دردشة بنات العراق, دردشة حوامل العراق , تجمع بنات العراق

[*شفق*]

هلو حبايب شلونكم وشكرا لكل من سال عني حبايبي والله احبكم اني بخير الحمد لله وجهالي هم زينين
راح اجاوب على سؤال توتو آني بالخدمة حبايبي تدللون
طبعا آني من جنت حامل بأبني جنت دائما افكر بموضوع الغيرة خاف اختة تغار منه وشسوي حتى متغار بس جنت اتوقع مراح تغار لان جانت يومية تكلي يلة ماما شوكت يجي اخوية وشوكت يشكون طنج وتخلي ايدهة على بطني وتفرح اذا حست بحركتة
طبعا اني مثل متعرفون جبت عملية جانت عمليتي ب3 ظهر وبنتي بقت يم اختي ببيتهم
بليل جابولي بنتي جنت كلش متحمسة اريد اشوفهة شتسوي دخلت الغرفة بقت صافنة على اخوهة مستغربة تباوعلي وتباوع لاخوهة ابتسامة بخوفة كتلهة ماما هذا اخوج تباوعلة من بعيد وتكلي انت شكو نايمة هنا كومي يلة كومي وخطية كل شوية تعيد هذا السؤال
جان عمرهة من جبت 3 سنوات ونص
طبعا الطفل كلما يكبر تقل الغيرة
اذا اكللكم شي يمكن تكولون تبالغ
بنتي ابد ابد ابد ماغارت من اخوهة ولا لحظة لحد هسة الحمد لله
طبعا هي كلش مدللة وخصوصا من ناحية ابوهة وكلش متعلقة بابوهة فمن جبت بقت يم ابوهة مو كلش اهتمت لغيابي عنهة طبعا هم تجي وتكعد يمي اني مااكدر من العملية بس ابد مااحاجيهة اخليهة على راحتهة وبقت لحد هسة مدللة ومشافت انو احنة مفضلين احوهة علية طبعا متغار
اصلا لو تشوفون سوالفهة ويا عبالك جبيرة توكله وتشربة وعلى كم مرة اجي الكيهة مخليته على رجليهة ونومته ومن يلعبون سوة يخبلون وهو يموت عليهة مرات اني اصيح عليه هي متقبل تكلي ليش ماما خطية
اهم شي متحجين على ابنج بسببهة ترة من هيج مواقف تتولد الغيرة
فانت ان شاء الله متعبين من هاية الناحية لان ابنج جبير بس ميوش شوية بتهة صغيرة.......... الله كريم
اما من ناحية البيت اووووووووووووووووو هنا المأساة صدك راح تعبين والله جنت ابجي بواجي بس الحمد لله ابني ورة شهرين لو 3 تعدلت نومتة فكامو يتأخرون بنومتهم هو واختة الصبح احاول اخلص شغلي مو كلة طبعا بس اكثرة
والحمد لله هسة هواية احسن حبيبي بعد 3 ايام عيد ميلادة ابني حبيبي
يارب تجيبون وتكومون بسلامة توتو وساوي وميوش
آسفة طولت ان شاء الله افدتكم واي سؤال آني حاضرة

[مي &]

تسلمين حبي ام مصطفى توته اي والله ابد ابد ماكو راحه
اذكر من جنت حامل بابرار شهر الثاني والثالث اني بس نايمه ومرتاحه وهسه بهذا الحمل ابد ماكو راحه

الله الي ايعين بس والله

[مي &]

تسلمين حبي شفوقه

والله شايله هم اني مرات اشيل بت حماتي اكولههه ماما هذا نونو شوفي اشوفهه متهتم اكول اي بلكي متغار
ايكلولي لا اذا اخوهه اتغار لان اتحسه امشاركهه
من اجيب انشالله ابرار ايصير عمرها سنتين وشهر بلكي الله شويه اتكوم تفتهم للحجي

شرفي هي ابد ماعدهه طبع تضرب جاهل يعني اذا بدون قصد ضربت جاهل وكام يبجي اجيبهه ليم الطفل واوكولله ماما ليش كام يبجي خطيه احسهه تفتهم اكلهه بوسي اتبوسه واكولهه مسي ع راسه تمسح ع راسه وتبقى كاعده يمه حبيباتي احسهه اتحس بالذنب

اكول بالكي الله وطبعهه ميتغير بالكي



مااحجيلكم على بت حماتي يبووووو اتوحشت من جتي اختهه للدنيا وكامت تضربهه وتضرب كل الجهال بما فيهم بنتي ابرار
ولحد هسه تضرب مع العلم عمرها سنتين ونص

[*شفق*]

بنات شفتو ابني شنو رأيكم بصراحة

[مي &]

حبيبي ماشالله ماشالله ماشالله ربي ايحفضه يارب
بس حررامات اصغر من بروره ولا جان خطبته الهه

حبيبي بس شمسمه وبنتج شسمهه

[&ام همام&]

هلو بنات شلونكم
شفق ابنج حلو الله يخليه اني اعتقد يشبه ابوه موووو


هاي شنو بنات ترى زعلتوني محد رايحة تسال بس توتة
رح ازعل صدك صدك

[مي &]

لا حبي ليش الزعل سراوي انتي الخير والبركه

[*شفق*]

سراوي روحي جاوبي
تسلمين حبيبي ميوش صدك بنتج حلوة مثلج لولا
ولو هلايام الامهات احلى من جهالهن هههههههههه
اي سراوي صح اكثر شي يشبه لابو اكو يكولون بيشبه منج
بس اكثر شي يكولون على ابو
بس عالعموم جهالي ثنينهم مو كلش يشبهونة اني وابوهم

[*شفق*]

ابني اسمه محمد بس طبعا كلة نسمي حسن ابد منكلة محمد
وبنتي اسمهة يقين

[مي &]

اني بنتي تشبه ابوهه الخالق الناطق ولا حبايه ماخذه مني

شفوقه ممكن استفساررررر؟؟؟؟؟؟؟؟؟