دردشة بنات العراق, دردشة حوامل العراق , تجمع بنات العراق

[توتايه]

طبعا بنات بدون ذكر اسامي مشتاقتلكم كلكم ورويده الحمدلله على السلامه عمري والسنتيروم اني مجربته وره الولاده خلاني العفو امشي والغازات تطلع وما اسيطر عليها

[غنى2011]

صباح الخير
ايمان بشرج الله بالخير الدرج مو زين لعد وين انطي وجهي شسوي
هسه غير تخلص المدارس
ظلت يم رب العالمين هو يحفظه وجماله البارحه صارت عندي الالام

مي شلونج امورج ابرار طالعه تجنن بهاي الصوره فدوه لعينها

دا اكتب من الاي باد ولعب نفسي ماعرفله اللاب توب اريح بهاويه اخذها زوجي وياه للدوام يكول عندي شغل بيها

بقيه البنات سلامي الكم

[مجنونة بحبها]

صباح الخير

هلا غناوي حبيبتي الدكتوره مكلتلج الدرج ممنوع شلون
انا حتى عياده دكتورتي بالارضي حتى لا اصعد درج
والسونار كله بالراهبات لان ارضي

الله يعينج ويسهلج

[روح ملائكيه]

صباح الخير
شلونكم بنات؟

طبعا هسه اني نايمه وارضع محمد واكتب هههههههههههههه

رويده 1 حمدالله على سلامتج عمري الوقه شلونها؟

امونه شلونج غلاتي؟ وبنونه؟ حبي لازم انتي وزوجج تتفقون على طريقة تربيه وحده مايصير انتي تصرخين وهو هادئ البنت راح تكرهج وتلجأ لأبوها بكلشي وهذا غلط..وبالنسبه للكلام فهذا عادي كلام الطفل ماينتظم لحد عمر 4 سنوات تقريبا وخصوصا اذا كان الطفل وحده بالعائله مثل بنونه..بس انتي حاولي تعلميها كلمات بس مو تخبطيها عليها مثلا تعلميها كلمة زهره تظلين كم يوم وياها من تشوفيها حفظتها ابدي بكلمه جديده وهكذا ..هذا اسلوبي ويه البنات والحمدلله الطريقه جابت نتيجه ممتازه والحمدلله..

فله شلونج وشلونه البيبي ونورهانه؟ عجبتني طريقتج بالتربيه بس استعملي لوحة التكريم ..مفعولها سحررررري اني مسويه لوحده بيضاء من كارتون وحاطتها بالصاله وخطيت خط بالنص يعني قسمتها ...قسم بأسم ملاك وقسم بأسم شوق ..واشتريت ستيكرات بلون اسود كتلهم هذي سيئه وستيكرات ورود ولولو كاتي وكتلهم هذي للحباب والعاقل الشاطر..
المهم
من تسوي شوق وكاحه الصق الها ستيكر مال سيئين واذا سوت شي زين الصق الها ستيكر ورده مثلا وحتى ملاك (رغم انه ملاك ماتفتهم زين بس حتى تحس شوق بقيمة العمل ونوعه) وهسه شوق عدها كلشي ولا لوحتها بيها ستيكر مال سيئيين هههههههههههههههههههههههههههههه
ها وبنهاية الاسبوه نجمع منو حصل ستيكرات زينه اكثر اله هديه خخخخخخخخخخخخخ


فوفو شلونج عيني الله يعينج على بطنج لا تكريني ماصدكت خلصت من هالمرحله هههههههههههههههه يله هانت مابقى الا القليل بس انتبهي لا تمشين هواي لأن راح تحسيت بتعب شديد بعدين حاولي تطلعين يوم وترتاحين كم يوم وبعدها تطلعين وهكذا..

رحوبه شلونج غلاتي؟ العفاريت شلونهم؟الله يعينج على مهرجانهم اليومي هههههههههههههههههههههههه

مياوي قلبي شلونج؟ بروره ماااااااشاء الله عليها تجنن ربي يحفظها ويصونها من كل عين اقريلها المعوذات دائما حتى من عينج انتي..ودائما كولي حصنتج ورقيتج من كل عين شافتج وماصلت ع النبي..اللهم صل على محمد وآل محمد...يحفظها من كل عين ان شاء الله

كوكي عمري شو غياب لولي شلونه؟ عسى المانع خير
نجلاء ربي يعينج بيت وامتحانات ..ربي يسهلها عليج

زينب السعدي ماكو خير ان شاء الله

سجاوي قلبي شلونج ؟ ربي يعينج ويكمل حملج على خير وسلامه..حاولي ماتنقهرين وارتاحي زين

غناوي عمري اخذي اجازه وكعدي بالبيت والله اني بشوق كضيتها كله اجازات لحد ماولدت رغم اني ماكنت رابطه بس نزف عندي اسم الله عليج
رويده 2 شلونج عمري اخبارج؟
زينب انجل شلونج عمري؟

هنوده -زينه-دلوعه - نورس - يمنى وهواي بنات ماكو ان شاء الله المانع خير يارب

[**نورا**]

صباح الورد على عيونكم جميعا

* ام نورهانه حبي اتشرفت بيج واني جنت عايشه بغداد وهسه بالشمال وصحيح من جان عمري 14 اتزوجت
وياربي يتمم عليج الحمل وعلى الكل لان الحمل بهاي الفتره صاير عباره عن حاله مرضيه
لو عدكم رأي ثاني

[روح ملائكيه]

اهلا وسهلا بيج نورا
نورررررررتي التجمع غلاتي وربي يتمم حملج على خير وسلامه

اني ام شوق ..وساكنه بالامارات

بس كلللش صغيره من تزوجتي ..

[zena]

هلووووووووووووووو بنات مشتاقه كووووومه الكم وتسلمون ع سؤال خصوصاااا ام شوق وام بنونه تسلمولي



اخر اخباري ههه بنوتي كاعده اداوم بالروضه اوديها من الساعه 9 الئ الساعه 12 اروح اجيبها واذا يطلعلي دوام طبعا يتغير دوامها واول اسبوووع داومت خطيه حيل تمرضت لان تعرفون الامراض كلها بالروضه

[روح ملائكيه]

هلو زيونه عمري..
ياعمري ماشاء الله هلونه كبرت وصارت تروح للروضه ههههههههههه
سلامتها خطيه ..انتبهي الروضه كلها امراض وهسه خطيه تتمرض بأستمرار مثل شوق من سجلتها بالروضه سنه كامله مريضه موتتني ..حاولي تعقميلها اديها مثلا بمعقم الادين بأستمرار او ظلي تابعيها دائما ..

[zena]

حبيبتي ام شوق والله شسوي غير النظام هنا هيج اصلا هيه بعدها متمشي ولاتعرف تاكل وحدها ولاترضع وحدها وخطيه اتركها وسمع صوت البجي اتكطع عليها

[روح ملائكيه]

ياعمري خطيه ..بس انتي شتسوين هي هم لازم تتعلم وانتي بعدين راح يصير عندج دوام لازم تتعلم هلونه ..
اني شوق جانت تبجي ويخابروني وتحاجيني وهي تبجي واركض للمدرسه وملوكه جانت طفله وعدها عربانه ومن غير الحمل ومأساة حالي اسم الله عليج ..هو بعدين تتعلم