ديوانية البحرين - دردشة حوامل البحرين - البحرينيات

[أحلام أم]

المشاركة الأصلية كتبت بواسطة شمس الصباح

رجعت لكم بس رحت الظهر قلت اريح ظهري لاني بالليل ما اقدر انام بس اليهال ما خلوني

المهم شكلي بعيد التفكير في سالفه فتح موضوع الرضاعه بدور صور الي حيوانات وصور ام وبعدين بدخل في الموضوع والله المعين
على فكرة احلام ام اني ما رضعت ولدي غير اربع شهوربس لظروف خاصة ولا شاف احد يرضع اللي اعرفهم كل رضاعه صناعيه من جدي احس الوضع حساس

اي على سالفه بحط الصورة بس في وصله علشان ما يصيدش شي كل شي ولا احلام ام

شمس الصبااح
الله يساعدش شكلش في مأزق صدق ،شلوون تفهمينه توكلي على الله وعلميه هالبطل
ذكرتيني بأول مولود ببنتي من كثر خوفي عليها ولأنها جبتها في الثامن ودخلت الحاضنه الله لايعود الشر ولأنه قبلها صادني إطراحين بعيد الشر ماضنيت بشوف جاهل في حضني وما أرضعها طبيعي من خوفي عليها وصرت يأما أشفط من صدري وحط بالمراضع لين بغى صدري لأني أقول ماتشرب عدل وبالمرضعه أعرف كم مقدار شربها ليين جف صدري من الهباله وتالي صناعي على عمري شربت مني بس 40 يوم ولمن يهاوشوني أقول سكتوا أني الصح وتالي بعلووي تأدبت
الله يخليش حبيبتي شفت الصورة من الفضول ولاكن أشوه مو حزت أكل ماضنيت حقيقية حسبت صورة متحركة رسم يعني
بادور ليكم صورة متحركة لنزول سدادة الرحم

[أحلام أم]

طفلي حياتي
جبت لش صورة توضح موقع سدادة الرحم
تبدو صافية مخاطية ، متوردة أو مع خيوط دموية وقد تكون مفرزات جامدة كثيرة ،وأحيانا" قد لاتلاحظها بعض الحوامل بسبب زيادة المفرزات المهبلية بسبب الحمل

وهي تنزل حزت الولادة

[Um Amal]

salam to all

[طفلي حياتي]

لوع الله جبدش يا شمس ابغي اعرف ويش يابها على بالش هالسداده سديتين جبدي قاعده اتغدا الحين توني اكل فكرت شي دائري من ربل الا طلع شي يلوع الجبد يع الله يبلغني للتاسع وتنزل السداده مالتي ههههههههههههههه ياعلي ينوووووووون
احلام ام انتين اشطر لان يبتينها وهي يديده مانزلت خخخخخخ
وروز هلا والله احنا عندنا روز ترى والحين انتين الثانيه هلا بيش
عطينا عنش تقرير عشان نضمش ويانه لازم تقرير
فلونه اني بروحي توني غسلت مواعيني والحمام عزش الله وتسبحت وطلعت فرش لان نفسيتي تخترب بروحها يادافع البلا وكله فيني صيحه
عطي مواعينش شمس تغسلهم اكهي مني

[طفلي حياتي]

اني قمت ومتاكده بتيون تسولفون وتهذرون لان طول الوقت بريحاتي ومن اقوم ييتون لكن ماعليه

[شمس الصباح]

هلووووووو رجعت من ممشى نشيطه

اقول احلام ام انتين شفتين السداده في ولادتش واذا شفتين هل تنزل على فترات لو مرة وحده شكلي مصختها من الأسئلة

اي بقول ليكم اليوم قبل الأذان لبست ثوب الشجاعه وقلت بتكلم مع ولدي وقعدت وياه في المطبخ اتكلم عن الحيوانات اللي ترضع واقول اليه في حيوانات مثل الكناري تعطي اكل من بوزها الي ولدها (عندنا كناري من جدي سهل الشرح )
تدرون بقول ليكم بالتفصيل بس في شي بقول نصيحه جودو دبيبكم علشان اذا ضحكتون لا تروح فوق وتحت

المهم بعد الكناري دخلت على البقرة اقول اليه البقرة اشلون تعطي ولدها الا يقول تعطيه حشيش تحطه في بوزها وبعدين تعطيه خخخخخخ المهم قلت اليه لا البقرة حيوان ثدي تعطي ولدها حليب الا يقول اااااااي جدي وقام يسوي روحه يحلب البقرة رديت قلت اليه عن القط وبعدين الأرنب لين ماااا وصلت الي الأنسااااان وسئلته الأنسان تعرف اشلون يعطونه حليب اهني اشر لي على صدره اشوه صدره هو مو صدري مممممممم اي وبعدين قال انزين ماما من عند من يشرب الياهل حليب اكثر وهو يأشر على ابوووووووووه خخخخخخخخخ اهني انصدمت وجتني الضحكه بس مسكت نفسي وحبت استفسر اكثر يمكن اني فهمت غلط وقلت اليه قصدك يشرب حليب اكثر مني لو من البابا الا يقوول اي خخخخخخخخخخ قلت اليه لا الحليب بس يطلع من الأم الا يقول يعني بس البنات اني خفت يفكر بكرة تجي اخته يقول فيها حليب فقلت اليه لا بس الأم يطلع منها حليب انت شربت وبعدين عطيتك مرضعة والكل يشرب حليب من امه لانها نعمه من عند الله والطفل ما يقدر ياكل والحليب يساعده على النمو ونمو اسنانه (صار درس علوم )المهم وصلت المعلومه بس اضحك على زوجي واعيب عليه عنده حليب خخخخخخخ

بروح الي ولدي الكبير اسمع اليه اشوفكم وقت ثاني

[rose soul]

لقد عدنا
شموس.. ههههههههههه اخيرا فهم الولد.. الحمد لله خوش شي
..
فلونه..اللاي شهالاخبار اللي تريح القلب هههههه
لأن انا مابي اولد في جد حفص

والسدادة توكم تعرفون عنها..انا من زمان ادري..بس اتوقع اهي تنزل على افرازات..من جذي ساعات في حريم ما يدرون نزلت لو لا

متى اولد تمللت خخخ

[شمس الصباح]

المشاركة الأصلية كتبت بواسطة Roze

مرحباااااا. انا جديده بالمنتدى قريت سوالفكم وحبيت اشارككم بالهدررره

اهلا بش وحياش شاركينا الهدره والسهر

المشاركة الأصلية كتبت بواسطة طفلي حياتي

لوع الله جبدش يا شمس ابغي اعرف ويش يابها على بالش هالسداده سديتين جبدي قاعده اتغدا الحين توني اكل فكرت شي دائري من ربل الا طلع شي يلوع الجبد يع الله يبلغني للتاسع وتنزل السداده مالتي ههههههههههههههه ياعلي ينوووووووون
احلام ام انتين اشطر لان يبتينها وهي يديده مانزلت خخخخخخ
وروز هلا والله احنا عندنا روز ترى والحين انتين الثانيه هلا بيش
عطينا عنش تقرير عشان نضمش ويانه لازم تقرير
فلونه اني بروحي توني غسلت مواعيني والحمام عزش الله وتسبحت وطلعت فرش لان نفسيتي تخترب بروحها يادافع البلا وكله فيني صيحه
عطي مواعينش شمس تغسلهم اكهي مني

طفطفوووف ما يحتاج تدعين عليه بلوعت الجبد كافي اللي فيني وليش يالشاطره توش تاكلين الغذاء الناس تجهز العشاء وانتين توش تتغذين

فلون باغني ليش اغنيه جان يحترووون بعض النااااس

فلوووووووونه ووووووووورده جميييييييييييله (هذة اغنية رسوم المتحركة مالت فلونه بس ما اذكر الباقي )

[بنوتة حلوة]

سدادة ويش ؟؟ محد قال في سدادة .. اني ماحطيت لروحي شي قبل الحمل خخخخخخ ويش اللي بينزل بعد ؟؟

[om khalil]

لوعتوووووووووون جبدي وييييييييييييعععععععععععع
اشوى ماشفت خخخخخ
قمت اغمض عيون وافتح عيون وشفت خيال صورة ونزلت الماوس تحت

شمس،، ماعندش سالفه لاوي معلمه الياهل خليه طبيعي وبيعرف، بس تدرين اني خايفه انه خلي يسويها فيي ويقعد في حضني حزة الرضاعه ههههههه.. اقول ليكم اني شهد رضعتها اول شهر رضعات قليلة لانه كان عندي اكتئاب مابعد الولادة ولا ليي خلق يهال.. اما خليل رضعته شهرين كاملين وتالي كنت مسافره وياه واضطريت ارضعه في المجمع قدام اللوام خخخخ زوجي كنت ادورة ماني شايفتنه وهو كان مسوي مناحه سويت روحي مو أني ورضعته وتصدقين رجعنا ماحابه ارضعه كلش، ارضعه شوي وبسرعه اشيله واكمل له صناعي ماكنت ادري بسالفة عين ماعين مادريت الا عقب ما نشف صدري خلاص.

أحلام ام، يقصدون بهالسداده هي نفسها الخيوط المخاطية الي تنزل؟؟ وعععععععع لوعتين جبدي

حروف ماشاءالله ولادش وايد يتشابهون الله يحفظهم من كل شر يارب حليو اذا التواءم يتشابهون وقهر اذا واحد فيس وواحد فيس ثاني اخرة التعب ههههه،، يالله الحمدلله اهم شي سلامتهم

طفلي سوووا لش تحليل سكر مره ثانيه؟ اني التحليل الثاني مال العصير سويته يوم الخميس باجر باتلفن ليهم باشوف ويش النتيجة لانه موعدي سبوع الياي.
اقولش عن سالفة الاوميغا 3 من اروح صيدلية اسايلهم زين للحامل يطرولون بي ويش الشوور من وين اخذتين غرشتش؟

روز اكره شي تغصبين روحش تاكلين بس على سالفة هالدم بس زين قلتين عن الشمندر باشوف جان اعلف منه لاعت جبدي من الجبود جبود جبود.