تحليل الدم مو واضح

[أرنوبة]

السلام عليكم
أبيكم تساعدوني يا بنات واللي مرت بنفس تجربتي
أنا شاكة اني حامل من الآلام اللي أحسها
ورحت اليوم حللت دم وقالوا لي عدنا التحليل مرتين
ومو اضح طلع الخط الثاني خفيف
وقالت لي الدكتورة عيدي التحليل بعد أسبوع اذا ما جاتك الدورة
مدري أول مرة يصير كذا يقولوا الدم يبين على طول يا حامل يا لا
اللي صار معها نفس الشيء تقول
وربي يسعدكم يا رب

[قطرات ندى]

احتمال يكون الهرمون بعده قليل جدا انا هذا الشي صار معايه الهرمون كان قليل وخبرتني الدكتورة اعيد التحليل بعد اسبوع وبس ربي ما كتب واجهضت

[أرنوبة]

الله يعوض عليك يا رب
والله يكتب لي ولك اللي فيه الخير
وتسلمين يا قلبي على ردك

[هدوء انثى]

قلبي
اكيد هرمون الحمل لسه مابان كثير بالدم وحملك متأخر
انتظري اسبوع وحللي وانتبهي ع حالك لاتجهدين نفسك
ومبروك مقدما

[أرنوبة]

الله يبارك فيكي
بس ما ابغى أأمل نفسي
ادعي لي ربي يكتب لي اللي فيه الخير
وربي يسعد قلبك يا رب

[xRano0x]

حبيبي ارنووبه انتي كم يووم متأخره الدوراا عليك ؟؟
لانوو في احتماال كبير يكوون حمل بس لسى مابين انتي قوليلي كم متاخره وانا اعلمك بقصة ماامي ايش صاار فيهاا ؟؟

[أرنوبة]

أنا دورتي ب 6 /10
والدورة مو متأخرة بس حسيت بألام مرررررة قوية
وأخذت الدوفاستون وما نزلت الدورة شكيت اني حامل
وسويت التحليل وصار زي ما قلت لكم
وبس
أنتظر ردك يا قلبي

[يتيمة الأفكار]

خيووو انا صار ليي بس ثلاثة ايام من تأخرت الدورة علي وانا دورتي مب منتظمة يعني تتأخر عليي بأيام بس لما هذي المرة تأخرت شكيت بأني حامل لآن حسيت بأعراض الحمل وبعدها سويت تحليل وطلعت حامل سويته بعد 3 أيام على الرغم من أن سويت تحليل في البيت وطلع معاي خط غامق والثاني فاتح بس لما رحت المستشفى أكدوا لي الحمل

[xRano0x]

اممممم طيب حيااتي انشالله يااارب انك حاامل بماا انك حللتي بدري واكيد اذا انتظرتي موعد الدوراا واتاخرت كم يوم روحي حللي واكيد بيطلع معااك الحمل وااضح مامتي كانت الدوراا متاخره علياا تقريباا 11 يووم وحللت باليت طلع مافي حمل واستنت كم يوم ومانزلت وراحت المستشفى وكان لهاا 18 يووم وحللت طلعت حاامل وللمعلومياا حللت بالمسشفى بول ( اعزكم الله ) وبيين معهاا بس لانوو الدوراا اتاخرت اكتر .. في البداياا ما كاان واضح اتمنى اكون افدتك ياقلبي وانشالله راح نقولك مبروووك شوفيني متاخرا علياا 7 اياام وحللت قبل يومين بالبيت وطلع سلبي ولسى مانزلت انشالله بعد بكراا باحلل وانشالله يارب اكون حاامل والله يرزق الجميع .. وآآسفه ع الاطاااله ..

[أرنوبة]

يتيمة الأفكار
الله يتمم لك حملك يا رب
وتسلمي يا قلبي على ردك

xRano0x
تسلمي يا قلبي على اهتمامك
وربي يكتب اللي فيه الخير
طمنينا ان شاء الله تكوني حامل يا رب

ربي يسعد قلوبكم لاهتماكم وتفاعلكم مع مشكلتي
وربي يكتب لنا اللي فيه الخير
واكيد حبلغكم بنتيجة التحليل:)