دردشة بنات ليبيا , دردشة حوامل ليبيا , تجمع بنات ليبيا

ليبياقلبي · 07-28-2012, 05:15 AM

يقونة جابت وليد سميته ابراهيم امس الصبح حالها كويس والحمد لله جابت طبيعي
وبدون وجع صناعي

أم أجنادين 80 · 07-28-2012, 06:02 AM

نوضوا صلوا الفجر

أم ورد · 07-28-2012, 02:04 PM

الحمد لله على سلامتك يقونة ومبروك ما زاد عليك ويتربي في عزك وعز بوه يارب

أثري في مدادي · 07-28-2012, 04:51 PM

مبــــــــــــــــــــــــــــــــــــــــــــــــ ــــارك يقوووووووووووونة

وأخيراً ،،،،،،،،،،،،،،،،،،،،،،،

حمدا لله على سلامتك ، وسلامة ولي العـــــــــــــــــــــــــهد ،،،

وياربي يكون من قسمك ، ويباركلك المولى فيه ويرزقك بره ،،،،،،،، يااااااااااااااااارب

وطيــــــــــــــــــــب فيك افتكيت من الوجع الصناعي ومن العمليااااااااااااااااااات ،،،

وإن شاء الله عقبال ما نسمع بوحاااااااااااااااااااام

أم وسونة و أم ورد وأم أجنادين وتمر حنة و ميمونة وكل من خاطره ياااااااااارب

~~~~~~~~~~~~~~~~~~~~~~~~~~~~~~~~~~~~~~~~~~~~

أثري في مدادي · 07-28-2012, 05:12 PM

اقتباس:

المشاركة الأصلية كتبت بواسطة ام معاد

اثري في مدادي مبروك ماشريتي ويبيده ولدك بالهني والفال ماتبضعيله وهو عريس يارب ،

الله يبارك فيك ،،، وربي يحفظك على هالدعوات الطيبة ،،، وعقبال ما تشوفي عويلك في حجرك ،،، بس مش توا ......وسعي بالك ،،، أني قبلك هههههههه

بس عندي طلب اني نموت في بضاعة تشيكو لانها حاجة روعة وحقها فيها وزوزي اكتر مني خخخخ

أيه والله صدقت ،،، حاجتهم تعيـــــــــــــش نين تكرهي شكلها ،،ومرة ثانية نحكيلك على موقف صارلي معاهم بخصوص جودة ملابسهم ،،،

نبيك توصفيلي الحل هدا بالضبط وين مع الوصف الدقيق لوسمحتي لان الاسبوع الجاي بادن الله بناخد للصغار

تعالي جاي ،،، إنت وين تسكني باش نعرف نوصفلك من أي جهة جاية ؟؟؟؟
لكن عموما ،،،،
تعرفي قاعة الشعب °° سابقاً °° اللي في حي الأندلس ، خليها على يسارك والبحر علي يمينك وقدمي لقداااااااام ،،،
تلقي بسيكري للأطفال ، ومحلات بن عبد الله للأح>ية علي يمينك زيدي قدمي لقداااااااااااااام
بعدين يجيك على اليسار مجموعة محلات " عصائر هافانا ، وأريج للمكياج ، وقهوة هارون " المهم الشارع اللي قبل عصائر هافانا بالظبط ،،، طبعا بيجيك على اليسار ؛شارع كبير واسع وراكب زي الصليطة لفوووووووووق ،،،،
خشي لهداك الشارع وقدمي شوية تلقي محلات تشيكو ،،، حتى هم على اليسار ،،، اللهم اجعلنا من أهل اليمين ،،،،
هذا فرعهم في حي الأندلس وعندهم فرع ثاني في بن عاشور لكن منقدرش نوصفه مشيتله مرة وحدة بـــــــــــــــــــــس
وهذا رقم المحل بحي الأندلس كان تبوا تزيدوا تستفسروا :
0913558507
ومبارك على الصغار مقدما ،،، بس مادبيك ماتعطليش لأن البضاعة المميزة يخطفوا فيها هي الأولى ،،،

ونبي ناخد لولدي لبسة عربية معتبرة قوليلي افضل المحلات لان ولدي نفس عمر ولدك وكل متنمشي لمحل متنلقوله مقاسه لين ندهشوا لان بعض المحلت تلقي فيها لبس عربي للصغار مش كلهم

ويا حنانــــــــــــــــــــــــة
بالنسبة للبس العربي ،،، نعتونا علي محل اسمه " طيور الجنة " في الطريق اللي ترفع لمصحة الفردوس ،،،
خشيتله خاطري تطبق ،، وخلوقي ضاقوااااااااااااااااا

بالرغم من أنه تخصصه أطفال وسن محـــــــــــــــــــير ،،، لكن لقيناهم يرتبوا ويساووا في بضاعتهم ،،، دنيتهم كلها حايسة ،،، مقدرتش نشوف شئ

طلعنا منه ،،،وقدمنا شويــــــــــــــــة لقيت محل كبير ،،وحاط في العرض هلبة عروض لأطفال ،،، منتفكرش في اسمه ،،، المهم خشينا لقيته عنده حاجات قنينة ،،،
البدلة لخديتها لولدي اسمها " المتميز " خامتها روعة الصراحة ،،،، وركبتلها عليها فريملة وطاقية ،،،
تكلفت 65 د. ل
وأي استفسار تفضلي ،،، نحن في الخدمــــــــــــــــــــــة ،،،

~~sosolibya~~ · 07-28-2012, 05:42 PM

السلام عليكم
كيف الحال

شن صار فى يقونة

ام معاد · 07-28-2012, 08:05 PM

السلام عليكم

أثري في مدادي · 07-28-2012, 11:22 PM

وعليكم السلام ورحمـــــــــــــــــــة الله وبركاتـــــــــــــــــــــــه ،،،،

أثري في مدادي · 07-29-2012, 12:03 AM

أخواتي الغاليــــــــــــــــــــات ،،،،،
ما رأيكـــــــــــــن في أن نتعرف على بعض أكــــــــــــــثر ،،، وبشكــــــــــــــل مختلف عما عهدناه ،،،

يعني ~~~~

أطرح هنا بعض الأسئلة الخاصة بجانب من جوانب حياتك ،،، ومن أرادت التفاعل معنا تقوم بالإجابة عنها وبكل صراحة وشفافية ،،،،

ثم نتناقش حول مجموع الإجابـــــــــــــــــــــــــات ،،، ونستخلص بعض الفوائد منها ~~
الفكـــــــــــــــــرة بسيطة ، ولا إبداااااااع فيها ،،،
بس فيها تغيير لنمط مشاركاتنا عبر هذا التجمع ،،،

وبما أننا من بلد واحد ، وبيئتنا متقاربة ، وتجمعنا هذه الصفحات الطيبة ،،،

فلعلنا ،،،،،،،،،، نستفيد ونفيــــــــــــــد غيرنــــــــــــــــــــــا ،،،

علمـــــــــــــــــــــاً ،،، بأن نمط الأسئلة
°° مبدئيـــا°°
سيخدم الجانب الديني بالدرجة الأولى ؛ لمناسبة الحدث مع هذا الزمان المبارك ،،،

ولأن التوعية وتبادل النصح في أمور ديننا أولى من أمور دنيانا ،،،،

وبإنتظار تفاعلــــــــــكنّ ،،، ولو ببعض المجاملات اللطيفة والحليوة منكن يا مبدعااااااااات

~~sosolibya~~ · 07-29-2012, 02:10 AM

السلام عليكم

الف الف الف الف مبرووووووووووووووووك
يايقونة
عليك العزرى ويتربى فى عزكم ويكون من حملة الكتاب امين

ربى يخليهولكم

وباهى ياشريرة الاسم واتى وماقلتيش

طيب فيك يللى نضتى مابيكش (ز العزايز هه)
افتكيتى من الوجع والعمليات

الحمد لله ع سلامتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM