تجمع قسم النفاس,تجمع خاص لنفوسات

[رحى..~]

بنات وش أعراض البواسير بعد الولادة
أنا عندي حكة غير طبيعية بمنطقةالشرج وحوله بالله تكفون هل هذا اعراض البواسير ردوا علي وعندي بعد امساك فضيع والمنطقة تشققت من كثر الحكة لا وبعد تفككت غرز التوسيع
واذا ما أثقل ممكن تقولون لي الغرز الداخلية وشلون أهتم فيها؟؟
الله يرضى عليكم واه بث

[نور الطفولة]

هلا نفوسات ويش اخباركم بس كنت رايحه التجمع للاسف اسكر الموضوع اتفاجات مالحقت اكتب شي عن ولادتي في التجمع لى متعوده عليه يادوب توني ولدت من 5 اياااام اعطونا مجااال نكتب لي في داخلنا .. مجااااال بس لى ولدوا في نهايه الشهر

[نور الطفولة]

بصراحه وحشتوني مررررررررررررررررررررة يا حوامل تجمع صفر والله عندي اكتئاب وحزن مو طبيعي

[ال ماما نوف]

قفلوووووو التجمع ولحقتكم وانا كروشه
نور الطفوله اكتبي ةاكشنك هنا

[رسال]

مرحبا نفوسات

نور طبيعي اللي تحسين فيه وان شاء الله فتره وتعدي
واكتبي الاكشن هنا

[رسال]

يارحيم

عادي السواد وفعلاً مع الوقت يرجع باذن الله
في ناس يستخدموا منظف الوجه اسمه اسكينول ممتاز تمسحين ويطلع اللون
وجربي المسحه الطبيه شوفي كيف لونها يصير مرعب
هذي كلها هرمونات

اما بطنك مايل من جهه يمكن القولون او عندك امساك

[يارحيم]

امساك شنيع يا رسال!! وبقولك شي غريب ماقدر امسح بطني بشي اصلا اخاف المسها ولا اضغطها احس انها بتعورني!! بنتظر لين اخلص الاربعين ماحس اني الحين اتجرأ اسوي شي ببطني مرة اخاف واخاف اقرب للعمليه بعد..

الامساك يا جماعه بيموتني!! بعد ما ولدت قعدت اسبوع ما سويت شي ومن اول يوم والمستشفى كانو يعطوني ملينات ولما طلعت من المستشفى مريت الصيدليه واشتريت ملين وكملت.. كل يوم اكل عسل اصلي وفواكه من تفاح وبرتقال وعنب وكلها قالولي انها ملينه وبرضه اشرب موية كثير واكلي كله بر بس ماعرف وش المشكله.. المهم بعد اسبوع سويتها مرة وانتم بكرامه وبعدين وقفت الملينات الحبوب لان المفروض ما تستخدم اكثر من اسبوع..

بعدها قعدت يومين ما سويت شي واليوم بالحمام تعبت والله وامي قالت لا تضغطين على نفسك بالحمام ترا تنفتح العمليه :( وبصعوبه قدرت وانا خايفه على عمليتي مرة..

علموني وش اسوي وشلون اتصرف مع هالامساك العنيف؟

[رسال]

يارحيم انا من ولدت لليوم اشرب ملين والامور كانت تمام لكن من يومين وانا وضعي صعب الظاهر جسمي تعود عليه وماعاد جاب نتيجه
البارح من شدة الالم رشيته بنج
والله تعبانه من الخياطه وبكيت عند زوجي رغم اني متماسكه من البدايه
الله يعين

رحى الظاهرىبواسير
بس كيف تفككت مارحتي لطبيبتك وكم لك والده

[يارحيم]

تصدقون من كثر ما اقرا شكاوي الخياطة بالمنتدى حسيت ان الولادة القيصرية نعمه..ما توقعت ابد ان الخياطة كذا تتعب بالطبيعي.. الحمدلله يارب والله يعينكم ويريحكم من الامكم عاجلا غير اجل..

اتوقع لان المنطقه اللي تحت دايم رطبه وبالذات مع دم النفاس فيكون صعب انها تطيب بسرعه لان اهم شي للخياطة الجفاف.. حاولو تروحون الحمام كل شوي تتشطفون وتنشفون وتغيرون الكوتكس اتوقع افضل شي عشان تطيب بسرعه..

[يارحيم]

يا جماعة الخير تتذكرون لما قلتلكم ان صدري اليسار يطلع اكثر من اليمين؟ وكنت متوقعه انه عادي بس زادت الحاله لدرجة اني صرت لما اشفط لمدة نص ساعه واكثر اليمين ما يطلع الا نقطه!! بعدين بدا يورم وصار يوجعني!! ولما اضغطه يكون فيه اشياء قاسيه مو لين زي الثاني.. تذكرت سالفة شذا وضاق صدري :( والمشكله ماعندي موعد مع الدكتورة الا بعد اسبوعين مع انه المفروض انه بعد اسبوع تشيك علي بس طال عمرها مسافرة..

امي قالت كمادات حارة بس معقوله بتفكك لي هالتحجر؟؟ وصديقتي قالت تروحي للمغسله وتضغطين على صدرك من بدايته وتمشين لين نهايته لين يطلع الحليب المتحجر بس بيعورك.. واتوقع هذي الطريقة اللي سوتها الدكتورة لشذا واذكرها بغت تموت من الصراخ وشلت هم..

اللي مر باللي انا مارة فيه تتوقعون الكمادات تكفي ولا لازم اعصره؟ وهل عندكم طرق ثانيه؟؟