنول الدوره عقبها اجب ثاني او ثالث يوم لعمل التلفزيون المهبلي والحين انا ناطره تاريخ 20 على احر من الجمر قمت سالتها ممكن متى يكون السحب والترجيع على اي تاريخ قالتلي على 20 خمسه السحب والترجيع في 22 او 23 خمسه اذا كانت دورتك منتظمه وامورك في السليم والحمدلله على كل حال انا كتبت اللي يصير معاي على امل دعوه صادقه منكم وتتبع مراحل علاجي منها للاستفاده من ناحيتكم ومنها عشان تدعون لي عسى الله يتقبل وراح اكمل مسلسل علاجي خطوه بخطوه وابي منكم تفاعل واي سؤال انا حاظره الله يحفظكم........... |
رد: بديت علاج انابيب للمره ال3 تفضلوا
ياااااااااااااااااااارب يتمملج على خيييير ويسعدج
وتشيلينه بيييييييييييييييين يدييييج وأنتي بخييير وسهااااله |
رد: بديت علاج انابيب للمره ال3 تفضلوا
السلام عليكم صح لازم الدكتور يكون دكتور نفساني قبل كل شيء لانه المزاج يؤثر في كل شيء
الله يوفقك ويرزقنا ويرزقك الذرية الصالحة ويشفي كل مرضى المسلمين امين |
رد: بديت علاج انابيب للمره ال3 تفضلوا
الله يسهل أمورك وييسر حملك ياارب
أنا نفسي أسوي تلقيح صناعي لكن لسى ماراجعت دكتور الله يرزقنا ياارب |
رد: بديت علاج انابيب للمره ال3 تفضلوا
الله يسهل عليك ياارب,,,والله يرزقك ياارب الذرية الصالحه ياارب عااجل غير اجل ياارب,,
|
رد: بديت علاج انابيب للمره ال3 تفضلوا
تسلمون فديتكم وما قصرتوا الله يحفظكم
الله يرزقكم اللي بخاطركم عاجلا يارب وانا على وعدي راح اكتب مراحل علاجي خطوه خطوه لاجل الاستفاده اتمنى كل وحده تدخل تدعيلي وتقول يارب ارزق العضوه عشقت الحب لجل عيونك بالحمل في هذه الخطوه ويكون حملها ثابت وسليم ويرزقها بحمل سليم وطفل سليم وولاده ميسره ورضاعه تامه يارب مشكورين |
رد: بديت علاج انابيب للمره ال3 تفضلوا
يااااااااااااااااااارب ارزق العضوه عشقت الحب لجل عيونك بالحمل في هذه الخطوه
ويكون حملها ثابت وسليم ويرزقها بحمل سليم وطفل سليم وولاده ميسره ورضاعه تامه يارب |
رد: بديت علاج انابيب للمره ال3 تفضلوا
يارب يثبته لك
وادا اكان عندي سؤال حيرني راح ارسل لك عالخاص عشان تردي علي والله يوفقك يارب |
رد: بديت علاج انابيب للمره ال3 تفضلوا
هلا فيكم ومشكورين
ويا جنان الورد انا حاظره لاي استفسار وعديني اختج يعطيكم العافيه |
رد: بديت علاج انابيب للمره ال3 تفضلوا
الله يتم لك على خير ويرزقك الذرية الصالحة
|
| الساعة الآن 03:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .