تجمع حوامل العراق واتمنى اكو احد موجود

[نعومه التميمي]

شلونهن البنات فيونكه مابينت
كملتي جهاز الطفل لو بعدج

[نعومه التميمي]

بنات اروح انام تصبحون على خير

[رودينة الراوي]

اي اي كملتة بس بقة السرير ان شاء الله
وانتي من اهل الخير نوم العوافي حب

[مجنونة بحبها]

عيني رودينه مشرفت المحروسه بس شنو الفايده حللت دم وطلعت سالب

[رودينة الراوي]

مو شرط حبيبتي يجوز مبين فد 5 ايام اذا ماكو روحي حللي واذا طلع سلبي لازم ترحين للدكتورة حتى تشوف ليش هيج ديصير

[مجنونة بحبها]

الله كريم انتظر كم يوم واعيد والله اليستر اخاف ماكو حمل وتطلعلي سالفه جديده اخاف من التكيس ومصايبه

[مجنونة بحبها]

عيني رودينه رجلي تعارك ويه بنات المختبر وخلاهن طلعن حركتهن بيه اول شي دخلت السرنجه حيل بحيث اذتني وخلت الدم يجري ونوب سوت التحليل بسرعه وانطتنياه مااعرف خاف رادن بس يخلصن مني وماادري

[رودينة الراوي]

لا ان شاء الله ماكو شي وان شاء الله يطلع اكو حمل وهذني البنات يجوز طلعو حركتهم بيكم وسوو التحليل من ورة خشمهم
حبي انتي هم ديري بالج علة نفسج لتشيلين ثكل ولتتعبين روحج يجوز تطلعين حامل ان شاء الله
خلي عندج ثقة بالله قوية حتى الله يجبر بخاطرج

والله يااختي اني من سويت عملية الأنابيب الاولى من عرفت سلبي بجيت شوية كلش من دااكللهة لامي وهم لان جانت بعيدة علية بس وراها كلت الحمد لله والشكر وضليت اندعي من الله ان يكتبلي الحمل
وسبحان الله جنت ناوية ارجع لبغداد ومااسوي العملية الثانية وزوجي جان قافل عالرجعة مدري شلون قررنا نبقة وسويت العملية الثانية واني يومية اقوم الليل واحمد الله وأشكره الى ان سويت العملية الثانية والحمد لله الله كتبلي الحمل وجبر بخاطري

سبحان الذي لا يحمد على مكروه سواه
فأنتي ظلي حمدي الله وشكريه حتى يكتبلج الحمل ان شاء الله ويفرح قلبج بالولد*

[ساهرة]

حبيبة ماما يارب تطلعين حامل وتحقق كل امنياتج
ردونه + توتايه+ فيونكه
اخباركم حبيباتي ..؟
اني مشغوله هلايام اقرب فرصه
راح ادخل اسولف وياكم ..؟
خبروني عنكم اشونككم شون البيبيهات هسه..؟ وشون التعب وياكم .؟

[رودينة الراوي]

هلوووووو سهورة شلونج اخبارج هاي وينج شو ماكو ننتظرج ترجعيلنة مشتاقين لسوالفج