دردشة بنات فلسطين, دردشة حوامل فلسطين, تجمع بنات فلسطين

[حيفا]

امين يارب يسمع منك ام عمر

هبه الحمد لله ماشية بس صرت اتعب ما بعرف ليه يا ستي في سبيل الشفا كل شي يهون :)

غموض مممم كل يوم بفكر باسم هههههه هاد كلو قبل ما احمل ، كيف لو احمل :p طول عمري بحب الصغار ، الله يرزقنا ياهم يارب
هلا في هاي الفترة حابه اسم تيما كتيييير وكنت احب اسم صبا ، وشام ، بس ما بعرف يمكن يرجع يتغير طبعا انا بفكر باسم بنت لاني بحب البنات اكثر من الولاد هههههههه
وعالاغلب اذا ولد فهو ع اسم ابو زوجي لانه وحيدهم "محمود"

رحت جهزت الطبخه ورجعت ، بهرت الجاجه ، ونقعت الرز ، وبدي اعمل معاهم ملوخية :) زوجي جاي عباله
طبعا هالطبخه تعذيب الي لاني مش رح اقدر اكل زي ما لازم بسبب النظام الغذائي الماشية عليه ههههههه
بس تعرفو اكثر شي مبسوطه عليه هو الافطار عالفواكه ، يا الله شو مريح للمعده جربووووه صبايا ر


برامه انا اليوم :)

[غُمُوض أُنثَى]

بعينك الله حيفآ صدقيني مآفي شي بجي بالسآهل

كل شي بالحيآة بدو تعب ومجهود :)

بعدين اللي انتي بتعمليه مهم لجسمك وصحتك قبل ما يكون مهم للحمل

ع فكرة انا بحب كل الاسمآء يلي ع وزن صبآ .. حلو كتير هالاسم

وانا مفكرة من اول حمل الي انه البنوتة حلآ والولد يوسف ان شاء الله باذن ربي

انتي شو طآبخة مآفهمت .. عاملة رز وملوخية وفرآخ يعني صح ! صحة وهنا لزوجك

مبآرح اانا عملت مقلوبة .. اليوم بفكر اعمل مكرونة سبآغيتي بصوص الجبن والثوم " رهيبة هالاكلة ريحتها بتجنن "

[umm 3amr]

صح اول حمل معرض كتير للاجهاض الله كريم الله يعوض عليك
متزوجه من 6 سنوات وشهرين عمري 26 الي مجنني ما عندي مشكله صحيه ما خليت فحص الي اعملتوه عملوني فار تجارب المشكله اكتر من اجهاض ولاده مبكره بالسابع وعاش يومين وبعدها 5 شهور وبعدها شهرين واخر مره 3 شهور

مش ناويه أطبخ ابتعرفي بسبب التنقيل النا فتره اكل من المطاعم
بالنسبه للعزل جربت الحبوب هاي المره ممكن لولب المهم الله اعلم

[حيفا]

اها عامله دجاج مشوي ورز وملوخيه
مممم كيف بتعمليه الصوص ؟؟ وبتحطيه على المعكرونه ولا بصحن لوحدها ؟؟

[umm 3amr]

حيفا باذن الله ما دام ما عندك مشاكل راح تحملي اتعلمي الصبر مني ههههههه
صحه وهنا ابعتيلي صحن وبالنسبه للفواكه انا بفطر حبه فواكه بس وخصوصا الصبح المعده بتكون زايفه اشربي ماء فاتر الصبح مهم

[Heba T]

غموض

تسلمي عالاجابة ..
انا عاملة سندويشات كفتة .. جبت طريقتها من وحدة عراقية ، زوجي طلبها مني

حيفا
كلو بهون المهم انت مبسوطة بهالاشي

[احساس أنثى]

صباحكم عسسسسسسسسل يانشيطين

ماشاء الله عليكم خمسه خمسه بعين يلي يحسدكم هههههههههههههههههههه

حيفا وغموض مسكتكم بدكم ترجعوا لايام الصياعه ..^_^ ... هيا صحبة الجامعه احلى صحبه والله ذكرتوني كنا نطلع بين المحاضرات ونروح نفطر باي مطعم قريب ههههههههه

وان شاالله عن قريب يارب الله يكرمك انتي وحيفا وعسووله بالحمل

أم عمر الله يعينك على النقل وانتي حامل كمان ... طيب جوزك ماالو سياره بدل النقل من منطقه لمنطقه ؟

smat ربي يتمملك حملك يارب على خير لاتخافي ان شاالله تولدي بالتاسع وولاده طبيعيه بس انتي لما تحسي حالك تعبانه ريحي حالك لا تجهدي نفسك

هبوش كيف اسماعيل ؟؟ بطل يغلب ؟؟ ومبروك التسنين هههههههههه

[Heba T]

بدي اروح احضر الغدا .. بشوفكم ان شالله وقت تاني

[حيفا]

تسلمي حبيبتي ام عمر وان شاء الله بس يجهز الطبيخ ببعتلك ههههههههههه

احساس طبعا هو في احلى من ايام الصياعه والفلتان الامني هههههههه يسعد صباحك وصباح زوزو :)

هبه يعطيكي العافية وصحه وهنا :)

[Heba T]

المشاركة الأصلية كتبت بواسطة احساس أنثى

هبوش كيف اسماعيل ؟؟ بطل يغلب ؟؟ ومبروك التسنين هههههههههه

مع اني كتبت اني بدي اروح .. بس لازم ارد عليكي << ما بقدر

الله يبارك فيكي عقبال زيزو تشوفي سنانو بس يكبر ان شالله بلاش وهو زغير بطلع الروح ..

اما بالنسبة للغلبة .. والله مطلع رووووحييييييي .. ما بصدق ينام

المشكلة انو رجع كآنو ولد زغير بصحى بالليل كزا مرة .. وما بنام غير عليا او على رجلي يعني اخر مياصة و دلع

الله يكبرهم كلهم يآآآآآآآآآآآآرب

حكيت كتييير .. يلا سلام