تجمع حوامل العراق واتمنى اكو احد موجود

[روح ملائكيه]

هلو بنات شلونكم شخباركم مشتاقه حيل تعرفون ايام عيد وملتهيه ويه الخطار الدكتوره مالتي كالتلي امشي من اطبين بتاسع واني اليه خمس ايام بتاسع مشيت مسافه ساعه وصار يومين ضهري يوجعني ما ادري شلون راح اكدر امشي بعد لولا بصراحه اريد امشي واجيب بسرعه لان تعبت والله يله الله يسهل عليه وعلى الجميع ويقمومكم ويقومني بسلامه

هلو عيني مي ان شاء الله تولدين بسلامه ..اي لازم تمشين بس مو مشي سريع حتى يصير توسع بعنق الرحم ويسهل الولاده وكثري من اكل التمر وخصوصا من تصير عندج طلوقه يسهل ولادتج ..ولا تخافين ع الطفل ماينجعص ههههههه لازم تنامين على الجنب ومن تردين تكلبين لغير جهه كومي كعدي وغيري جهتج ...
ربي ييسرلج الولاده وتكومين بالسلامه...

مهاوي حبي والله مشتاقه لنصايحك ههههههههههههههه زوجي من نطلع للسوك ونريد نشتري شي لايهومي اكوله مو ام شوق نصحتني بكذا هههههههههههه هو يكول ماشي ماشي سلمينه على ام شوق ممخلين شي محاجين بي انتي وياهة هههههههههههههههه حتى من اكول اي شي يكول اي مو ام شوق كالت ههههههههه بأختصار شهرتج شهيره ههههههههههههه
والحمد لله على سلامة حمودي

تسلمين عمري نجوله والله اني الاشوق ودوم افكر بيج وشايلتلج هم هواي ربي يسهل ولادتج عمري.. ههههههههههه ضحكتيني والله اي كولي لأبو ايهومي مو ام شوق اكبر وحده بالتجمع وهم معلمه وعدها 3 شياطين ههههههههههههههههههههههههههههههههه يوم الالج عمري ونفرح بأيهومي
وياريت تجين يمي هم نطلع بره انتي ونتونس هههههههههههههههههههههه (ان شاء الله تنورينا بالامارات ونقوم وياج بالواجب عمري)

[أم أيهومي]

عذوره حبي والله اني هم جنت كولش خايفه بس من طبيت هنا واتعرفت على البنات استفاديت من نصائحهم ومن خبراتهم وصرنه خوات واكثر ووحده تونس الباقيات..فأي شي متعرفيه اسأليهم والي تعرف اتجاوب وانتي بس ديري بالج هاي الايام بعدين تصير عاديه عندج اني هم اول اشهر تعبت بس الحمد لله اتحسنت حالتي بعدين,,والله يقدم الي بيه الخير..
جوهره حبي الفولك اسيد كلش فادني اني هم اخذت اربع ابر والحمد لله فادتني كلش واتفائلي بالخير والله كريم..

[روح ملائكيه]

ملاك منوره التجمع عيوني ومبروك ع الحمل ربي يثبته الج ان شاء الله وتولدين بسلامه
اني مها(ام شوق) عندي 2 بنات شوق وملاك وولد اسمه محمد عمره 22 يوم

ام سموره ضحكتيني لا عيني مختفيه مجاي الحك محمد موتني رضاعه طبيعيه وماينام لا ليل ولا نهار خبلني اريد اجيبله لهايه واخلص...اما بالنسبه لزوجي فمنتظرته هههههههههههههههه

[روح ملائكيه]

عذراء منوره التجمع عيوني ربي يتمم حملج على خير وسلامه

توتاتيه اي زين من ركصتي حتى تضعفين شويه هههههههههههه ماكلتيلنا ع النفنوف؟ طلع حلوووو؟ وديري بالج على اكل سوفي لا تنطيه بكيفج يجوز مو زين على معدته خطيه...صدك وزني هسه 87 هههههههه انتي شكد بعدج 115؟ يلا حتى نسوي ريجيم هههههههههه


غنى عالخير على مهر اختج ...وعيد سعيد عليج ياعمري

دلوعه كل عام وانتي بخيرررررررررررر

امونه مادام زوجج على نفس الوضع فسوي نفسج مامهتمه وبالتدريج حاولي تحجين وياه بلكت يتغير ...الله يعينج على ماابتلاج

[ام سمر الاردن]

جوهرة حبيبتي ميصير بحالتج بس تاخذين ابر لان الابر بس وحدة بالاسبوع بس لازم خلال السبوع مثبت ثاني ومبين من حالتج تحتاجين مثبت يعني بالقليل الدوفاستون ليش وقفته الدكتورة وانتي عندج الافرازات مستمرة وحملج ببدايته؟؟؟ اتصور دكتورتج مو كلش شاطرة
انشالله تستقر امورج وحاولي باجر تفهمين منهة كلشي ولتنسين اساليها عن كلشي

[روح ملائكيه]

مساء الخير حبايب شوية راسي ديوجعني بس اخاف اخذ اي علاج هذا اول حمل الي بعد ثلاث سنين من الانتظار عن طريق اطفال الانابيب سويته بسوريا وصارلي اربعة اشهر نايمة بالفراش حركتي كلش قليلة وزوجي يقوم بمساعدتي يوميا ما اعرف شلون اجازيه الله يحفضة الية.....................ربي لاتذرني فردا وانت خير الوارثين

عيني عذراء ممنوع تاخذين اي مسكنات الا بوصفه من الدكتوره ..واتحملي وحاولي لا تركزين بشي مثل الحاسبه او التلفزيون وحاولي ترخين اعصابج .. الله يخليلج زوجج خطيه يخاف عليج ..ان شاء الله يجي النونو بسلامه وترتاحون ..

[عذراء الجابري]

أشكركم جميعا لاهتمامكن بي

[روح ملائكيه]

عيوني انعمت هواي رديت ههههههههههههههههه
هاي شنو انتن هنا واني ماادري ؟؟؟
طبعا كلش مطفيه كمت ارحب مرتين وماادري هههههههههههههههههههه

بالي يم ابو شوق كلش تأخر خطيه يعني طيارته من 3 ونص ولحد الآن ماراكب الطياره!!!!!!!
ربي يوصله بسلامه ..
ام سمر يااحمر واخضر هههههههههههه اني قليل احط مكياج ..وزوجي مايحب اخلي مكياج طوخ يكلي وجهج احلى بالطبيعي فحاليا بس مكياج خفيف حاطه ههههههههههههههه

[روح ملائكيه]

تدللين عذراء واي شي تحتاجيه بس كولي واحنه ننطيج الافاده ههههههههه
ربي يكومج بالسلامه ويجعل ولادتج سهله ...

[عذراء الجابري]

مبروك فوز منتخبنا الوطني على الصين