تجمع حوامل العراق واتمنى اكو احد موجود

[مجنونة بحبها]

هلووووووووووووووووووووووووو

هلو وسناء كوكي ودلوعه زوجي من اهل النجف ان شاء الله يساعدونج

شلونكم بنااااااااااااااااااااااااااااات اخباررررررررررررررركم

[روح ملائكيه]

مساء الخير

شلونجن بنات؟؟


رحوبه لا بعدني ماولدت اناضل ههههههههههههههه بس ضايعه بالمطبخ هههههههههههه
والله ضحكتيني من قريت من طلعتي من صالة الولاده هههههههههههههههههههه


ام بنونه عمري الله يعينج على معاناة الاسقاط ذكرتيني بأختي هم اسقاطها صار ابيتنه وكان ولد واول طفل الها واني وامي رحنا وياها للدكتوره بوقتها الله يرزقج بالطفل الصالح وتخلصين من المعاناة الي دتعانيها ..

زنوبه هسه يجوز ركبت الطياره هذا اذا ماصلبوهه خطيه مثل ماسوو بيه العام والسنه الله يعينها ويوصلها لأهلها بسلامه

ايوته عمري اذا ماتحبين التمن بدليه بمعكرونه لو سباكيتي او برغل بس حاولي مسلوق وعليه كجب او خردل مثلا وملح قللللللللليل
الفاكهه اكليها بين الوجبات تفاح او برتقال مثلا
الخبز الاسمر او الي بيه نخاله اكليه الصمون يسمن هواي انتبهي حاولي تاكلين رقي هواي بالعشه مثلا ينزل كل الاملاح بجسمج ويضعف هواي الاناناس هم يضعف هواي
رجيمج قاسي ومو زين وراح يسمنج من جديد حاولي يكون رجيمج متوازن وصحي ويعتمد عالخضار والفواكه والملح حذري منه يسمن هواي ويدمر الجسم..
واكلي اجبان قليلة الدسم والله يعينج ...

ماشفنه ام رودينا خطيه هسه تعبانه كلش من وره العزايم الله يعينها

كوكي شلونج عمري شأخبارج؟ شلون صار ابو علاوي عالعلاج الجديد؟

نجوله يجوز حضرتي جنطة الطفل من هسه هههههههههههههههههههه الطفل الاول يصير عزيز وغالي موو؟

وسناء منوره عيوني ان شاء الله بنات النجف يردن عليج..

ان شاء الله مانسيت احد هههههههههههههههههه

[روح ملائكيه]

جاي اكتب هسه واشتهيت كليجه تمر هههههههههههههه عبالك جاي اتوحم ههههههههه
زوجي مايخليني اطبخ هواي لأن خطيه ديشوفني شلون اتألم ..اكله نفسي اسوي دولمه لو كيك يكلي لا والله راح اموت على دولمه اهئ.
يلا بنات اشوفجن على خيررر

[توتايه]

منوره وسناء حبيبتي الف هلا بيج اي عدنا خير من الله من النجف

[توتايه]

هلا حبيبتي ام شوق اسكتي وخليها دا اموت من الجوع والكلب يوسف مديقبل ياخذ حليبي ونشف صدري

[توتايه]

وينكم بنات؟

[kokee]

هلا امونه شخبارج حبيبة كَلبي
ام شوق فديتها بتج تخبل الله يخليها الج
الحمد لله رحمه من الله صار زين ورجع لدوامه
عساج على دولمه اني الفها وادزها الج
اليوم تقريبا ب11 الصبح نزلت طياره مطار النجف قريب علينه
كلت اكيد بيهه زنوبه
الله يعينها ويسهل عليها
ايه شخبارج ويه الرجيم
ام ردونه ورحوبه ونعومه المختفيه شخباركم
باقي البنات شلونكمممم

[kokee]

توته حتى لولي اجبره جبر ياخذ صدري
وبليل انومه يمي واحط صدري بحلكه يلا ياخذ والا ماكو يعوفه

[توتايه]

اوووووووووووف اعصابي مدمره من هالسالفه

انتي حليب شنو تنطين لولي؟
اني انطيه حليب سميلاك

اسكتي وخليها دا اجوع

[أم أيهومي]

شلوووووووووووووووونكم بنات اسفه على الانقطاع حبايب بس تعبانه كلش والله ورجليه وارمه والدوام والمحاضرات موتتني..
حبيبتي اموووووووووووونه شكرا لافتقادج الي حياتي والله من قريت قصة الاسقاط جتني البجيه عليج وانقهرت كلش بس الله يعوضج بأحسن منه يارب..وصدكي رب العلمين ياخذ شي وينطي احسن منه..هذا الكريم الذي لاتحصى عطاياه واصبري لانه ديختبر صبرج ولحي بالدعاء لانه سبحانه وتعالى ميرد دعاء من دعاه..

حياتي ام شوق حبي لو تشوفين شلون مخبوصه خبص مخليت مشتريت حتى صور الغرفه مالت الطفل جبتهة من هسه..صدك الطفل الاول غالي وخصوصا اذا اجه بعد طول انتظار
اليوم طلعنه من الجامعه للكراده داخل اني وصديقاتي وطبينه كم محل ومول..هم يشترون شغلات جنط ومكياج واكسسوارات واني دايخه بشغلات الاطفال ومصبرت الا اشتريت اوفرين يخبلون
ووين مااشوف بنوته حلوة ابوسهة يكولولي نجوله من هسه ادور جنه لابنهة ايهومي خربنه ضحك هههههههههههههه يمكن صدك داادور جنه واني ماادري

كماش خبلني ادعولي الله يصبرني وحالتي النفسيه زفت في زفت,,

ام ردونه الله يساعدج على العزايم والله جان المفروض تكوليله لحماج الي يسوي عزيمه مرته تشيلهة..لو يمي جان ساعدتج اني ام بيت شطوره وطبخي يخبل لانه بنت شيخ واعرف اطبخ من اني زغيره..

يارب زنوبه توصل بالسلامه والله يريحهة خطيه بالي يمهة والله لو اعرف رقمهة الا اتصل بيهة واطمنكم عليهة بس فاتتني..

كوكي حمدالله على سلامت ابو علاوي
وسناء منوره التجمع
ورحوبه حايره تطبخ وتشهي بينه ههههههههههههههه

وتوتايه تره ابنج اهم من رجيمك وموزين عليه راح تنشفين حليبج وتحيرين بالمميات خلي رجيمج خفيف واكلي فواكه..

واعذروني اخاف نسيت احد قبل ساعه جيت من الكليه راح اروح اتغده واجي يارب الكاكم..