تجمع حوامل العراق واتمنى اكو احد موجود

[روح ملائكيه]

هلو بنات شلونكم اخباركم؟
مشتاقتلكم هواي هواااااااااي

جوهره منوره التجمع عيوني وربي يثبتلج حملج اني ولدت محمد صارلي 22 يوم وهم اخذت لمدة 3 اشهر حبوب مثبته وعادي ابر التثبيت بس ينرادلج راحه تامه حتى يثبت الحمل وربج كريم...


منتظره زوجي يجي من العراق خطيه طيارته صارلها 3 ساعات متأخره لحد الآن وهسه دزلي رساله يكلي هم راح تتأخر بعد ...الله يعينه والله خطوط العراق تعبانه حيييييييييييل

اروح اقره الصفحات اشوف شنو الفاتني ههههههههههه

[ام سمر الاردن]

عذراء حبيبتي مبروك الحمل والله يفرح كلبج بشوفة النونو
بس ديري بالج تستعملين اي ادوية وتحملي لان كلشي يهون لخاطر النونو
والله يخليلج زوجج وينطيه على كد نيته لان هلايام قليل تلكين مثل زوجج
وديري بالج على نفسج

[ام سمر الاردن]

ام شووووووووووووووووووووووووووووووووووق
هاي وينج؟؟؟؟؟ والله ظل بالي يمج وكتبتلج رسالة انشالله راح تلكيها ما دام راح تقرين الي فاتج
وحمدلله على سلامة ابو شوق مقدما يوصلكم بالسلامة
اكيد هسة انتي فرحانة وحاطة الاحمر والاخضر ههههههههههههههه
الله يسعدكم يا رب

[روح ملائكيه]

زينه ربي يشافي بنتج خطيه عمري ...الطفل مايتحمل المرض ..
حمودي الحمدلله الصره صارت زينه الحمدلله تسلمين للسؤال ..


عيني نورس الولاده الطبيعيه ماكو احسن منها بس انتي من يجيج الطلق اصبري شويه ولا تروحين للمستشفى لأن تظلين تتأذين شوفي الافرازات البنيه تنزل المخلزطه بالدم يله تروحين وربي يسهلج الولاده

كوكي شلونج عمري اخبارج؟
اكلج اني قريت بالانترنت انه الموز مايصير ينطوه للطفل بعمر مبكر فأنتي بحثي بالنت عن الطعام الي تبدين تنطيه لابنج يكون افضل

[عذراء الجابري]

11\ 11\2011 ............................ تذكرو هذا التاريخ لايتكرر الا بعد مئة عام انشاء الله في 12\12\2012 كل وحدة بحضنها طفل او اكثر بحق لا اله الا الله

[جوهرة الشرق]

روح ملائكيه تسلمين حبيبي على الترحيب

ام سمر اني اخذت بس 3 ابر تثبيت
بالبدايه اخذت دوفستون حبوب بس كطعلياها الطبيب
هسه دا اخذ بس فولك اسد
باجر تبين الوضعيه اذا خير او لا
الله يستر

[روح ملائكيه]

مساء الخير عليكم حبايب

وكل عام وانتم بالف الف خير

احب اعرفكم على نفسي انا رومانسية من العراق حامل وعندي المشيمة نازلة وخايفة جداً

حبيت ادخل كروب عراقنا الحبيب وانتمي الكم

اهلا وسهلا رومانسيه منوره التجمع غلاتي
عيني انتبهي لأن المشيمه اذا كانت نازله مو زين فلازم ترتاحين ..ان شاء الله تولدين بسلامه....

ام شوق شلونج وشلون الاولاد؟ شكرا على وكفتج وياية بس ما اكدر اعبر وانسى الموضوع لان لو الجرح يجي من انسان عادي ممكن تكولين اعبر بس اذا الجرح يجيج من اعز الناس شلون تتحملين؟؟؟ اني ما عندي طاقة اتحمل.. بس اكول اكو رب العالمين وهو احسن الكل

هلو عمري ام سمر ...انتي شلونج؟؟اخبارج..الحمدلله اني صرت احسن ومنتظره زوجي هسه يجي من العراق ..
يمعوده لا تهتمين تدرين زوجي من البارحه يتصل كل شويه وهذاك الحجي خخخخخخخ مو اكلج مصير الرجال يرجع لبيته ولزوجته ..ربي يهديه لزوجج ويرزقج رب العالمين بالخلف الصالح ان شاء الله تبشرينا بحملج بتوووم اللهم آآآآمين.

مهاوي شلونج حبي اخبارج وشلون الجهال

هلو عيني يسرى ..الحمدلله اني بخير وحمودي صار زين الحمدلله والبنات بخيررر تسلمين للسؤال عمري..

زينه شنو بنتج بعدهي ماطابت من التهاب الاذن!!! الله يعينج ويعينها

[عذراء الجابري]

ام سسسسسسسسسسسمورة اشكرك من كل قلبي حياتي الله يخليلياج

[أم أيهومي]

ام سموره حبي والله لانه اول طفل هيج اوهس يوميه شكل وربج المعين والحمد لله على كل حال..
عذراء حبي كلشي لتاخذين علاج حاولي تعصرين ليمونه حامضه وخففيهة بمي وشويه سكر واشربي العصير راح يفيدج واني جربته والحمد لله واني هم مثلج 3 سنوات ونص والحمد لله صار عندي حمل بس طبيعي مو انابيب..وزوجي هماتين خطيه يساعدني بكلشي الله يخليه الي ومخلاني اتعب بأي شي وهاي من واجبات الزوج انه يساعد زوجته بس مو كل الرجال تسوي هيج.
مهاااااااااااااااااااااااوي..ليضل بالج مثلي من زوجي سافر اتخبلت وكتلني الانتظار حاولي تلهين نفسج بأي شي الى ان يوصل بالسلامه..

[عذراء الجابري]

حبيتي ام ايهومي شكرا عالنصيحة الله يتمم حملك وحملي
والله هسة صرت زينة من قمت اراسلكم
مشششششششششششششششششششششكورة