تجمع حوامل العراق واتمنى اكو احد موجود

kokee · 10-23-2011, 04:44 PM

هلا كبدوشه
لولي مريض ونشله لعب نفسي
ام ايهومي لاتخافين الخياط مياذي ويطيب بسع
بس نصيحه اشتري اعشاب اسمهه جفت
هاي تفوريهه وانوب تخليهه بطشت وتكاسريهه بمي
بحيث يصير دافي واكعدي 5 دقايق بالطشت بحيث المنطقه كون تتشبع وداعتج الخياط يوم ويطيب اني مجنت اصدك
بس الخياط يبس وكمت اتاذه من اكعد لان يبزز
بس من كعدت بمي الجفت ثاني يوك وكعن الخياطات

رودينة الراوي · 10-23-2011, 06:22 PM

وي خطية الله يساعده منين اجتة النشلة هاي كلهة مال تغيير جو
ان شاء الله ماعنده غير العافية

توتايه · 10-23-2011, 08:39 PM

حبيبتي انطيه فنستل مال نشله كلش زينه ومال كحه اكو دوه بس شويه غالي
بت خالتي نطت منها لبتها ثاني يوم طابت اسمه بلكه
سلامته حبيبي
اني 8 ايام ووكعن الخيوط جنت اكعد بطشت بيه شنان هم يتفور واكاسره واكعد بيه

توتايه · 10-23-2011, 08:46 PM

لكيته منه مال الارز بس مال 6 اشهر

حبيبتي نجوله تروحين للدكتوره احسن لان معناها المي تقريبا ناشف على الطفل والتكلس تصغر الجاره وتكوم متوصل اكل اني هذا الي اعرفه لان امي بأخويه بالشهر التاسع صار عدها تكلس

روح ملائكيه · 10-23-2011, 09:39 PM

مساء الليل ههههههههههه

شلونجن؟

تسلمون حبايبي ع التهاني يوم الالكم ان شاء الله

نجوله لا تخافين هو انتي من التعب ماتحسين بأي خياط عبالك حاطيلج مخدر ههههههههه

اسم المطهر betadine سويسري تحطين كم نقطه ابطل ماي دافي البطل ابو لترين

توتايه · 10-23-2011, 10:26 PM

اشو لعد اني من كصو اللحم عطت بيهم عيطه من هاي التمام هاي يمكن لان توسع جان عندي 3 ونص اصبع ومن خيطوني لعبو بية جوله احس بكل غرزه واعيط اخر شي حطولي بنج موضعي شعلو اهل اهلي لان كام يحركني وراها بعد محسيت بشي

kokee · 10-23-2011, 10:52 PM

ههههههههههه توتايه اني هم بلا بنج وتاذيت
بس اني مو ماصرخ والله بس اعصر والالم يملخ بيه
ههههههه

kokee · 10-23-2011, 11:08 PM

وينكم بنات كل ما اجي الكاكم مختفين ههههههههه

حبيبي · 10-23-2011, 11:21 PM

ام شوق هون ؟
وولدددددتتتت
الف الف مبروك والحمد الله على سلالالامتج ويتربى بعزكم يارب
اشلونج هالحين وشلون الجهال مع اخوهم
ومن يطبخلج ههههه خبريني بكل شي
مقريت الصفحات
كوكي سلامته علاوي
دفيه لانه الجو بدى يبرد وخاصه بليل
باغي البنات اشلونكم

أم أيهومي · 10-23-2011, 11:36 PM

هلو بنات
رحت للدكتوره تكلي اني بالسونار عندي دائما يطلع كل اربعه بالشهر اطبين شهر جديد بس مشيتهة على حساب كل 11 بالشهر اطب شهر جديد والله دخت اصدك منو مااعرف
وتكول هذا بداية تكلس يعني التكلس على شكل نقط صايره وبعده بالمرحله الاولى وتكول احتمال تولدين ويبقى هيج بس نقط واحتمال يكبر كلشي جائز..
وكالت اذا اطور التكلس فراح نسويلج عمليه لانه نخاف علطفل واذا بقه هيج وعنددج توسع اتجيبين طبيعي عادي..والله اني نسيت خوف الخياط والعمليه صار خوفي بس على الطفل لانه سلامته عندي اهم من اي شي ومستعده اتحمل كلشي علموده..
يسوره حبي تسلمين للكلمات الحلوة مثلج..ياغاليه ربي يحفظلج ردونه وتطيب رجلهة بجاه الحبيب محمد
زنوبه وايوته والله كمت ماافكر بالخياط ادعولي الله يحفظلي ايهومي..
مهاوي شكرا حبي لاسم المطهر..ديري بالج على نفسج وعلى حمودي وادعيلي حبي
ادعولي بنات والله محتاجه دعائكم..
اعذروني نفسيتي تعبانه ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع حوامل	warka	ملتقى عضوات حوامل	7	06-22-2012 09:12 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
تجمع حوامل صفروربيع اول	حياتي عيالي	إستفسارات حوامل من الشهر السابع إلى الشهر التاسع	1	01-23-2011 09:03 PM
تجمع حوامل الاردن	warka	إستفسارات حوامل من الشهر السابع إلى الشهر التاسع	0	05-23-2010 06:06 PM
تجمع حوامل الامارات	lola	إستفسارات حوامل من الشهر السابع إلى الشهر التاسع	2	04-04-2010 10:03 AM