الحقوني ..

[ايــلاف ..]

بصراحه مادري ليه نزلت هالموضوع هالمكان بس احس انه انسب مكان انزل فيه موضوعي

بصراحه انا نفسيتي تعبانه مره بسبب حملي مع العلم ان توني باول شهر وعلاقتي باهلي وزوجي
مره حلوه بس من عرفت اني حامل قلبت نفسيتي رغم اني انتظر الحمل من سنتين يعني كنت متشوقه
بس الغريب نفسيتي كل مالها تزيد سوء مادري ليه وصرت اختلق مشاكل بالذات مع زوجي
وطول وقتي ابكي بدون سبب يعني مثلا امس رحت المستشفى وضربتني الممرضه ابره وجلست ابكي
وطول الوقت حاطه نقري من نقر زوجي واغلط عليه بالكلام وانا اموت فييه والله واسبه واتجاوزت
حدودي معاه ووصلت اني ادعي عليه بزياده وهو يفكرني اتوحم ويضحك فرحان
اني حامل وماهمه ايش اقول على باله وحم وعلى قولته انا بتحملك دامك متوحمه علي
وانا يرتفع ضغطي من بروده ماحس اني متوحمه عليه احس نفسيتي زفت وماني طايقته
وانا مادري هذا وحم يعني والا ايش مره خايفه على علاقتنا اخاف انه يتحسس مني
لاني بس اكون معاه تصير بيننا مشاكل ومن اروح عنه ودي انه يرجع وابقى معاه
واحيان ابكي على الي صدر مني بلييييييييييييييييييييييييييز طمنوني ؟ هذا وحم والا وصلت المشاكل بيننا لهالدرجه

[♥ яѝȱȱȱў♥]

اتوقع هذا وحم انك متوحمه عليييه

وربي يشررح صدرج يارب ؤيسعدج

[جارة القمر]

عادة نفسية الحامل بالاشهر الاولى بتكون حساسه ............

[hnen]

والله أنا أعاني من نفس المشكلة ومتوحمة على زوجي الله يعينة علي
أنتي لا تخافين كلها أيام وترجعين مثل قبل
وقولي لزوجك يصبر عليك لأنك توحمتي عليه وقولي له أن هذا الشيء خارج عن أرادتك وهو إن شاء الله بيتفهم وضعك
بالتوفيق حبيبتي

[hanofh]

هذي النسات وانتي متنسيه فيه
ربي يعينك ياقلبي
حاولي قد ماتقدرين تخلين نفسيتك حلوه لان مو زين على حملك
ماودي اخوفك
بس انا سقط والسبب نفسيتي الزفت
ماكنت اكل ولا اشرب ولا اكل احد من نفسيتي


وماشاء الله شكل زوجك فاهم
يعني ان شاء الله ماعليكم خوف
ربي يخليكم لبعض وييسر اموركم

وابتسمي ياقلبي

[بــ أم ــدر]

مشكلتك ذكرتني بنفسي..كنت كذا بحملي الثاني وكنت كارهه زوجي ومو طايقته ابد وعلى اتفه الاسباب اتمشكل معاه بس ماتم حملي يمكن رحمه من ربي ورحمه لهالمسكين وانا كل يوم لساني يطول عليه <<<هع
انتي ماعليك هذا من الوحم لان النفسيه تصير مرررره تعباااانه وربي يهونها عليك اختي وانتي هدي نفسك..والله يتمم حملك على خير ويثبته لك وتقومي بالسلامه يارب..
وآآآسفه ع الاطاله ^^

[ايــلاف ..]

تسلمون حبايبي ع الردود بس الله يثبت حمل كل وحده حامل
ولاتنسوني من دعاكم بليييييييييييييييييييييز

[TOomy]

مبروووووك اختي
الحمدلله الا ارزقك يارب يرزقني
اظن انه وحااام تتوحمي ع زوجك
بس خفي عليه شوي ههههههههههههه

[somia]

عادي اختي انا كنت هيك اول ثلاث شهور ما كنت اطيق اشوفه او حتى يلمسني بمجرد مايلمسني اوخر ايده بس كله بسبب الوحم فاصبري على اخر الرابع راح تكوني بتموتي عليه وهوه راح يجيله ذهول من التغير المفاجئ اصبري بس