دردشة حوامل مصر - دردشة بنات مصر - تجمع حوامل مصر

[توتة السيد]

ياروحي ياناس تهون عليكي برضه يارنرون ههههههههههههه

وكمان البضاعة لا ترد ولا تستهبل ههههههههههههههه

ربنا يخليهالك ياربونفرح بكتاكيتنا احنا كمان ونبقي عايزين نبيع برضه ههههههههههههه

[نولارا]

لا ماتخافيش دا احنا جامدين قوى
هوا طلع السنتين اللى تحت وهوريكى الدليل كمان شويه
واليومين دول بيسخن كل شويه شكل السنان اللى فوق ناويه تطلع
انما ايه العروسه القمر دى ماشاء اللله
اسالىى ياحببيبتى

[رنا خالد]

توته وحشاني يامعلم انتي ونوران العسوله اول ماتفقسي عليا انا السبوع ههههههه
بصي يانورا معلش انا رخمه شويه واسئلتي كتير بس والله خايفه اوي وحابه اطمن منك
انا بنوتي بتعمل براز بعد كل رضعه يعني حوالي خمس او ست مرات في اليوم هل ده طبيعي ولا عندا اسهال؟
وكامن صاحيه طول الليل مش بتنام خالص وبتقعد تعيط جامد جداااااااااا
بعد كل رضعه من المغص لدرجه ان وشها بيزرق من كتر العياط هل ده طبيعي؟ نكمل الاسئله بعد الاجابه هههههههههه مش بقولك رخمه

[نولارا]

انتى تسالى براحتك ياحماه ابنى
بصى بالنسبه للبراز عادى جدا وكمان اللون الاسمر ما تقلقيش منه
بالنسبه للعياط والمغص اسمه مغص التلات شهور معلش استحمليها شويه
احمد كان بيفضل يعيط لحد 3 الصبح واحنا بيه اما على سطح البيت او فى الشارع مع ابوه طبعا انا براه بقى شويه
لكن اللى يقلق انك بتقولى لونها بيزرق ابداى تابعى مع دكتور اطفال كويس وان شاء الله يطمنك عليها
يلا كملى اسئلتك ياجميل

[توتة السيد]

هلا رنرون اتني وحشاني اكتر ياقمر ههههههههههههه تسلميلي حبيبتي يارب ادعيلي بقي

افقس ولا هتبطلي علشان ماتعمليش السبوع ههههههههههههه

سلامة كتكوتتنا لوجين اسم الله عليها

[نولارا]

ممكن لما تعيط تقلبيها على بطنها شويه
لكن وانتى جنبها عشان نفسها
ممكن كمان تتمشى بيها شويه فى الشقه
ممكن تشغلى جنبها مكنسه او خلاط يمكن تسكت
فيه دواء اسمه كالما بيبى ممتاز للمغص وطبعا ماء غريب
واعمليلها رضعه اعشاب قبل النوم

[نولارا]

روحتى فين يارنا

[رنا خالد]

هما فاضل سؤالين بس معلش ياام موكشه عريسنا الابيضاني الحليوه
بس السؤال الاول مؤرف وله ريحه ههههههههههه
هل البراز بيبقي ريحته نفاذه ووحشه اوي ولا في الاول مالوش ريحه اصلي لما بغير لها بتقلب الاوده هههههههه ياكسوفي فضحت البت والله
والسؤال التاني امتي مواعيدنومها هاتنتظم وتبطل العياط المستمر ده؟
جاوبيني يااهل الخبره ههههههههه
وقوليلي هل احمد دلوقتي بينام كام ساعه متواصل وبيصحي يرضع كل اد ايه

[نولارا]

السنتين اهم يارنا
الراجل مش عاوز احراج قدام عروسته
هههههههه

[نولارا]

المشاركة الأصلية كتبت بواسطة رنا خالد

هما فاضل سؤالين بس معلش ياام موكشه عريسنا الابيضاني الحليوه
بس السؤال الاول مؤرف وله ريحه ههههههههههه
هل البراز بيبقي ريحته نفاذه ووحشه اوي ولا في الاول مالوش ريحه اصلي لما بغير لها بتقلب الاوده هههههههه ياكسوفي فضحت البت والله
والسؤال التاني امتي مواعيدنومها هاتنتظم وتبطل العياط المستمر ده؟
جاوبيني يااهل الخبره ههههههههه
وقوليلي هل احمد دلوقتي بينام كام ساعه متواصل وبيصحي يرضع كل اد ايه

الريحه عادى يابنتى متقلقيش
زى ما قولتلك اسمه مغص التلات شهور الاولى بيستمر 3 شهور والنوم برضه ان شاء الله يتضبط فى الفتره دى
احمد دلوقتى بينام حوالى 3ساعات اول نومه وبعد كده حوالى كل ساعتين يصحى يرضع وينام تانى