دردشة حوامل أهل القصيم - دردشة بنات القصيم - تجمع حوامل القصيم

|| A L W A N || · 03-30-2011, 02:12 AM

اقتباس:

المشاركة الأصلية كتبت بواسطة ردينة

اختي الووان هل صحيح كلامك انه بعد الولادة الخامسة ما يخيطون وربي خايفة ؟
اذكر اختي كانت تقول انه الرابع والخامس انتي تطلبين خياطة فماادري !!!
ابي اعرف الوان بولادتك الخامسة خيطوك ام انتي طلبتي الخياطة
ردي علي الله يوفقك ويهون عليك

هلا خيتو ردينة

كل ولاداتي بخاص ما عدا البكر..
وكلها خياطة..

سمعت انه إذا وسعو لك وقت خروج الراس -يعني الي يسمونه شق العجان- فإنه لازم خياطة ..

وإذا طلع البيبي بدون توسيع يكون بدون خياطة او حسب الطلب..
لكن الحكومي ما اضمن يخيطون! اتوقع انه بدون خياطة!.

-------
والي عندها معلومة من البنات لا تحرمنا..
-------

رباه فرج همي · 03-30-2011, 04:33 PM

غالياتي رددوا /

استغفرالله العظيم واتوب اليه

استغفرالله الذي لا اله الا هو الحي القيوم واتوب اليه

اللهم اغفرلنا وتب علينا

استغفرالله

استغفرالله

استغفرالله

استغفرالله

استغفرالله

روح مغليها · 03-30-2011, 05:22 PM

مراحب كروشات

حبيت اسالكم وش افضل الولاده في الوفاء والا الحبيب ؟؟

من تجاربكم ومن تجارب اللي حولكم وش افضل من ناحيه الاهتمام والخياطه

وكم المبلغ ؟

الله يوفقكم ويسعدكم ويهون عليكم ويرزقكم ولاده طبيعيه سهله ميسره ياااااااااااااااااااااااااااارب افيدوني رجيتكم

فرح2010 · 03-31-2011, 05:13 AM

مرحبا قصيميات
اهلين الوان لازم الخياطة سواء كان الاول ولا العاشر والله مايشاورونك لاتسمعين لللاشاعة انا اعرف وحدة ماشاء الله تبارك الله الله يمتعها بالصحة والعافية
جابت العاشر وخيطوها
واللي تال عن الخياط الخارجي والداخلي لازم كله يتخيط سواء ولدتي كل سنة او كل خمس سنين بس احيان من كثر البنج مانحس
انا اللي اعرفه ان الخاص لازم تطلبي خياطة داخلي وخارجي

فجر المحبة · 03-31-2011, 11:24 AM

صباح الخير ياكروشات,,,,,
الله يتمم للجميع على خير....ويهون علينا جميعا....
الحمدالله أنا بكرية بنهاية الخامس وأراجع بمستوصف السلام بعنيزة عند دكتورة:عزة..وماشاء الله عليها شاطرة وترتاحين لها من تشوفينها ""صح زحمة وقرف بس لما تدخلين عندها ترتاحين"" والولادة إن شاء الله ناوية عند الملك سعود فيه ثنتين من صديقاتي ولدوا عندهم ويمدحونه مررررة.......
عندي إستفسار وياليت تردون علي..
أبغى أسماء محلات يبيعون تنانير وبلايز مريحة وباردة للحوامل!! مو مشكلة ببريدة أو عنيزة أوالرس أهم شي باردة بهاالحر "الله يرحمنا" لأني بعد حملي ماأتحمل الحر..
لأني أدرس بالكلية وبطني مو كبير بس التنانير العادية تضايقني والروب بيطلع شكلي فيه غبي لأن بطني صغنون مرررررررة....

ردينة · 03-31-2011, 02:14 PM

مشكورة اختي الوان علي الرد الله يهون عليكي يارب

اختي فرح شكرالك ردك احس اني ارتحت شوي من ناحية الخياطة
والله يسهل علينا الحمل والولادة

ام احلى اثنين · 03-31-2011, 04:26 PM

فجر المحبه انا شريت من الحسون

تنانير خاصه للحمل

تنانير عاديه بس مع جهه البطن قماش مغاط

ب 70 ريال اذكر

وكرفتهن بالمدرسه كرف سودا ورصاصيه ولاتغيرن

وتلقينهن مع التنانير يعني فوق عند مكان التنانير

زهور بلا الوان · 04-01-2011, 01:28 AM

هلا كروشات
انا ادور هالتنانير وان شاء الله بروح اشري لي زيهن
لاني شفت قريبه لي لابسه تنوره مثل اللي قالوا البنات ومره حلوه وتقول مرتااااحه ع الاخر

توت برى · 04-01-2011, 05:21 AM

السلام عليكم ورحمة الله وبركاته
كيفكم بنات
لاتنسوا
اليوم جمعه
أكثروا من الصلاه على الحبيب المصطفى محمد صلى الله عليه وعلى آله وصحبه وسلم أجمعين
قرآءت سورة الكهف تنير من الجمعه للجمعه

ام رووولا · 04-01-2011, 01:35 PM

اقتباس:

المشاركة الأصلية كتبت بواسطة سماءالاحساس

مراحب كروشات

حبيت اسالكم وش افضل الولاده في الوفاء والا الحبيب ؟؟

من تجاربكم ومن تجارب اللي حولكم وش افضل من ناحيه الاهتمام والخياطه

وكم المبلغ ؟

الله يوفقكم ويسعدكم ويهون عليكم ويرزقكم ولاده طبيعيه سهله ميسره ياااااااااااااااااااااااااااارب افيدوني رجيتكم

هلا اختي...شوفي انابكرية ..يعني ماجربت لسى..بس الاغلبية يمدحون الوفا
وانا ان شاءالله ناوية اولدفيه
دقيت عليهم يقولون ب5000

اما الحبيب مادري ...فية الي يسب والي يمدح..بالتوفييييييييييق اختي