دردشة بنات تبوك, دردشة حوامل تبوك , تجمع بنات تبوك

[نسيم الصبا]

بنت تبوك الله يشفيه اختي جتها ثعلبه وودوها اهلي لدكتور وضربها ابر سببت في كسل الغده الدرقيه والحمدلله على كل حال بعد كذا شافتها حرمه كبيره ونصحة امي تفركها بالثوم وربي بعدها مره على مره بدا يطلع الشعر
والحدلله شوفيها الحين شعرها لين اسفل ظهرها ماشاء الله وتقصه بعد عليك بالثووووووووووووم
والله مانفعها الا بعد الله الا هو خذيه وقصيه وافركيه براس ولدك كل يوم ثلاث مرات استمري عليها

[بناتي دنيتي]

بنت تبوك الله يشفي ولدك انصحك وديه لدكتور واقري عليه وأعطيه مويا زمزم زمزم لما شرب له

[Sosoas]

صباح الخير ياعسولات انا اول مرة ادردش معاكم وياليت تقبلونى كااخت لكم

ياحلوات عندى استفسار افضل دكتورة بتبوك تعرف جنس الجنين ببداية الرابع لانى ناوية اسوى سونار بس مااعرف الادكتورة مها الشيخ

بعكاظ بس مشكلتها ماتبرد القلب كل شغلها بسرعة حتى مافى خصوصية مايمديكى تخرجى من غرفة السونار الا عندها وحدة جالسة

ابى دكتورة شاطر مع العلم انى اراج بالعسكرى وبسوى عندهم ربط بعد اسبوعين بس تعرفون الفضول ذابحنى ابيكم ومن تجربة تقولولى

افضل دكتورة

انتظركم ياحبايبى

[بنت تبوك]

صباحكم ورد ياحلى ورد

[بنت تبوك]

اختي sosoas نصيحتي لك تروحين عند هدى اللي بعكاظ ترى مررررررررررررره ممتازه واحلى مافيها ماعندها زحمه زي مها الشيخ وتراها شاطره بمعرفة نوع الجنين انا كشفت عندها مرتين وكل مره يكون تخمينها صحيح بس انصحك قبل ماتروحين لها تاكلي حلا وتشربي مويه كثير وتمشي قبل ماتدخلي عندها يعني بدل ماتجلسي في الانتظار تتمشي شوي لان هذا يساعد ان البيبي يكون صاحي ويتحرك كثييييييير وبكذا راح يبان معاها نوع الجنين بسرعه ...................... يالله روحي اكشفي وبشريني ولد والابنت وانت ايش حابه
واي خدمه ياعسل اناحاضره..

[بنت تبوك]

بنات ابغى اتوكل على الله واستخدم حبوب فايتكس اللي تساعد على حمل التوام ايش رايكم وايش نصايحكم لي واذا فيه وحده جربتها ياليت تحكيلنا تجربتها............. بصراحه نفسي ببنت وولد توام

[لمسآت الورد]

بنت تبوك... بنت أختي لا انولدت وشعرها طبيعي بس فجأه جتها الثعلبه بشعرها المشكله بالمقدمه وهي يمكن عمرها 6 سنوات واستمرت أمها ع الثوم الين نبت الشعر أنتي جربي مع ولدك أقل شيء بحواجبه وان شاء الله خير
عندي احساس مشكلته محلوله أنتي بس لا تهملينه’ والله يخليه لك يارب..

[لمسآت الورد]

نفسي اراجع عند دكتورة اردنيه أو سوريه أحس هم اللي ممتازات
لكن مها الشيخ نفس ماقالت الأخت رحت لها مره وشغلها سررريييع
ودخلتني باقي وحده جوى وحوووسه!!
مالي الا اكتمال لكن مشكلتها يقولون زحمه مره وتجيها حالات ولاده ورددي ياليل ما اطولك..
محتاااره

[بنت تبوك]

لمسات الورد مشكوره على ردك بس على فكره انا استخدمت له زيت الثوم لاني اشوف ان الثوم العادي حار عليه ويمكن يتحسس منه بس راح اجرب وانشاءالله خير ويارب اني ابشركم بنتائج حلوه ادعو له..

[Sosoas]

مشكورة ياقلبى بنت تبوك بس بسالك مستوصف عكاظ وين بالضبط لان مها الشيخ بدرة عكاظ ؟؟؟؟ انحست يعنى فى عكاظين بتبوك

وانتى ياقلبو كشفتى باى اسبوع من حملك

وانا بصراحة نفسى ان الله يرزقنى بولد لان عندى بنوتة عمرها 6 سنوات وان شاء الله لاكشفت جيت وخبرتكم

بس ياريت البنات كل واحدة تدخل وتقول لنا اذا كشفت ببداية الرابع يبان