تجمع حوامل العراق واتمنى اكو احد موجود

[روح ملائكيه]

ام شوق الله يسهلج وتكومين بالسلامة

تسلمين عمري ام ردونه... الله يخليج ويحفظلك بنتج وراعي بيتج من كل شر ان شاء الله يوم نفرح بولادة اخو لردونه...

كوكي .. اليوم راح ابدي بالخروع والله كريم

[روح ملائكيه]

حياتي ام شوق الله يسهل الج وتولدين بالسلامه وتصير ساعه سهله

الله يخليج عمري ايوته الله يسمع منج ان شاء الله..

ايوته الفطريات سببها عدم تنشيف المنطقه الحساسه زين ...تظل رطبه ومبلله فتصير بالمنطقه فطريات ..حبي بكلينكس نشفي المنطقه الحساسه موجود بالعراق نوعية فاين (خوش نوعيه) الكيس بيه 4 لفات وبـ الف ونص بس ..اشتريته من جنت بالعراق قبل اقل من شهر ...
ان شاء الله مشافاة عمري...وبالنسبه لأبنج مادام ترك صدرج بعد مايرجعله مجربته ابناتي يتمرضن ومايرضن ياخذن صدري بعد حتى استعملت جاذبة حليب ميفيد ماااايرضن عنوديات ههههههههههههههه

[روح ملائكيه]

ام شووووووووووووق ويستمر النضاااااااال لمتى دبيرها مع ابو الشباب خخخخخ
اشلون شوق وملوكه وشلونج ويه التعب يله هانت عمري مباغي شي وتشوفين احلى حمودي بدنيا
ونزلي النا صورته لتنسين والبتي فور روعه بتعبج معاي سوي لحفلت فطومه منه هههههههههههههه وانتي بالف خير يارب وعقبال منكولها لحمود وخواته يارب
وشدي حيلج يله انريد الصبي هههههه

هههههههههههههههههه

اي والله رحوبه ويستمر النضال ههههههههههههههههههه

تدللين لأسويلك احلى بتي فور من عيوني..تدلل فطوم وامها عليا

البنات الحمدلله بخير بس الغيره بينهن حرب ضروس هههههههههههههههه هي تاليها يشمرن حمودي من البلكونه ويخلصن منه هههههههههههههههه

[روح ملائكيه]

امونه عمري شلونج؟ وشلونها معنوياتج؟
حاولي لا تخلين زوجج يضوجج ماشاء الله عندج بنتج تسوه الدنيا كلها..
ام ديمه شلونج عمري وشلونها ديمه؟

دلوعه شأخبارج واخبار ابنج؟

ان شاء الله مااكون نسيت احد؟؟

[روح ملائكيه]

هسه نجي للتقرير المفصل الخاص بنجلاء هههههههههههههههههه

حبي بما انه انتي ولادتج بالعراق ...وطبيعي ان شاء الله ...فبس تولدين ايهومي ويخلوج بغرفه بصالة الولاده تقريبا ساعه او ساعتين وبعدين تطلعين ترحين لبيتج.

الاغراض الخاصه بالطفل:

-ملابس للطفل مثلا اوفر كامل او اذا انتي مخيطتله ملابس مثل ثوب قصير وبجاما .
- حضينه مع شريطها يعني قماطها
-عصابه للطفل او كاب حسب الي متوفر عندج
-حفاضه للطفل

للعلم بالمستشفيات الحكوميه مايغسلون للطفل اول مايجي وحتى اغلب المستشفيات الخاصه هالشكل

اغراضج:

-دشداشه كم طويل
-حجاب +جواريب
-حفاضات لازم تكون كبيره (جربي الصفا )تفيدج بالولاده لأن كبيره الحجم وحطي فوكها اولويز او غير نوعيه حتى تمتص زين.

-ملابس داخليه
- اخيرا تلبسين على الدشداشه من تطلعين اما عبايه راس او عبايه اسلاميه ..طبعا اشوف عباية الراس احسن الج لأنها تلفج بالكامل وتحميج من الهوى (البرد) لأن من تطلعين من صالة الولاده لخارج المستشفى بالعربه لازم تتلففين زين وحتى خشمج تلفيه مو زين عليج البرد نهاااائيا .

اذا تردين تلبسين طفلج بعد الولاده حذاء ام القماش او جفوف صغيره خاص بالمولود عادي حمايه اكثر ..بس ماادري اذا كانت موجوده بالعراق هالنوعيات

نجي للحفاضات

بامبرز اللون الابيض تختلف عن بامبرز الملون (الغلاف ملون) بالاخضر او الاصفر حسب وزن الطفل

بامبرز الابيض يمتص اكثر ويبقى اكثر كحمايه ..وبيه كريم الصبار يحمي جلد الطفل وغير معطر تقريبا والحفاضه تصير خفيفه ومضغوطه اكثر من بامبرز العاديه..
اني صاحبتي نصحتني بيها استعملتها بنتها وكالتلي كلش زينه فأشتريت منها راح استعمله لأبني ان شاء الله..
وهذي صورة بامبرز اللون الابيض



بس سعره يصير ضعف اللون الاصفر اذا ملكيتي الابيض عادي استعملي الاصفر او حفاضات بيبي جوي

هذي الاغراض الي ذكرتها تحتاجيها بالمستشفى


هسه نجي من ترجعين للبيت

-تحتاجين الج ادويه مسكنات بالمستشفى خلي يكتبوها الج
-تحتاجين معقم شوفي بيكاربونات الصوديوم زين بس تيبس المنطقه الحساسه اما تستعمليها تحطين شويه مثلا ملعقه صغيره بأبريق مليان ماي دافي وتستعمليه بكل مره ...او تخففين ديتول بأبريق ماي دافي وتستعمليه عادي اني اشتريت مطهر بس مااعتقد موجود بالعراق ..

- اذا صار لا سمح الله عندج التهابات اخذي دوره ابر الخاصه بالالتهابات غلافها يصير ابيض وسمائي نسيت اسمها مرتين باليوم صبح وعصر 6 ابر بـ 3 ايام

- مجموعه كريمات وزيوت وشامبو للطفل



هذي موجوده بالعراق واكو نوعيه ثانيه اسمها نونو هم زينه واذا حصلتي على ماركة سيبا ميد فهي احسن شي للطفل لأن طبيه


عمري نجوله اهم شي مايلوحج برد ولبسي جواريب بالولاده وبعدها انتي يضرج البرد اكثر من الطفل ..
بعد الولاده اشربي عصير برتقال بالمستشفى واذا تكدرين اكلي بسكت
من ترجعين للبيت اول 3 ايام لازم اكلج يعتمد عالسوائل مثل مرقه دجاج لازم سوائل بالطبخ مو زين تاكلين شي ثكيل وكثري من العصائر الي بيها فيتامين سي ولا تاكلين شي بارد وشربي بأستمرار حليب دافي وحطي عسل بدل الشكر ...وان شاء الله ربي يسهلج ولادتج

اذا عندج اي سؤال او استفسار كولي (بسرعه قبل لا اولد ههههههههههههههههههههههه)

[روح ملائكيه]

طبعا قبل كم يوم كلت لزوجي اكلك من اولد انته تعرف تسوي تشريب دجاج؟ يكلي هاااا الله كريم هههههههههههههههههههه
بعدين يكلي اجيبلج من المطعم كتله لا مااكل اكلهم ..
الظاهر اني راح اطبخ هههههههههههههههههههه

[روح ملائكيه]

البارحه الدكتوره منعتني من الملح نهائيا وصرت اخذ 3 حبايات ضغط الدوميت الله يبعدكم عن الضغط

الضغط يشكل وياي بالحمل البارحه ضغطي جان 150/80 بعدين نزل صار 135/80 الحمدلله هم احسن ..
بالنهايه تكلي الدكتوره اكلي ماصخ واني مشتهيه شاورما اهئ ههههههههههههه

[kokee]

هلاو بنات شخباركم
الله يسهل عليج مهاا

[توتايه]

مهاوي حبيبتي اني جنت اخذ الدوميت لان جان ظغطي يصعد كلش وعليه نزل ضغطي وجبت طبيعي

اي يمكن لان مرات انسى انشفها
المشكله ما استعمل كلينكس لان يتفتفت وقريت موضوع هالفتافيت تدخل بالرحم وما ادري شتسوي فد شي موزين

[توتايه]

هلو كوكي حبيبتي