دردشة بنات فلسطين, دردشة حوامل فلسطين, تجمع بنات فلسطين

[umm 3amr]

وأيامكم سعادة
احساس وحيفا ودودو

كنت بقرأ بالصفحات
وعمورة بسكر النت
جنني

اول العام كان
عمورة صغير وحضرت
الاحتفالات براس السنه
بحديقه الخور ومضاها يبكي
من الصوت كان في العاب ناريه
ومهرجين ودمى من كل البلاد
واصوات رهيبه وطبلات
والعام احتفلنا مع بيت صاحبه
جاتوه وعصائر وعشا
السنه اطلعنا ومن زحمت السير
ما شفنا شي وارجعنا ع 3 الصبح
واحنا بالزحمه وبالسياره


كنتو تحكو عن الناس وكلامهم
الي ما بخلص ما حد عاجبو شي
حملتي ما بعجبهم اتاخرتي
نفس الشي
وصل فيهم الكلام عندي تابعه
ومسكونه ومسحورة ههههه
السنه بعد ما مات ابني
القيت سحر بملابسي
انجنيت ال شو حرز بحكوا عنه

[umm 3amr]

بسم الله نزل ضغطي
ودايخه شكلها
رجع الضغط برجع
ادعولي ما يغمى علي

[احساس أنثى]

الف سلامه عليكي ام عمر ... ديري بالك على حالك مش كويس الضغط

ووالله الناس فعلا مش سايبه حد بحالو يالطيف وين بدهم يودو وجهم من رب العالمين

[حيفا]

اهااا يا ستي ان شاء الله بجربها هالشهر بس تنزل المحروسة

[احساس أنثى]

ان شاالله ياحيفا

وا نشاالله اذا مانزلت يكون حمل

[حيفا]

حبيبتي ام عمر سلامة قلبك يا حلوة ريحي حالك وما تفكري بشي :)

كلام الناس متل السكاكين بيجرح ، المشكلة انه كل انسان عنده مشاكله اللي ما بحب حدا يحكي عليه فيها ، جد بستغرب انا ، لانه انا بحب اتعامل مع الناس متل ما بحب الناس يعاملوني !!
وبالنسبة للسحر والحسد وااااارد جدا ، انا كنت ما أصدق انه في حدا بهالايام ممكن يعملها ، بس صارت واتاكدت انه في نفسيات مريضة ليومنا بتتعامل بالسحر لسا ، وبتحسد بقصد الحسد ! الله يجيرنا ويبعد عنا وعنكم كل شر :)

[حيفا]

حبيبتي احساس ربنا يسمع منك يارب ويعطيكي انتي كمان كل اللي بتتمنيه

[~{{ DoDo }}~]

احساس
والله زوجك مولود هون، اللي بتعود عالحياة هون صعب يبعد عنها
خصوصا لو كان كبير بجد ، مش عشان ما بنحب بلدنا بس تعودنا ع كل اشي هون
خلص نمط الحياة والناس ما حدا بيتدخل بحدا وانتي ببيتك حرة ما حدا اله عندك
يعني غير عن بلادنا
بس الواحد بيحن للاهل والله هاد اكتر شي

غموض وحيفا
انشالله يااارب انتوا التنين مع بعض هالشهر تبشرونا :)

ام عمرو
سلامة قلبك حبيبتي
ديري بالك ع حالك وازا زاد موضوع روحي عالمستشفى
انشالله ما فيكي الا كل خير

يسعد اوقاتكم جميعا :)

[احساس أنثى]

تسلميلي ياحيفا

صحيح يادودو ... اول مااجو كانو بمشاكل مع عمي مش متعودين ع الحياه هان بس تعودو هلقيت
وحماتي فعلا بتقول هناك ماحد بعرف عنك شي مش زي هان حسد والكل بيطلع والكل بيعرف عنك كل شي

[زهرة القدس]

السلام عليكم
كيفكم يا صبايا ان شاءالله تكوني بحير

ان شاءالله السنه الجديده سنة خير وسعادة عليكم والكل يحقق يلي في بالو

انا ما بشارك معكم كتير بس بقرأ اخباركم

حيفا ان شاءالله قريبا بتفرحينا بالاخبار الساره صدقيني ربنا ما في اكرم منه

انا عانيت 3 سنوات ونصق منشطات وابر وتلقيح صناعي وعلى الفاضي ولما ربنا راد صار الاشي طبيعي من غير اي علاج والحمدلله رب العالمين