تجمع سيدات ليبيا الغاليات..

[هدية الخالق]

المشاركة الأصلية كتبت بواسطة جوهرة ليبيا

شككلها جمونه رقدت والله اعلم

نوم العوافي
باهي سلامتها ارتاحت وريحاتك
خلاص امالا يافرحتك امشي بسرعه ارقدي ما اتضيعيش ولا دقيقة ههههههه

[هدية الخالق]

راجلي أمس خوفني قالي قالوا انفلونزا الطيور كاترة عندهم اهني هاليومين
غير منطقتنا بس في عشر حالات يستر الله والله إلا خفت قلتله معاش طالعه

[جوهرة ليبيا]

ردي بالك هدهد وعلي سوما وراجلك ارقوا نفسكم وخلاص وربي يحميكم ويبعده عليكم

وصحتين غداكم وعشاكم حتي اني اليوم كان افخاذ دجاج وشيش طاووق وسلاطات مشويه ومشكله وفاكهه والحمد لله

وعشاي تست ودحي لراجلي اني ماعنديش بيه هلبه

[dr.loly]

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 773x537 الابعاد 67KB.

[dr.loly]

صباحكم مبارك

[dr.loly]

ماشاء الله الحبايب ملتمين..

أثري نورتينا .. وماشاء الله ع الزردة واحلى مافيها الجو لي درتوووه يعم بالفائدة


أوشتي ألف لاباس .. طهور ان شاء الله
ردي بالك ع روحكـ عاد ..
خصيصآ شهر 2 ديما يقولوا قرة العنز تمرض اللي ما مرضش ف شتا
ان شاء الله توا حالك احسن
خصيصا العطله عندكم بتكمل وبتبدوا خلاص ف المدرسه

[dr.loly]

ام وسونه .. ربي يحفظها الاموره .. لي متعباتك ان شاء الله يقعدلك كله راحه بعد تكبر وتقولك غل تريحي واتدللي ياماماا

ونأملوا كذلك من بنوتاتنا المشاغبات سوما ولولي هههه





هدوووووووو

ضحكني مغامرات سوماااااا.. نجيها ياربي ونفس الوقت وجعتيني بعد بكيتي لان مرن عليا لحظااات نفسك هههه
مرة حكيتهم اخرى..


بالنسبه للتغيير عندي لولي تبي تزحف تجري ههه بس نلهي فيهااا بأي حاجه ممنوعه تحبها نعطيها تمسكها ونقعد اسرع من ابوالحروف وجو اسرع من الشده هههههه ونا نغير..



وامس دارتها ليله من لياليها العالميه تعبانين وراقدين ناضت ساعه 3 وربع وبدت تصفق وتهدرز خخخخخ

خداها بوها وطلع للصاله ولحقته طول خايفين ينوض فراس..

وقعدنا معاه ساعه بيش رقدت بعد ردينا ينوض فروسي ساعه 7 هههه



ربي يحفظهم



وع فكرة لو حكينا ع مقالب وقصص عيالنا مش معناتها ان نتشفعوا او هكـي


بس هي فشة خلق لخوات مع بعض.. بم ان نعتبروا هكـــــي
من خلف الشاشات

فتحسي روحك فرغتي شويه من االغضب الداخلي و فشيتي خلقك

[dr.loly]

جيجي صحة العصبااااااااااان مقدمآ .. وحلو بعد توتي حاجته من الليل خصيصا بعد يكون كميه كبيره..

سوسو ربي يحفظكم ياااااارب وترجعي لبيتكم أمنين وسالمين
وترجع ليبيا الامان كيف قبل.. يارب

بالنسبه للصور خوديهم عادي ف صفحتك بس بعد تكتبي د.لولي ع صوره .. نشرط صح خخخخ

بس بم اني تقريبا الوحيده لي مانكتبش ف اسمي قتلك هكـي.. لان الفيس عالم بروحه

[dr.loly]

شرينا ألة توتال كور
متاع شد البطــن

خفيفه وبسيطه ونفس مانشوفوا فيها بالتيلفزون ف تمرين البطن

اتديريه بدون اي تعب


واليوم اصبحت عليهااا 50 مرة درته التمرين


وبجد سلسه ومريحه جدآ

[ام وسونة]

اللهم صلي وسلم على حبيبي وشفيعي وسيدنا محمد