دردشة بنات العراق, دردشة حوامل العراق , تجمع بنات العراق

[روح ملائكيه]

الحمدلله اني متعينه هههههههههههههههه ..تدرين كل مره افكر اترك وظيفتي واكعد هنا بالامارات ماارجع للعراق بس اهلي يكولولي انتي مخبله(حشاكم) هو اكو تعيين وانتي تردين تبطلين؟؟؟
والله ناسيه شنو تعليم صارلي 6 سنوات مامدرسه حرف ههههههههههههههه

[روح ملائكيه]

هههههههههههههه يمعوده ماليه عليج البيت لو ما هيه جان كتلتج الوحشه
اكلج شو طلعن عماتهن كلهه طيوبات عمت عين البانيه جا شبي حظنه كماشاتنه شثكلهن علمعده ههههههههههههههههههه

ههههههههههههههههههههههه زنوبه اني انضميت لقائمتهن عمتي ام زوجي كلش تحبني حتى اكثر من بناتها لأن داريتها تصوري اولادها ميريدوها اني اخذتها يمي وجان زوجي مسافر بالامارات واني وحدي ومحد سأل عليها او عليه لا ابن ولا بنت ..لذلك تحبني وحتى للتقاعد جنت اخذها وام المصرف عبالها اني بنتها كتلها لا هذي عمتي تفاجأت هههههههههههههه والله عمتي خطيه تبهذلت بكبرتها مع انها لحد الآن قويه والكل يخاف منها ..

[روح ملائكيه]

بنونه فدوه اروح لحفاظتها شعندي غيرها
انا البارحه متت قهر لانها تحب الجهال وانا مابيه خير
واجيب الها اخو اخت تلعب وياهم

لا حشاج امونه شنو هالحجي شنو مابيج خير ؟؟ هذا رزق من رب العالمين ثم انتي شمدريج شقاسملج الله بالمستقبل يجوز الاحسن ..ثم انتي عندج بنونه تسوه الدنيا عندج لا تخلين الحجي يأثر على نفسيتج ولا تنسي قوله تعالى(وعسى ان تكرهوا شيئا وهو خير لكم وعسى ان تحبوا شيئا وهو شر لكم)

وثم عندج اني هم خطيه شوق ظلت وحدها 4 سنوات بحيث انجنت الطفله مانطلع مانشوف بشر ..الخ وداعتج اسمي عايشه بالامارات بس محبوسه بالبيت ومن اضوج اباوع من اشباك للشارع وحتى مرات دموعي تنزل بس شسوي امري لله وصابره ..

[ام نورهانه]

والله اني عمتي هم لازينة ولا موزينه يعني والله عدها وكفات ويايه اهلي موكفوها بس عدها ساعات الله لا يواركم تصير فد شي لا يطاق وشويه هي انحيازية لبناتها كلش هوايه يعني على حسابنه وحساب ولدها وهنه متزوجات بس من تنخيها او تطلبين منها شي تركض كدامج يعني هيج ومو هيج وتحب ابنها الجبير تموت عليه وحقها لان هو اكثر واحد بار بيه وسخي عليها مع العلم هي ماشاء الله عدها مال بس مرته للجبير وحده مطيق الخ لاهي ولا ذيج

[ام نورهانه]

يله اني راح اظل فاتحة الدردشة اروح انظف البيت وكل شوي امد راسي عليكم

[روح ملائكيه]

هلااووو بنات .... شلونج ام لولي شتاقيييت اللوولي ،صورته ههههه فدوه لقلبه ... بس اريد اسالكم عل الخياط اكو تجميليه و عاديه شنو الفرق بينهم اني بعد اسبوع ويصيرلي شهر يعني مبقه شي عل الاربعين بس بعدني اتئذه من مكان الخياط ؟؟ و ابو حمودي دينتظر ؟؟

هلو حلاوي شنو سوولج خياطه تجميليه؟؟
حبي اني هم سوولي خياطه تجميليه بس بسيطه لأن اكو نوعين من الخياطه التجميليه..
النوع الاول..يعملوه بعد الخياطه العاديه يعني بالنهايه يصير بالاعلى ويرتب شكل المهبل والمنطقه الحساسه وطبعا بعد الاربعين تروح منج الخيوط وتفين بشكل كامل (هذا اذا كانت خياطاتج هواي)
النوع الثاني..يعلموه للمرأه الي ماتريد حمل بعد وهو مثل العمليه وبيه تخدير وهم مثل النفاس 40 يوم راحه وللعلم اذا صار عند المرأه الي سوت هذا النوع ماتكدر تولد طبيعي الا بعمليه قيصريه لأنه يضيق المهبل لدرجه كبيره..

واحسن شي الج خلصي من خياطاتج ونظفي زين لأن اذا صار جماع وانتي بعدج مو نظيفه يصير عندج التهابات وامراض اخرى..
واذا طولت وياج الخيوط لبعد الاربعين روحي لدكتوره حتى تشيلها منج لأن بقائها يضرج
قبلاتي لحمودي الورد

[روح ملائكيه]

هو اذا العمه عاشت ويه الجنه اكيد تصير مشاكل اني متأكده انه عمتي لو كانت عايشه وياي على طول كان ضجت من تصرفاتها ..هذا قانون الحياة ..بس اني عندي مبدأ او تصرف انه اخذها بالعين والاغاتي واداريها واحسبها مثل والدتي واسويلها الي تريده حتى قبل لا تطلبه مني يعني لازم الجنه تدرس عمتها دراسه تامه حتى تكسب رضاها .. بالنسبه الي احس نفسي كسبت رضاها وهذا بفضل ربي والحمدلله ...

[روح ملائكيه]

هههههههههههههههههه صرتي مثل امونه كل ماتجي وعدها شغل تروح وتجي وتكول امد راسي هههههههههههههههه اوك اني هم داارد عالبنات

[روح ملائكيه]

خوش معلومات تفصيلية هههههه
اي صدك ذكرتينا كل وحدة تدخل تذكر عمر زوجها
لأن السيفيات بيها نقص ... ممنوع التكتم على هالأمر.

ههههههههههههههههههههه اي كولي عمر زوجج؟ ههههههههههههه

يله انا اكثر من مره ذكرت عمر زوجي وهو اكبر مني 17 سنه

لان اني لازم عمري 26 بس ابوي مكبرني علمود زياده الراتب

ومن اكول ابوي كبرني يكول لا انتي جبيره عاد كمت اكول على الجنسيه ههههههههههههههه

ههههههههههههه امونه اني ابوي مصغرني يوم اني اجيت 26 /10 مسجلني 25/10 كتلهم امشي عالجنسيه لأن كل العرب يحتفلون بعيد ميلادي لغة الضاد يصادف بهاليوم ههههههههههههههههههه طبعا ابوي دائما يسجل ولاداتنا غلط وخطيه اختي الصغيره كبرها سنه علمود يسجلها من وكت بالمدرسه ...

هلو بنات حبيباتي شلونكم مشتاقتلكم كومات كومات اي الحمدلله زينه ويوسف زين بس الكهرباء طيحت حظي طكت المحوله وحتى المولده مال الشارع تخربط اخباركم ؟

اني يوسف اتحرك نهاية الثالث

على ذكر العمر اني زوجي عمره 28 سنه

ام بنونه هاي شنو عمر تفكه بكد بيبيتي ام ابويه وليهسه مقاومه ولسانها اطول منها

هلو ايو عمري ...يله هذا حال الكهرباء بالعراق هي المولدات كلها صيني وبسرعه تحترك..
اذا متعجبه على عمر عمة امونه لعد اني من تزوجت جانوا يكولون عمر عمتي 95 سنه وهسه صارلي 6 سنوات متزوجه فأنتي حسبي هههههههههه بس لو تشوفيها ماشاء الله عليها مهتمه بروحها وبقوتها وحتى تاكل اكل دسم وتتريك كل يوم قيمر عرب واني اشتريلها كريمات للوجه وشامبوات وعطور ههههههه شفتي شكد مدلله عمتي؟؟؟ هسه انبسط ههههههههههههه

صدك اني زوجي عمره 50 سنه اكبر مني بـ 15 سنه بس الي يشوفه يكول اصغر مني واحلى مني هههههههههه شفتوا شلون اعترف بالله اكو وحده تكول زوجي احلى منها؟؟ خخخخخخخخخ

[روح ملائكيه]

كلش ما احب الفرق الهوايه بين الرجال ومرته احب اكثر شي 9 سنين من يزيد يصير تفاوت بالاراء ويحس نفسه عجز وهيه بعدها صغيرونه

ولج ايو يافرق ههههههههههههههه اني بيني وبين زوجي 15 سنه واني عجزت وهو بعده بشبابه ههههههههههههههه والله ضحكتني هالجمله .. تدرين اني احب الفرق الهواي بين الرجال ومرته لأن شفت اخواتي تزوجن فرق سنه وسنتين وماارتاحن وشفت صاحباتي والمعلمات الي وياي بالنهايه اختاريت زوجي وللعلم تقدملي وياه مهندس هم بنفس عمره ههههههه وداعتج الجبير يفهمج اكثر وحتى يعلمج ويحترمج اكثر اني جنت كلش عصبيه وماانحمل وحساسه كلش وبسرعه ابجي هسه اتطورت وين قبل وين هسه فرق شاااااااااااااااااااسع هههههههههههههههه يعني لو يرجع بيه الوكت هم اختاره هههههههههه