تجمع سيدات ليبيا الغاليات..

[هدية الخالق]

أوشي واثري وخوله وام نرجوسه واموله وينكم ؟؟
شموسه أمس هدرزت معاها شويه عالفيس قلتلها فروسه ديما تقول زعما مازال نشوفوا شموسه ؟
قالتلي بكيتيني والله فاقدتكم وليكم وحشه كلكم

[sosolibya]

صباااااااح الخير,,


الدنيا كانت هاااااااااااادئة وفجأة بدأ القصف ربي يسترنا ..


صباحكم سكر عزيزاتي إن شاء الله أموركم مام

[sosolibya]

جيجي راجلي مايحيش الكرة أبداا ومايدورش فيها وصحة العصيدة وبي يسلمك على تخميمك ياغالية ..

وبالنسبة للوضع ربي يستر نفكروا نطلعو..

تخيلو حوش عيالي وراي يعني أبعد منى وعلى أساس أمان أكثر من حوشي

جاهم صاروخ في الصور ..

ربي يستر وخلاص

خوالي كلهم جاينهم صواريخ ,, بالله عليهم تقول عايشين في,,,,

[sosolibya]

هدهد أه تصير هذه مع الجميع بس أنت حاولي تجددي في الموضوع يعني بعدة طرق أو زيني الحام أو حطي لعبة جنب البانيو ولو معتمدة على المسح ننصحك تبدلي الوضع لأنك تغسليها غسيل..

وتصدقي ولا لا.. أنا هذا الوضع نعاني منه مع حمود توا تخيلي أهو كبير
خشو للحمام بألف واسطة وحكمة

ومدايرة سبلة تخش للحمام نعطيك شوكلاطة ومرة تنجح مرة لا

ومرات يبي شوكلاطة بدون مايبي يخش..

[sosolibya]

جيجي ماردتيش عليا أنت وفروسة بخصوص نقل صوركم لصفحتي

[sosolibya]

فروسة لا ما نقصدش بالبرادة الزير

الزير كبيييير والبرادة الصغيرة..

[ام وسونة]

السلام عليكم

جوهرة البارح درت العجة متع البطاطا وطبعا زدتها اضافات مني درتلها كاشيك هريسة عربية

وشوية معدنوس وزوز متلتات جبنة جت تهبل اني صورتها توا نزلها لان توا خاشة بالاي باد

وخيه سوسو ربي معاكم ان شاءالله

وخيه ام فراس كيف حالك وحال صغيويرتك

تعرفوا اني البارح مدايرتهالي بنتي ليلة والله راسي توا مش قادرة نقيمه نحطها في فراشها تطلع

لفراشي وتبدا تتقلب وتريشلي في شعري ههههههههه سلامتها متعبه تخايلوا طول النهار وهي تبكي

وماتبينيش نخليها لازم نشدها من الاهير بنتي صعبه جدااااا وكل من شافها قالي مابعدك

[جوهرة ليبيا]

السلام عليكم

مسائكم ورد وفل

سوسو ربي يحفظكم والله نقرا ومصدومه والود ودي انقولك اتفضوا عندي انحطكم في عيوني

بالنسبه للصور عادي جدا ياحلوة وحتي اني قلتلك ابعتيلي رابط صفحه الفيس متاعك ومارديتيش بالله ديريني في بالك

هدهد ربي يحفظها سوما وان شاء الله العمر كله ربي يحفظها

ام وسونه صحه العجه ياعسل والله تصدقي حتي اني درتلها معدنوس وحنجرب انديرلها زيك جبنه المثلثات

وربي يحفظها بنوتك صار دارت فيك حاله البارح
وتعرفي كان انتي من النوع اللي اتقولي بنتي سلامتها واعره ننصحك معادش اتقولي وحتي لو حد قالك مابعدك قولي عادي

حتقعد معروفه لين تكبر ايقولو هادي تعبت امها هلبه

توا اني بنتي هادي ايقولوي زي اختها ماترقدش لان رنو قعدت سنتين مستحيل ترقد في الليل حتي لو مارقدتش في النهار فولت مشهورة بالشئ هادا

وفي النهايه انتي اللي تتحملي وماحدش بيحس معاك والله اعلم هادي وجهة نظري وانتي وراحتك

[sosolibya]

ادلليى ياجيجي

https://www.facebook.com/pages/%D9%85%D8%B7%D8%A8%D8%AE-%D8%B3%D9%88%D8%B3%D9%88-%D9%84%D9%8A%D8%A8%D9%8A%D8%A7-Soso-Libya-kitchen/195170260691288


مع اني حطيته قبل

وخلاص توا ننزل صورتك

[sosolibya]