دردشة بنات فلسطين, دردشة حوامل فلسطين, تجمع بنات فلسطين

[مسك السنين]

يسلمو احساااااس
ياريت يقوم يناغي بقعدله بس عياط لا هههههه
بس عارفة بحسو وهو نايم بخنفر او بشخر
ممم قالولي ممكن انفه مش نضيف عملنا مافي شي نضيف بس ليش الصوت عالي كدا مش عارفة
بدي اقول للدكتور يوم التطعيم

[جارة القمر]

ممكن يا مسك يكون مرشح.....!؟

[مسك السنين]

لا مافي اعراض رشح
واعطيتو بابونج ممم


بنات بالعمر هدا شو افضل بامبرز بتستخدمو انا جربت اشياء كتير

باقيلي الهيجيز

جربت كمفورت ولاكي بيبي وبامبرز وكلو زي بعضو

[إنبثاقة أمل]

اه احساس عملت تلقيح صناعي

وجع الدوره موجود بس لسه مانزلت

اليوم الصبح بس مسحت ولقيت دم بعدها ولا شي

الله يكتب الخير

[جارة القمر]

بنااااااااااااااات:
هاد الشهر عيد ميلاد ماما وجوزي حابه اعمل عزيمة عشا وبعدها تحلايه اصناف حلويات
قررت من وين بدي وصي الحلويات ........في محل ببيت صفافا اسمو تارت عندو اشياء خيال
بس المشكلة العشا انا مو حابة اعمل اكل بدي وصي من برا بس شو؟؟؟ساعدوني

اما السلطات والمقبلات انا بعملها ......... اعطوني افكار .......... حابه اعمل بوفيه مفتوح ما بعرف بيزبط ......؟

مفكرة اخود اجازة واعمل ...........


امبارح هديت زوجي ما صبرت ليوم عيدو اشتريتو جكيت جلد بني سبورت وترانينج سبورت وعطر .....امبسط
كتتتتتتتتتتتتتتير عليهم والمفاجئة اني طلعتولو يزن من الغرفة لابس نفس الجكيت اللي شريتلو يا
...هههههههه انصدم
ونزلو على دار حماي فيهم صوروهم البوم صور ........هههههههههه

مفكره
اشتري دبل جديده اللي والو ........اهدي ياها بنفس اليوم .......

ازا عندكم كمان افكار اعطوني !!

[جارة القمر]

انبثاقة امل :::

ان شالله تكوني حامل ........وتجي تبشرينا .*.*.* بالنسبة للدم ممكن يكون علامة حمل والله اعلم

مسك:

انا ما عجبني الهجز افضل شي البمبرز بالنسبه اللي وانا بجيبو اللي بكون الغلاف ابيض اللي بيكون اكتر نعومة ورفع مو العادي

[إنبثاقة أمل]

جاره ربي يسمع منك ياقلبي

وافكاااارك كتير بتجنن وحلوه

اعملي بوفيه كتير حلو وبما انك راح تجيبي الاكل من برا

نوعي بالسلطات

وكل عام وهنه بخير ربي يخليلك اياهم ويطول بعمرهم

[احساس أنثى]

انبثاقه ان شالله تكون علامة للحمل وتثبيت التلقيح :) ربي يتمملك ع خير يارب

مسك لو معاه كحه بكون لفحة هوا ماهد الف سلامه عليه صغيرونك وانامتل جاره جربت اكتر من شي وماعجبني الا البامبرز لانو عالمي ومنيح مابنفذ لبره
ع فكره كل طفل غير عن التاني في اطفال بحسسو منو :)

جاره عجبتني افكارك حلوه كتير بدي اسرق منك بعضها لانو عيد ميلاد جوزي هالشهر كمان عجبتني فكرة الدبل بس صعبه معي لاني مابعرف اضبع جوزي خميل ههههههههههههه كنت بدي اجيبلو جينز وهيو شرا :)
بالنسبه للبوفي جيبي معجنات واعملي ستكات واقلي فخاد حبش بالقسماط وكبه يعني اشياء ناشفه بتكون مقبوله اكتر بالعشا مع تبوله سلطه ذره بالمايونيز وحمص وسلطة طحينه وزتون احشيه لبنه :) وزيني الاطباق مع قسم الحلويات بطلع شي يجنن / وكل عام وهوا بألف خير ان شالله طول العمر سوا وايامكم اعياد


انا حاطه ببالي في عنا مكتبة النهضه قالو بتطبع اي صوره او اي كلام بدك اياه ع مق وبس تسكبي في ي ساخن بتظهر الصوره عجبتني الفكره بدي اشوف واسأل بلكي اعملها :) هديه

[umm 3amr]

مساء الخير صبايا
حيفا .. جربي واسالي الكوافيره بزبط اعملي ارضيه بني وخصل اشقر فاتح بلاتيني بطلع حلو

مسك.. البامبرز افضل شي في منه انواع جربي نعومة القطن الابيض

جارة .. مبارك مقدما ذكرى الزواج وعئبال 120 لامك الله يطول بعمرها والعشا حلو يكون معجنات وكبه ورق عنب وكنتاكي وسلطات متل التبوله او فتوش سلطه ملفوف ومايونيز وبطاطا ومتبل وحمص
وصحه للجميع


يوم زواجنا زوجي عمل 3 بلايزالي واله ولعمورة احمر كان طابع عليهم عبارات تهنئه بالانجليزي وتاريخ الزواج وحط صور على اكواب ورد وشوكولاته وهيك شغلات

احساس.. الله يحمالك زوزو ويصير يروح ع المسجد

انبثاقه .. ان شاء الله بتكون اشارة حمل وانت ما تتحركي كتير وانتبهي ع حالك

[حيفا]

مساكم بركة

جارة والله كانت رايحه عن بالي غريييس بعرفها وكتيييير شاطرة ، اكيد شاطرة بالصبغه ، خلص بدي اروح عليها ان شاء الله
اما تاعون بيت صفاافا بصراحه بحسهم مفكرين حالهم يهود ، وبتعاملو عهالاساس واسعارهم كتيييير مبالغ فيها ، وشغلهم حلو صحيح بس يعني مش مقطووع وصفه ، ممكن اعمل ببيت جالا صبغه وهايلايت وتسريحه وحواجب ، وميك اب بسعر الصبغه لوحدها عندهم واسعار بيت جالا مناسبة بالنسبة لشغلهم المرتب .



ليلتكم جنة :)