الي ولدت قيصري تدخل .. عندي استفسارات

[ام اسكندر]

نسيت اقول

لازم تكوني دائمآ في جو بارد
عشان العملية ماتلتهب ويخرج صديد
يعني لاتلبسي ثقيل عشان ماتعرق
كلما عرضتيها للبرودة كلما نشفت اسرع
بس انتبهي لا تخلي راسك يبرد عشان ماتعطسي او تكحي
لان الكحة توجع جرحك تحسيه ينشد لما تشدي جسمك لا اراديآ مع الكحة او العطس

وطمنينا عنك بعدما تقومي بالسلامة

[ورودي البيضاء]

المشاركة الأصلية كتبت بواسطة وميض النجوم

السلام عليكم .. يابنات اخباركم إنشاءالله تمام

انا راح اولد قيصري ع الاسبوع الجاي تقريبا .. ومره خايفه وتجيني وساويس مو طبيعيه

وعندي شوية اسئلة اتمنى تجاوبوني عليها




بعد ماسويتي العمليه وقمتي من البنج ( سواء نصفي او كامل ) كيف حسيتي ؟؟ وهل تحسين بالي حواليك ؟؟

انا بنجي كان كامل و قمت عادي في غرفة الافاقة بس تحسي انك تقومي وتنامي وتقومي وتنامي هههه زي اللقطات كدا ... لكن هذا بس اول ساعتين غالبا بعدها عادي بتكوني فايقة ممكن بس تحسي بنعاس .. اما النصفي بتكوني صاحية و مافي دوخة غالبا ولا شي .. الا لو هم اعطوك منوم عشان تنامي مع النصفي ..






وإذا ماكنتي تحسي بالي حواليك ودايخه كم يوم ظليتي على هالحال وبعدين تحسنتي؟؟

الاجابة فوق نفسها






والخياطة كيف اعتني فيها ومتى تروح او تطيح الخيوط ؟؟

أغلب المستشفيات الحين يعملو الخياطة ليزر وانا خياطتي كانت كذا .. مافيها غرز ولا شي مجرد خط الجرح لأن الغرز تكون من تحت الجلد ..

وهذي مريحة جدا في العناية بالجرح و كمان أسهل وأحسن لا تنتبهي لغرز ولا تنتظري تطيحي ولا شي ...

انتي ممكن تقري كثير حطي كدا وحطي كدا او حطي الخلطة الفلانية والعلانية كويسة للجرح بس نصيحة نصحتني هيا كذا دكتورة وانا سويتها و ماندمت وكل اللي حولي متبعين نفس النظام ...

لا تحطي اي شي عالجرح الا لو الدكتورة وصفتلك شي معين حسب حالتك .. لو عادي كله طبيعي لا تحطي لا مرة ولا كريمات ولا شي ..

بالمستشفى اول مايشيلو الضماد تنتبهي ماتجي الموية عليه أبدا اول اسبوع ... عادي اتحممي بفوطة او منشفة مبللة ومن تحت غسلي عادي يعني اعملي اللي يريحك بس انتبهي تجي موية عالجرح اول اسبوع بس ...

وعندك بالصيدلية المسحات الطبية تجي مجموعة بعلبة ... كل يوم الصباح خذيلك مسحة مسحتين امسحي كوييييييس عالجرح راح ينظفه ويطهره

ووقد ماتقدري خلي الجرح يتهوى ... يعني شفتي تفسك لحالك بالغرفة ارفعي اللبس عن الجرح خليه يتهوى ... مرة كويس للجرح وضروري تهويه ..

وبس .. لا تلعبي بنفسك ولا تحطي اي خرابيط خليه يلتئم على راحته وبشكل طبيعي ويتهوى ويتطهر ويتعفم بالمسحات يوميا فقط لا اكثر ...






وهل يحتاج بعد العملية ينقلون لك دم ؟؟

غالبا لا ان شا الله خصوصا لو كان الحديد والدم عندك فوق 8 ...









كم يوم ظليتي بالمستشفى وبعدها طلعتي ورجعتي للبيت ؟؟

انا جلست ستة ايام لأن كان عندي ضغط وحالة خاصة ... لكن المعتاد خمسة ايام وبعض المستشفيات اقل .. يعني حسب المستشفى وحسب حالتك بس الاغلب حول اربعة خمسة ايام .. هو مايحتاج بس عشان يتطمنوا ان ماصار التهاب ولا شي ..





عارفة ان اسئلتي كثير لكني مررره خااااااااااااااااااايفه دعواتكم لي واذا عندكم نصايح لي لاتبخلون علي

استودعكم الله

لاتخافي .. لو المستشفى كويسة كمان ماراح تحسي بالام حتى بعد العملية لو نظامهم بالمسكنات كويس .. الا طبعا الافتقلصات بعد العملية بيوم .. بس بشكل عام كله محتمل ومافي هذاك التعب بصراحة ...

اهم شي ... امشي امشي امشي ..

راح يكون مالك نفس ولا لك حيل بس شدي ع نفسك وامشي .. وانتي بنفسك راح تلاحظي فرق .. لو مشيتي بالصباح مثلا حتلقي نفسك العصرية احسن وتخف الالام اكثر كل مامشيتي ...

ولا تمشي محنية .. راح تحسي صعب شوية ولو خليتي ظهرك مستقيم ببتحسي الجرح مشدود

بس احسن ومفيييييد بالمرة . وانتي بنفسك راح تشوفي فرق انك اول مرة راح تحسي ماتقدري تشدي وتستقيمي واللي بعدها حتلاقي نفسك قدرتي و هكذا ... التحسن بيكون سرييييييع خلال اليوم لما تمشي وتشدي نفسك ....

الله يجنبك الأذى و يعطيك خير القيصرية ... موفقة

[وميض النجوم]

ام اسكندر .. الله يجزاك كل خير يارب استفدت من ردودك ومن مواضيعك وصحيح كلامك كانه امس تونا في التجمع الاول والحين كلها اقل من اسبوع وراح اولد .. والله يقومك بالسلامة وتشوفين طفلك سليم ومعافى وتبلغين في اسكندر ..

ووردي البيضاء جزاك الله خير كثير افدتيني وانا اتفقت مع دكتورتي راح اخذ بنج نصفي لاني اخاف من خطر الغيبوبة ..

وانا حاليا في المستشفى راح ينيموني يومين عشان يظبطون معاي الدم والسكر و بعدين بطلع عشان اجهز نفسي وبرجع للمستشفى عشان العمليه ..

اشكركم يا بنات من كل قلبي والله ماقصرتو وماتدرون قد ايش ريحتوني .. ومارح انساكم من دعائي