دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

هههههههههههههه حلوه الناس عاملين هجوم
مش غلط انا بحب التنزيلات بس يكون شغلات مستاهله

انا ياعيون المها لما بنزل الشتوي او الصيفي بعاود بفرزهم من اول وجديد
ويلي مابدي اياه بعطيه لبنات عمي او اي حد من القرايب او بتبرع فيهم لجامع :)

[غُمُوض أُنثَى]

̄أﻟلهم ؛ بهذآ الـصببببببآح
ﺂرزقنآ ﺣظ ﺂلدنيآ ۆنعيمَ ﺂﻟ̲ﺂخرهہُˇ
ۈ ﻳﺳر لنآ گل ﺂﻣر ﻧﺧﭑف ﭠﻋﺳيرھَہّ ¸

**

يسعِد صَبــآحُكم بنــآت كيفكم اليُُوووم
بتمنآآلكُم نهــــآر جميل

بالنسبة للتنزيلآت شكله هلأ مَوسم التنزيلآآت
لأنه بررضو في تُونس تنزيلآآآت
بس مآشآء الله بتلآآقي احلا قطعة عليهآآ تنزيلآآت 70%

انــآ يآبنآآت بصرآآآحة بضعف قدآآآم الشُنط والجِزم الله يعزكم بجد مآ بقآآوم
اما الملآبس عآدي .. بس قطع السوآآريه بلآيز فسآتين بحبهم ♥

المووووهِم .. شلووووونّكُم والله انا كتير زهقآآآنة
مع اني بطلع وبنزل بس حآسة بملل فظيع

[حيفا]

صباح النشاط والحيوية للجميع

غموض يا صباحك فل يا حلوة
التنزيلات ، انا طبعا كل شي كان يغريني ، وكل ما انزل اششتري ، وما يهمني معي فلوس يكفو او لا ههههههه كنت مجنونة شوبينج يعني ، لما نفسيتي تتأزم انزل عالسوق ، ويا حلاوة لما يكون تنزيلات هههههه
بس اذا لاحظتي اني قلتلك كنت ، هالفترة ومن بعد رمضان ما اشتريت ولا قطعه لبس !!!
ما بعرف حتى ولا نفسي اشتري للعيد ولا لغيره ، حاسه باهمال لهالناحية اللي كانت يوم مصدر سعاده

يا ستي سبحان مغير الاحوال هههههههه
بس صاحية من الصبح بفكر بدي انزل عالسوق هيك الف الف بدون ما اشتري ولا اعمل شي بس الف واشوف وجوه الناس :)



نهاركم فرح وهنا كل الصبايا :)

[غُمُوض أُنثَى]

يسعٍد صبآحِك يَ ألبي ,,

عنجد انه الشوبينج بيفش غل الوحدة فينآآآ هههه بتحس حآلهآ انجزت وعملت شي
طيب انتي ليش بطل الك نفس ..؟؟ بالعكس المفروض تبقي متل مآ انتي
وهلأ جآي عيد ونآزل تنزيلآت بالسوق يعني فيآعــــــــــــــــة

بس الحمدلله انك نفسيتك منيحة بيعجبني فيكي هالشي ع فكرة

[حيفا]

ممممم ما بعرف قطعت نفسي عن كل هالاشياء بس بدي ارجعلها هههههههه يختي نسيت قديش كنت مبسوطه لما اروح بخمس ست كياس لبس وشنتات وشوزات اجلكم الله
بس ممكن انه زمان كنت لما اطلع تكون طلعة فياعه ع قولتك هههههه اطلع مع البنات صاحباتي او بنات عمي ، نصيع ونعمل اشياء ما بفكر بقدر اعملها هلا ههههههه الله يسامحني ع صياعتي السابقه

اقلك بصراحه مرااات كثيرة بتكون نفسيتي محطمه بس ما بتأثر فيها عارفه كيف يعني ، يعني بطنشها لانه الزعل ما رح يحل مشكلتي

وربنا يحسن نفسيتنا جميعا ياااااااارب ويعطينا كل اللي بنفسنا :)

بتنزلي عالسوق لحالك او مع زوجك ؟؟

[umm 3amr]

صباح الخير
ان شاء الله يوم جميل ومشرق بالامل والسعاده

[غُمُوض أُنثَى]

ممممممممممممممم بتعرفي شو اليوم بحكي لزوجي !!!

كنت احكيلو يَ الله شو نفسي ارجع لآيآآآم العزوبية ههههههههههههههههههه

عصب مني .. بس عنجد كانت ايام جنآآآآن بتعملي شو مآآآبدك مَ حد بحآآآسبك

هلأ كله بحسآآآبو .. آآخ ايآآم :d

حِلو هالشي فيكي انك ما بتتأثري لأنه الزعل والنفسية كتير بتأثر ويمكن تتعقد الامور من تحت رآآس النفسية

وبالآآخر كله ع رب العـــآلمين .. انآآ مآشية عهالقآعدة بحيآآتي

بتعرفي اناآآ لآآخر يوم في غزة قبل مآآ اسافر وحيآآتك ليلة سفري النآس عناآ

وانا حكيت لزووجي بس سآآعة بالكتير رح اوصل السوق انا واختي لشغلة ضرورية واآآجي

رحت بضعت بضعة جديدة ههههه انا بكييييف عالشنط بجد عندي كوكتيل شنط وجزم يمكن افكر ابسط فيهم ههههه ^^

بس هُون بطلع مع زوجي أكيد صرآحة لاني بحب رأيو في كل شيي بشتريه

غير هيك لما اطلع معاه ممكن يشتريلي شي مش محطوط بالحسبة واانا المستفيدة اسكتي

[غُمُوض أُنثَى]

المشاركة الأصلية كتبت بواسطة umm 3amr

صباح الخير
ان شاء الله يوم جميل ومشرق بالامل والسعاده

صَبآحِك ورد وفُل ام عٌمر
كيفكَك ..؟

[حيفا]

صباحك خير وبركة ام عمر :)

انا بدون ما ااقول لزوجي اني نفسي ارجع للعزوبية لحاله بقلي حاسك ندمانه انك تزوجتي لانك كنتي قبل حرة تروحي وتيجي ما حدا يسأل ههههههه بقله بتقول عني صايعه ؟؟ بقولي لا بس يعني بنت بوضعك ، طبعا وضعي اني تعلمت بعيد عن اهلي يعني بسكن ، واهلي كثيييير كانو واثقين فيا ، طبعا انا كنت عند الثقه بس ما بكذب واقول اني ما كنت اروح واجي عالاسواق واصيع مع صحباتي هههههه وما كان حد يسألني ، هلا زوج ماشاء الله كل صغيرة وكبيرة لازم يعرفها ، وين رحتي شو اشتريتي ، اشوف وقيسي ، ومش حلو ورجعي ههههههههه

يختي تحكم ما بعده تحكم ، مرات بكون احساس حلو انه مهتم ، مرات بكون احساس خنقه هههههه

وبالفعل لما اطلع مع زوجي بشتري زياده عن المخططله هههههه لانه بيقلي ما تخلي ببالك شي ما رح نطلع طلعه قريبة هههههه
وهو لما يشتري بحب اني اكون معاه لانه متل ما هو بقول زوقي حلو باللبس الشبابي مع انه اول مرة اشتريتله كان اللبس شبابي يعني ولادي ههههههههه ما بعرف بس مع الخبرة الوحده بتفهم شو بيلبق لزوجها ، وشو زوقه هههههههههه

[غُمُوض أُنثَى]

اآهـآآآآآ انتي درستي بعيد عن اهلك .. بتعرفي انه احلآآ شي هههههه

طول عمري كنت أتمنى هالشي بس نحنآ كل جآمعآتنآ قريبة كـآنت .. !

بس ربنا عوضني بالغربة هههههه وآآآه من الغربَة

هيّ الحيآة الزوجية عَآلم تــآني بجد يَ الله انا كل ما بتطلع ع ايمي كيف كآنت سآبقآ وحآليآ فرق شآسع

طبعآ الحيآة الزوجية حلوة خآصة لو زوجك بيحبك ,, وحيآة العزوبية الهآ طعمهآ برضو

بس لكل فترة في الحيآة لازمهآ نمط معين ..

حتى انا متلك بتعرفي كمآن ازا بدو يطلع زوجي .. انا بختار لبستو وهوا بلبس بدون مناقشة هههه حلو هالشي بجد

ربي يخليكي لزوجك ويخليه الك يَ رب