دردشة بنات العراق, دردشة حوامل العراق , تجمع بنات العراق

[بنت الخليج]

هههههههههههه هو اني داانتظرك عبالي طلعتي اني موجودة حبيبتي انتظرك

[رويدة_ أم ألق]

الله يساعدج .. مع هذا هوا بغداد والاهل كافي
ماادري شكد راح ابقى حتى يخف حنيني
وما اعرف ليش قلوب اهلنا ما تتقارن وية غيرها

عفوية واريحية ومحبة وناس تحب الحياة
محتاجة لهاي الصفات جدا.

[أم أيهومي]

هلووووووووووووو منو موجود والله ضايجه..
عيني بنوتات والله ماكو داعي لهاي الخلافات احنه خوات وايوته شويه اعصابهة تعبانه بس كلنه نعرفهة كلبهة ابيض..
وبيداء اختهة الجبيره واكيد اتقدر وضعهة والله اني هم مرات اتعصب من فد شي بس من اشكي لاحد ارتاح..
وزوجي عصبي نار مرات يصير عصبي من اوكف كباله اخرب ضحك وهو هماتين يكوم يضحك,,لانه يحبني
واكيد زوجك هماتين يحبك ياايوته بس اكو فد شي ولازم تكعدين وتفتهمين منه ليش يعاملك بهالطريقه هاي الخاليه من العاطفه والاهتمام وحتى الشغل موسبب
بعدين اني لاول مره اشوف رجل يتأثر بالشغل اذا زوجته نظفت اولا
ايوته لازم تتفاهمين وياه حبي والله يوفقج ياروحي
وانتي بيداء طولي بالج حبي والله احنه اكثر من الاخوات ويجوز انتي مصارلك فتره بس صدكيني كضيت وياهم احلى ايام واستفاديت من النصائح ونضحك وننقهر سوه ويارب ميفرقنه ابد وتشوفين بمرور الايام شلون لمتنه حلوة..
بعدين تعاي اكولج شنو ام ايهم ونجلاء..ههههههههههههه هو اني نجلاء خخخخخخخخ
ام الوقه حبي مبروك حركة الوقه يارب يوم الي تطلع بالسلامه..
ودااحس بيج الام تفرح بحركة طفلهة.
.بس اني ايهومي اتحرك بالثالث وبالخامس صارت حركتهة اقوى ومرات اخاف منهة لانه ممتعوده عليهة..بس من اتعودت صرت استمتع بيهة ومرات يمر يوم ميتحرك احس وكأني مضيعه فد شي واشتاق للحركة مالته..
امونه شلونج دلب وشخبار كماشه موكتلج تعاي انزوجهة لكماش ونخلص
مهاوي حبي وينج مشتاقون دلب شخبار الطبخات وشلون العفاريت
زينه اشرقت وانورت حبي مابيج غير العافيه والله من اقرا كلماتج انقهر لانه وحدج بالغربه يارب يهونهة عليج ومتشوفين شر انتي وهلونه
نورس يارب تولدين بالسلامه ودتذكريني باخر ايام الي بس اريد اجيب واخلص طلعت روحي هسه اتشوفين من اتولدين تكولين لوباقي ابطني مثل ايهومي هسه مخبلني ويالله هانت مبقه شي
عذوره شخبار حملج يارب تكونين بخير
هباوي لتخافين الله كريم اذا قاسمه الج ميصير عليه شي واذا لا متكدرين تعارضين ارادة ربج
ومثل مكالت ام الق الحمد لله انه اتاكدتي انه انتي عندج فرصة الحمل وممكن اتعوضين بأذن الله

زنوبه غركانه بالعسل مـــــــــــــــــــــــــــــــــــــــــــاكو,,h waml7
رحووووووووووووووووبه راح نفتقدج حبي ونشتاقلج بوساتي الج وللولاد ترجعون بألف سلامه..
يارب منسيت احد..ويارب منفترق ابد..

[بنت الخليج]

صباح الخير بنات اشلونكم حبيبتي ام الق اني اسفة البارحة طلعت بدون مااكلج لان اجاني تلفون من بيت اهلي يردوني اجي اني وزوجي عليهم لان امي كانت متخربطة وصاعد عدهة الضغط وهمة ماعدهم سيارة ورادوا ابو كرار ايوصلهم بالسيارة والحمد لله هسة صارت احسن . حبيبتي ام الق اني اشكرج على النصائح واكيد احنا خوات بس اني ترة ممسوية شي هي وحدها اتجاوزت علية وزعلت وراحت وتكدرين اتراجعين الكتابات السابقة وتتاكدين واني كنت اواسيها واهدي عليها اشو هي اندارت علية عبالك اني اللي امزاعلتهة واذا اني بعدني جديدة عليكم بس محترمة نفسي ومحجيت غلط ولا اتجاوزت على اي وحدة لاسامح الله لان هاي مو اخلاقي وبعدين المنتدى مو مال ابو واحد لااني اكدر اطرد احد ولا احد يكدر يطردني لكن الادب والاحترام المتبادل لازم ايكون هو متسيد الموقف . تقبلي تحياتي مع كل التقدير والاحترام لكافة الاخوات

[ام مرتضى الساعدي]

هاي حبايب شلونكم اني جديدة هنا من العراق وحبيت ادردش وياكم اني هسه حامل بالشهر السادس ادعولي يطلع بالسونر ولد عفية خايفة جدا

[روح ملائكيه]

هلو بنات شلونكم اخباركم مشتاقتلكم هوووووواي هوووووووواي
البارحه مدخلت موتني الم الاسنان اسم الله عليكم ورحت للدكتوره واخذت العشيره كلها الحمدلله ماطلع عندي بس تنظيف واللثه ملتهبه وشوق حشت رحه وبعد تكمل جلسات

اروح هسه لأن محمد فحط بحضني

[رويدة_ أم ألق]

مساء الخير بنات شلونكم عساكم بألف خير
اليوم الصبح رجع زوجي من البصرة الحمدلله

أم كرار معذورة عيوني وسلامتها والدتج مايمسها مكروه إن شاءالله

نجلاء اشو بنتي كانت هاادئة وأول ماتحركت صارت تنطي دفرات
والحركة صايرة بالجوانب ..خالتي أم زوجي شككتني حتى بالسونار
كالت هذي حركات ولد.

أم مرتضى ألف مرحبا بيج وإن شاءالله يتحقق اللي تتمنيه

أم شوق سلامتكم جميعا وقبلاتي لحمودي.

[رويدة_ أم ألق]

بنات شوفوا الجمال .. جدا أحب ملابس الأطفال الحياكة
خاصة لما تكون بهالحداثة .. لو بس أعرف وحدة بالنجف تحوكلي هالشكل أشتري منها كمية..شايفين شغل جمانة خطاب اللي بمنتدانا؟ حلو ومرتب بس أسعارها خيالية شوية.

[مجنونة بحبها]

السلام عليكم ورحمة الله وبركاته

شلونكم حبايب منو افتقدتني يله احجوا قبل لااشوف الصفحات السابقه
واذا محد ذاكرتني راح ازعل
هههههههههه

خل اسولف سبب غيابي
وهو ياطويلات العمر
زوجي كاعد هاي اليومين لان الطرق كلها مقطوعه
وكاعد على النت ليل نهار ومامخليني اشوفه
وتعب من النت الضعيف والبارحه راح فرمت الاب توب
سواه وندوز سفن وترك الاكس بي
وراح اشتره بليستشن انترنيت السريع
وشده الشبكه وعجيب السرعه سريع كولش
وعاد ضل يتصفح على راحته
يعني بعد ماكو نت ضعيف عندي كلوووووووووووش
انتو اخباركم جديدكم
اقره الصفحات وارجع


فاصل ونواصل

[مجنونة بحبها]

شنو هاي بنات ضوجتنوني
اولا محد سأل عني

وثانيا شنو هذا الزعل
الدنيا متسوه واحنه اخوات ولازم محد تزعل من الثانيه
يله بله انسوا الزعل وتعالوا وحده تبوس راس الثانيه بسرررعه



ايه حبي اعصابج تره كلهم الرجال هيج
انا هماتين البارحه كويت شعري وصلخت روحي بالشيره
صلخ وحفيت وتعدلت وهو لف راسه ونام بس عاد صح ضجت بس عادي اضحك واسولف تره ميستوجب كلشي تنقهرين وتدعين بالموت مع الاسف عقلج بعده صغيررر بس بدون زعل انتم جيل التسعين بسررررعه تبجووون عود صرت فهيمه ههههههه


ام كرار حبيبتي انتي الجبيره العاقله انتي حقج بس لازم
تسامحين ايه تره مو قصدها بس جانت منفعله ومقهوره
وخطئت بالتعبير يله حبيبتي امسحيها بوجهي وانا مااكدر ادخل ومااشوف سوالفكم الحلوه وانتم صرتوا اقرب من اخواتي
وعشت وياكم ايام حلوه وايام مره فلا تخربون اخوتنه على زله لسان
حبيباتي يله بسرررررررررررعه بدون زعل