تجمع الكروشات اللي موعد ولادتهم شهر * رمضآآن * 1432

[أرنوبة]

الحمد لله ربي طمن قلبك تشيز كيك
الله يطمنك على زوجك يا قلبي
و يرجعه وكل المحتجزين بالسلامة يا رب

[decheesecake]

تسلمي ارنوبه اميييين ياربي واللهي مررره قلقانه الله يعيين..

عندي سوءال انا ابى ارضع طبيعي ان شالله بس كمانا ابى استخدم اللي تخرج الحليب من الصدر معرف ايش اسمها ههه فمعرف هيا تعور ولا لا في احد جربها؟

[أرنوبة]

أنا كنت اجربها بس اول يومين بس عشان صدري يكون متحجر من الحليب
واسحبه عشان يخف الالم بس يقولوا انه لا تتعودي عليه يقلل الحليب
بس بعد كذا اخليهم يجيبوا لي الولد من الحضانة ما يرضعوه
ووقت رضعته على طول يجيبوه عندي
وربي يا تشيز كيك احساس روعة لمن يرضع منك تجربيه ان شاء الله

[decheesecake]

انا ناويه ان شالله اني ما احطلوا حليب من برا ابدا يعني انا فكرت انو صح عادي في البيت ارضعوا من صدري بس لما اكون برا يعني احسن يكون في رضاعه..

يالله يا ارنوبه ان شالله احس فيه.. مررره احس سرت متعلقه بي البيبي من قبل ما يجي..

ايوه افتكر كلمك لا نت يشبك و البلاك بيري النت كويس و الاتصالات تقطع الله يعيين.. انتي في ايت حي ساكنه؟

[أرنوبة]

ربي يتمم لك وتكمل فرحتك بيه يا رب سليم معافى
انا ساكنة في حي النزهة جنب حراء
الحمد لله ما جانا شيء كثير زي بقية الاحياء
بس الاتصالات صارت زفت
وانتي فين ساكنه ؟

[decheesecake]

انا في السلامه يعني مو مره بعيد انا اهلي في النعيم الحمدالله المنطقه كويسه بس حولنا كلوا غرقان..
اميين و يتمم لكل وحده ان شالله ..

[سكـــر ناعـــم]

مساكم ورد يالحبوبااات ...


بسألكم ألحين حلمت صدري أاحسها اوقات قاسيه وطالعه وأوقات احسها مختفيه خخخخخ ؟؟ ليه عادي ولا؟

[أرنوبة]

ايوه الحمد لله شمال جده ما اتضرر كثير زي الجنوب والوسط
ربي رحمني انه بيت اهلي قدام بيتي ولا انا خوافة لو كنت بعيد
مدري اش كان صار فيه الحمد لله بس

[decheesecake]

سكر ناعم ما عندي خلفيه عن الموضوع..

ارنوبه انا كنت ابى اروح عند اهلي بس كانوا نايمين قلت لما يرجع زوجوا اروح الا هوا اتعزق و اهلي يقولولي الشوارع معدومه و البرودكاستات تفجع بزياده..

[أرنوبة]

والله يا سكر احسه عادي أنا زيك مرات كذا ومرات كذا
يعني احسه طبيعي