دردشة حوامل مصر - دردشة بنات مصر - تجمع حوامل مصر

[dr.princess]

رنا الشعر جميييييييييييل ماشاء الله المواهب دى كانت مستخبية عننا فين

[dr.princess]

ملك هههههههههههههههههه لا طبعا كان فى رز

[رنا خالد]

لا السكر مش بيديه طعم خالص هو مجرد لون بس بيديه لون عسلي كده او ذهبي
انما لو حطيتي كاري او قرفه هايغيروا من طعم الرز جربيها بجد هاتعجبك اوي
اما بالنسبه للشعر فجوزي شافه اصل انا كاتباه من فتره وعاجبه اوي
بس اصل جوزي مالوش في موضوع الشعر ده اوي هو رومانسي جدا بس مش زويق للشعر والقصايد والحاجات دي بيعبر عن حبه بالتورت ههههههههه
امال انا ليه بحبه داخله علي طمع

[dr.princess]

غريبة الاكله دى انا بس مستغربة طعم الرز واللحمة المفرومة مع بعض كده

[رنا خالد]

ربنا يخليكي يالولو والله ده من زوقك انا مبسوطه ان الكلام عجبكم بجد

[رنا خالد]

عارفه لو مستغربه طعمهم ممكن تبدلي المفروم بكبد وقوانص متقطعه مكعبات صغيره وحطيها جوه الرز دي بقي من تأليفي انا مش شغل فنادق ولا حاجه واهو برضه تنوع
اصل انا بحب اضيف للحاجه واغير فيها

[dr.princess]

رنا ههههههههههههههههه فكرتينى بيوم فرحى لما جيت لجوزى هنا لقيته الله يخليه لينا ويرزقه برزقنا ومنتحرمش منه ابدا لقيته جايبلى تورتة black forest اللى هى الغابة السوداء كانت تجنن طعمها رهيييييييييييييب ساعتها بقى حسيت انى بحبه من كل معاميعى هههههههههههههههههههه

[MALAK2010]

لولو:انا لما عملتهم رزمع لحمة مفرومة استغربتهم هو طبعا مش وحش بس حاسة انة مش لايق ههههههههه المكرونة تكسب
بس انا عاوزة اجرب موضوع السكر على الرز دى وهاقولك يارنا

[dr.princess]

اااااااااه ياملك فكرتينى بماما عليها حتة مكرونة باللحمة المفرومة متعدمهاش بصراحة هههههههههههههههههههه
ماما ماشاء الله اكلها يجنن ربنا يباركلنا فى عمرها

[رنا خالد]

بصي يالولو انا مدمنة تورت والجديد بقي جابلي تارت بالفزدق وعين الجمل ادمنته برضه
وكل شويه القح عليه واقوله التارت اللي انت جبتوهولي كان خطيييييييييير وشويه اقوله ده عين الجمل والفزدق مفيد جدا للي بترضع بيزودوا اللبن عشان يفهم ويجيبوا تاني
ولما جابهولي امبارح بقوله ليه ياحبيبي مكلف نفسك طب ده حتي انا ماليش تقل عليه
وبعد كده مسحته ههههههههههه
يتمنعن وهن العايزات علي رأي عبد الفتاح القصري هههههههه