طفلي الاول مارضع من صدري .. هل طفلي الثاني ؟؟

[ليالي حب]

صراحه ماشاء الله صدرى احسه كبر شوى
رغممم انى مارضعت ولا في حياتى طبيعى لان جبت مرتين قيصري اول مات والثانى ربي يخليه لى ويجعله قره عيني !!

بس احس ولادتى هذى ماشاء اللله كبر صدريي!!؟؟ لدرجه عقدني
مدرى زياده بالوزن تسووى كذا ولا ايش ؟

[طفلة خذت قلبي]

شوفي تجربتي
انا اول ماحملت وقبل ما اعرف بحملي كبر صدري بشكل ملحوظ خفت قلت يمكن عندي مشاكل في الهرمونات بعدها عرفت اني حامل
ولما وصلت للشهر الرابع قام ينزل من صدري حليب مع ان اسبق لي اني حملت من قبل وفي الثامن قطع
لما ولدت كانت ولادتي قيصرية ضلت بنتي بعيدة عني 3 أيام وفي هالثلاث أيام ماكان ينزل من صدري حليب
وبعدها جابولي بنتي من اول ماجابوها رضعتها من صدري كان ينزل قليل او بالاصح ماينزل الا قطرات
كملت وكنت مصرة اني ما اعطيها صناعي المهم اول يوم بالليل وانا في المستشفى قامت تبكي كثير ومو عارفة شنو اسوي كان ينزل حليب بس مو كافي لها ضلت ساعتين او 3 ساعات تبكي وكانوا يجون يصرخون علي سكتيها تجي الممرضة تجرب تشوفها ترضع وتشوف صدري ينزل من حليب وبعد عناء جابت لي رضاعة من عندهم عطيتها ونامت 8 ساعات
يوم ثاني صارت لي نفس القصة ويصرخون علي انا خايفة عليها وهم مخوفيني اكثر من صراخهم الين عطوها في الليل رضاعة وسكتت
المهم بعدها طلعت من المستشفى وكنت شارية لها حليب
كنت ارضعها من صدري مع اني ادري انه مو كافيها في الليل صارت لي نفس القصة عطيتها رضاعة حتى مارضت تدخلها فمها
قمت بعدها ارضعها طبيعي من تبكي اعطيها من تبكي اعطيها
وللحين مايكفيها قمت اذا شفته ماينزل حليب اكل جبن واكل رهش حاطة جنبي عصيرات ورهش في بادية مغطيته
كل ماشفت صدري مافيه حليب اكل رهش واشرب عصيرات ولبن وكل يوم في الفطور اكل 3 سندويشات وحده جبن ووحده لبنة ووحده رهش وبعدي عن عصير البرتقال لانه يسبب حساسية في الحفاض للطفل
ماكملت الأسبوعين الا صدري قام ينزل منه حتى وقت اللي ما ارضعها وكل ما ارضعها اكثر كان يزيد الحليب اكثر

وانقهرت ان اختي والد قبلي ب 4 شهور بس هي كانت كلا تقول ولدي مايبي مني طبيعي قليل مايكفي وقامت تعطيه رضاعة لما عاف صدرها قامت تخلي امي كلا تجي تقولي مايكفي كنت انقهر واصر اكثر على الرضاعة

والحين ولدها اللي يرضع صناعي صاير ضعيف ووزنه اقل من الطبيعي
وبنتي اللي ترضع طبيعي وزنها زايد عن الطبيعي الحمد لله وكل ماله ويزيد اكثر

الحمد لله على كل نعمة ولا عليج من كلام الناس حتى لو اقرب الناس

[طفلة خذت قلبي]

وبعد نسيت اقولج اول مابديت ارضعها مفيني حلمة وكنت ارضعها بصعوبة بس مع الوقت الحمد لله طلعت الحلمة من كثر الرضاعة وحاولي اذا ماشفتيها تمدينها باصابعج دهنيهن بزيت زيتون ومديها كل ماصارت لج فرصة

انا صح القى صعوبة وقت السوق او الطلعات بس الحمد لله اهم شي راحة بنتي

[أم حمودي وعبودي]

الله سبحانه وتعالى يخلق الطفل ويخلق له الغذاء

وغالباً الأم هي سبب حرمان طفلها من الحليب بحجة إن الحليب غير كافي مع إنها كل ما وضعت الطفل على صدرها يزداد إدرار الحليب

قليل من الصبر وكثير من الحب وسوف ترضيعن طفلك رضاعة طبيعية

[**لولا**]

لا حول ولا قوة الا بالله كتب رد طويل وراح

اكبر غلط ان الام تفكر مافيها حليب وان حليبها قليل ومايشبع وتسمع كلام اللي حولها وتأثيرهم يكون قوي وتضعف لكلامهم ومع بكاء الطفل الام تفكر انه جيعان ومايشبعه غير الصناعي,,طبيعي البيبي يصرخ بشدة حتى وان رضع ومص مصتين وتركه وصرخ مو معناته ماعجبه لاااا معناته جيعان ولسة معدته مامتلت ومو قادر يصبر فهمتي فاستمري لين يشبع

مرة خالي رضعت بنتها الاولى شهرين لنفس السبب والثاني 7 شهور لانها حطت ببالها تقدر ترضع وحاولت وعرفت الغلط فسبحان الله

وانا نفس الشي سار لي ولكن ماضعفت وطنشت الكل وسويت اللي براسي بعد مارجعت بيتي بعد الاربعين جلستله مزبوووط وغصبته غصب يبكي واطنشه لين يرضع من صدري وماشاءالله نظمت ساعات رضاعته كان حليبي يدر لما اركع او اشيل ملابسي ماشاءالله وهو كان يحب الصناعي مووووت وصرت امنعه اعطيه بس مرتين ثم مرة ولما صار عمره 5 شهور هو كره كل انواع الصناعي ولا يتقبل القارورة نهائي بس صدري ورضعته سنة لين حملت وفطمته
والحين متعود يشرب حليب بالكوب والمصاص الحمدلله


مهما شربتو سوايل واعشاب وانواع الغذا ماراح ينزل حليب الا بالمص بالمص بالمص
مافي مص مافي حليب
مص قليل حليب قليل
مص كتير حليب كتير<<<<قلبت جاوية خخخ

نظمي اهم شي كل ساعتين او ساعة يمص اول شهرين يرضع كل وقت واي وقت بعد شهرين نظمي وراح ينتظم الادرار حسب طلبه سبحان الله راح تلاحظي الصدر يمتلي وقت رضعته


سلام

[Om KHaled]

الموضوع قديم
سوف يغلق