تجمع حوامل ليبيا

[saly.me.91]

واحد عصبي يبي يدير أي حاجة باش يتعارك هو ومرته خش للحوش قالها وين الغبرة إلى عالطاولة قالتله علاش قالها كاتب عليها رقم صاحبي.

[hatoo]

ههههههههههههههههههههههههه حلوه ياسالي ولاباس عليك

[ميمونة]

شن هالكساد شوركم طلعتوا

خشوا قولونا شن درت هالجمعه المباركه

[ميمونة]

من الاخير ليبية و لا بلاش ))
... ... ... ...
الطرابلسية رشدة كسكاس أديرهالى بالنية .

الترهونية ريحة شربتها أتعز عليا .

الزوارية بازين بالحوت صقع عليا .

الغريانية من الجمال... قالك هيفا لوح عليا .

الزنتانية تغزل هداكا الصوف وفى الشتاء أتغطيه عليا .

الصرمانيه بازينها معدل وإتقدر فيا .

الريانية إتوكلنى الزميطة والسلاطة المشوية ومتخليني أنلبز أيديا

الككلية خبزة التنور ما اديرها إلا ليا .

السبهاوية عرجون البلح واللبن من البقرة العربية .

الورشفانية من أخبارها لين فاتت العربية .

الصبراتية بحرها نظيف وإيعز عليا .

المصراتية من كثر الدلال خلتنى نمشى على أيديا .

الجبالية عيون عسليات وشعر مسبسب وووه عليا .

الرجبانية بطوسية الشهاى المخلطة بالكاكوية.

الصويعية قلبها ديما حنين وحشومى شوية .

التاجورية زين وعقل وراهى وبنت بيتيه.

الزرقانية إتخليني نرقد على راحتى ولما انوض أتقولى أتكى وريح عضامك شوية عليا

ونزيد نقول ثاني

و الجميلية تحددلى حوايجى وديما تجنتل فيا

الشرقاوية بخوف اللبوة على صغارها تخاف عليا

الخمسية فى قرمة الناس مترضاش ربع كلمة عليا

خوذ الطبرقية .... وانسي الهم شوية

خوذ الدرناوية ... وقول نا اتجوزت ولية

خوذ البيضاوية .. توا اتقول يوه عليا

خوذ البنغازية ... وانسي كل الاسية

و خوذ من العاصمة .... طول عمرك السعادة علي وجك راسمة .... هي لجميع النسوان قاسمة..

[عيون زوجي]

السلام عليكم جمعه الخيررررررر عليكم وجمعه دايره بالفرح والهني
ميمونه......انا اليوم في حوش بوي ولما انكون غادي ننسى كل شي نلهى في الهدرزة وخلاص
ام قصي....كيف حالك يا احبيبه وابعيد السو اعليك من العركه وقعده نستنى في الطريقه
بنت الجبل.......300 الف مرحبا وهلا بيك بينا
سالي....لابأس طهور اعليك وهادي برده عالجناب اتغطي وادفي كويس واشربي السخون زي السحلب باللوز والكاكاو والشاهي الاخضر بالنعناع والليم العصري
بقية البنااااااااااات وين مغطسات خشوا قولوا وينكم؟؟؟؟؟؟

[عيون زوجي]

هاااااااااااتو كيف حالك وحال رتولي وشنو الطقس عندكم في الشرق زينا بنجمدوا ولا لا والضي ماعندكمش معاه مشكله زينا صح؟

[زهرة2000]

خيرات
عيون كيف حالك وحال سارة وحمودى

[أم أجنادين 80]

السلام عليكم
كيف حالكم

[عيون زوجي]

زهرة
ام اجنادين
كيف حالكم يا حلوات؟

[عيون زوجي]

زهرة كيف حال بنيتك والحمل معااااااااك