ليبيا غالية ،،، وما تعرفني إلا بالغااااااااااالي~~~~ تفضلوا

[خوله 2014]

ايوا هدهد ان شاءالله لا باس عليك وكله باجره
تعالي نهدرزو الله ليا هلبا مغيبة شورني معاش ملحقة وهلبا حاجات فاتتني

[fefe93]

السلام عليكم

[fefe93]

كيف حالكم جميعا

[fefe93]

هدهد الف لاباس عليك و انشاء الله يفتوا بسرعة شهور الوحم

[dr.loly]

السلام عليكم ورحمة الله وبركاته

كيف حالكن جميعا

[هدية الخالق]

السلام عليكم ورحمة الله وبركاته
الله لا يوريكم باس اخواتي وبارك الله فيكم
كيف حالكم جميعا ليكم وحشة
اني الحمد لله بفضل الله أحسن وليا يومين تقول مش حامل الحمدلله الوحم اختفي فجأة!!!!
واكتشفت إني كنت زايدة روحي بروحي بسبب قلة الماكلة والرقدة طول اليوم هيا اللي زادتني وليا يومين مشيت علي نظام المقاومة انوض الصبح راسي بينفجر ومريضة لكن مانعطيش في روحي مجال للمرض انوض نتنشط وناكل ونشد في روحي عالترجيع بالسبف والحمد لله مشت الامور تمام لكن الضريبة انه شهيتي انفتحت بشكل مش عادي ماشاء الله يعني طول اليوم ماشية جاية عالمطبخ ومانقدرش نقعد بلا ماكلة وكان قعدت شوي نحس بغثيان ورغبة في الترجيع
مثلا اليوم اول ما نضت خديت بسكويت مالح وشوية وخديت طاسة زبادي وبعد شوية خديت فواكه ومافوتش ساعة ونضت درت سفرة فطور معتبرة وطيبت شاهي وكليت لين قريب عيوني طلعوا ههههههه الحمد لله من قال بيه هذا كله حتي لما صحيحة ماناكل هكي ياخوفي كان قعدت علي هالحال مانكمل الحمل الا واني دبة لكن كله نقول كويس قدام اللي شفته الاسبوع اللي فات اصعب اسبوع مر عليافي حياتي وان شاء الله معاد ينعاد
والله في هالاسبوع نزلت زوز كيلو كنت 62 لقيت روحي ستين واستغربت توقعت روحي ناقصة اكثر
والحمد لله علي كل حااال اني فرحاااانة وروحي المعنوية ارتفعت وهذا وين حسيت بالحمل وجيت منبشركم ومنشكركم علي دعائكم ووقفتكم معاي

[خوله 2014]

الحمد لله علي كل حال خليك ديمة هكي يا هدهد كولي وما تخمميش في الوزن لان مصيرة يمشي مع الرضاعة اهم شيء صحتك انتي والبيبي اهو اني وزني الطبيعي 63 وفي الحمل زدت الي عند وليت 73 وبعدها والله نزلت الي عند 60 بس توا وليت 64 لان بصراحة شهيتي مفتوحة بشكل غريب من الرضاعة لكن مش معدلة خخخخخخ

[dr.loly]

http://forum.hwaml.com/t295626.html#post3775149

[dr.loly]

كيف حالكن اليوم؟؟
وينكن

[dr.loly]

رايفت ع اوشي واثري
طولتن الغيبه؟؟؟؟؟؟؟؟؟؟؟؟


شموسه وجيجي؟؟؟؟؟؟؟؟؟؟