دردشة بنات فلسطين, دردشة حوامل فلسطين, تجمع بنات فلسطين

[حيفا]

صباحكم عرفه ، طهر ، جمال ، وروحانيه ،وصيام , ودعاء مستجاب

اكيد كلكم صايمين وبتجهزو البيت للعيد ، انا بس ترتيب اليوم يوم ما علي شي كثير يعني ، وبدنا نطلع المغربيات نشتري الشوكولاته والمخلوطه ،
وبكرا العيد هههههه

بس متحيرة كيف بدي اروح اسحب شعري وانا مش حاجزة اكيد ما رح الاقي مكان يستقبلني

[بينك روز]

هلا حيفا كل عام وانتي بخير ياقلبي
انا عندي شوي وهطلع على السوق
رهف نامت بدي احطها عند جارتي واروح بسرعة
ماعندي شغل بيت
ازا ما لقيتي مكان يسحب شعرك اعمليه بالبيت
انا بعمله بالبيت وبطلع روووعه
تحممت توه مشان اعمله بالليل

[umm 3amr]

يا عيني عليكم نيالكم عيد مبارك

[umm 3amr]

عيون المها واحساس الله يسلمكم ابتعرفوا السكن جديد وما في لا جاره ولا غيره بعدين البلد الاجنبي احسن في تجمعات للمغتربين بس هون لا تجمع ولا شي العيد متل اي نهايه اسبوع مولات وتسوق واكل برا حتى الحلو والقهوه لمين بدي اجهزوا

صيام مقبول حيفا بدك الصراحه ما صمت عشان الدوا ومتل ما حكتلك بينك اذا ما في صالون اعمليه بالبيت ومو شرط سحب ممكن تعملي فير

جيبي رهف عندي بحطها بعيوني

[umm 3amr]

بمناسبه العيد والحلو واللحم واللبس يعني كل شي جديد بدي تختارولي اسماء مواليد عاجبتكم لابني ولاختي بنتها

[حيفا]

صباحك خير بنك وام عمر
حبيباتي عيدكم مبارك ، انا شكلي رح اضطر اعمله لحالي لانه مستحيل حد يستقبلني اليوم ههههههههه

ام عمر معنيه باسم شبه اسم عمر او مش مهم ؟؟؟

بالنسبه للبنات مافي اكتر من اسماؤهم الحلوة ههههههه
طبعا لاني بحب البنوتات وبحب اسماؤهم اكتر هههههههه
غزل ، نغم ، حلا ، صبا ، سيلين ، بيلسان ، راما ، رند وملياااااااان اسماء بس هدول اللي ببالي هلاء ههههههههه

[غُمُوض أُنثَى]

يسعد صَبآحكُم يَ بنآت كٌل عام وانتو بخييييييييير

اكيد الكل صَآيم اليُوم والله انا صَآحية بدري وجعانة ههههههه ما لحقتي احكولي

شو ناويين تطبخو اليوم

حابة اعمل صنفين حلو نعيد فيهم مش حابة اجيب شوكلاتات وجهي بيزبطش معاه الشوكلاتة ابدا :( مع اني مدمنة

حيفا اعملي شعرك بالبيت انا دايما بعملو وبطلع لزيز

ام عمر .. اعملي جو مع جوزك اعملو باربيكيو واطلعوا وتفسحوا فرحوا حالكو حتى لو انتو بغربة

بس بتقدري تعملي اجواء عيد ^^

انا والله ماعليا شغل بيتي نضيف حمسح بس الغبرة

[حواء مثالية]

صباح الخير صبايا

انا بيتي اول باول بعمله اليوم راح اعمل معكرونة

جارة انا شريت من عند الكونكورد غاااااااااااالي بس باخد العقل

[حيفا]

غموض وحواء يا حلوين كل عام وانتو بخير :)

بصراحه انا ما بزبط شعري لما اعمله لحالي لهيك كنت حابه اروح ع صالون بس ما حجزت وما رح اروح هههههههه

صباايا زوجي كان ناوي صيام والصبح هو متعود اول ما يصحى يشرب مي ، واول ما صحي نسي وشرب مي ، راح عليه صيام اليوم ، يلا بعوضها ان شاء الله هلاء اانا لحالي صايمة هههههههه
بدي اعمل صينيه كفته ، وسلطه ، ونعمة وفضل من الله :)

[غُمُوض أُنثَى]

حوآء وحيفآ يسعد صبآحكم

طيب يا حيفآ جوزك ممكن يكمل صيآم عآدي لانه نسي مش متعمد

يعني صيآمه بيصح ..

انا رح اعمل صينية خضآر لاني بحبها ومكرونة سبآغيتي جوزي بحبها وسلطة وخير وبركة

وبدي اقوم اعمل خبز شراك عشان الشوي تاع بكرا لانه خبز التوانسة معوق

بتعرفوه اكيد خبز باجيت وانا ما بحبو مع المشاوي