دردشة بنات العراق, دردشة حوامل العراق , تجمع بنات العراق

[فوفو العراقية]

اهلا وسهلا فروحة
شكرا للدعوة الحلوة ياقلبي
قهرتيني والله
بس ولا يهمج ربج كريم ويعوضج كل خير
ترى ماكو اكثر مني 3 اسقاطات وبعدها رب العالمين عوضني ب 3 اطفال وحامل بالرابع >>> ماصدكت تعوض هههههههه
والدورة الغزيره عادية بالاربعين... وتوقعي بعدها حملج يتم سريع بعون لله.

[o فرح عمريo]

تسلمين ياعمري والله يخليلج ويحفظلج اولادج
ونعم بالله كلشي مكتوب والحمدلله على كل حال
انطيتني امل كلش جبير الله يريح كَلبج ان شاء الله ويهون عليج

[ام نورهانه]

ههههههه لج فوفو موخبلتني بحث خلتني اتقيأ من الوكاحه والعرامه

هلو بيج حبي فروحه ربي يرزقج بالذريه ويعوضج خير ولا يهمج بعدج عروس وتعوضين اني عندي اجهاضين واحد ببداية زاجي كانوا توم وضليت سنه ونص لان كانت عندي مشكله بالحمل فكنت خاله لولب والثاني بعد بنتي تقريبا قبل سنتين وهسه صرت حامل مره لخ ربي يتمم للجميع على خير

ها واني انفال ام نورهان عندي بنوته وصارلي 5 سنوات متزوجه وهسه حامل بالشهر الخامس بقالي اسبوع واخلصه على خير ان شاء الله

[مجنونة بحبها]

زينب انجل الله يسلمج قلب وشكرا على الدعوه الحلوه مثل صاحبتها


فوفو تسلميلي عيونج الحلوات حبي


فروحه عيني منوره والله يعوضج حبي
انا ايمان ام بنونه هم عندي ثلاث اسقاطات وبنونه وبس
وانتظر رحمه ربي

توته حيدر عيني منوره عيدي التحليل واذا ماكو حمل روحي لدكتوره شاطره

ام نورهانه شلونج وشلون نورهانه

[ام نورهانه]

كل الهلا بيج ام بنونه والورد وهاي شنو بنونه تخبل طالعة ويارب يرزقج الها درزن اخوه واخوات يملون عليكم البيت يمه فديت الضحكه الحلوة ربي يحفظها من كل شر

[o فرح عمريo]

ام نورهان اتشرف بيج عمري والله يرزقج الولد الصالح ان شاء الله ويخليلج نورهان

ام بنونه مية هلا بيج اتشرف بمعرفتج وربي يخليلج بنونه وتشوفيها احلى عروس ويرزقج بالولد الصالح عاجلا ياربي

واني من ديالى ومكمله معهد معلمات والسنه تخرجت من كلية التربيه الاساسيه والبارحه جانت حفلة تخرجنه

غيرنه جو شويه جانت الحفله كلش حلوه

[ام نورهانه]

حبيبي فروحة الف مبروك التخرج ويارب دوم اايامج افراح وتسلمين على الدعوه الحلوة مثلج
اني بعدني بالاعدادية صف خامس ادبي اهئ اهئ لان بطلت بفتره ماقبل الزواج والزواج وهسة رجعت
وكلش مزعجة الامتحانات ومتعبتني
ومن هسة خايفة من السادس وشايلتله طن هم وبالذات اني ولادتي تصير ببداية الدوام تقريبا

[فوفو العراقية]

اكول بنات
اني زوجي اليوم خلاني اقلق
مرتين سألني ليش بطنج مدا تكبر وعلى حطتها؟؟؟

اني تفاجئت لان احسها كبرانه او بالاحرى صايرة قوية لان نفس الملابس دا البس من بداية الحمل لهسة
صح هنة واسعات شوية بس البسهن عادي
والله اني ماذكر شي من حملي السابق
بس كولولي هية شوكت تبدي تبين كلش؟

ام نورهان اشرايج؟
ممكن بسبب قلة حركة الجنين متكبر هواي؟
انتي نفس فترتي تقريبا؟.

[ام نورهانه]

ههههه لا عادي حبي فوفو هي كبرانه بس لان ملابسج شويه عريضه متبين اني هم البس ملا بس عريضه للبيت ولا كأني حامل عبالك شويه كرش
بس من لبست الصدريه مال حمل كلش بينت بطني حتى زوجي كالي هاي وين كنتي ضامتها ههههههههههه بس من البس ملابسي العاديه وبالذات اذا بنطلون وفوكه قميص كلشي عبالك ماكو بس من البس الصدرية تبين واضحة كلش

[ام نورهانه]

وينكم حبايب اشو ماكو الحلوات تعالو ضايجه اريد اسولف