ديوانية البحرين - دردشة حوامل البحرين - البحرينيات

[طفلي حياتي]

ايي خوش فكره
يلا كمليه واني برتاح
تصبحين علي خير

[بنوتة حلوة]

وانتين من أهله ...

[حروف عاشقة]

طفطف ههه

شكلش انعديتني مني ومن عيالي لانه حنا مزكمين وبلاعيمنا >> لو تشوفين حالتي تضحكين ماخده لي ماسكات وادور فيهم بالبيت عشان ما ينعدوون اليهاااال مني بعد مرض الكبير شين ما يستحملونه اليهاال .. واخواني من يشوفوني يضحكون عليي ..

احلام ام تصدقين توني ادري انه بنت عمتي كانت معاهم في الباص وامس رجعواا البحرين والحين هي مرقده في السلمانية صادها كله رضوض ،، الحمد الله قدر الله وما شاء فعل .. والله يرحم إلي توفوا هذا يومهم ..

بنوته خخخ حالش من حالي اني بعد زوجي عيد ميلادة الليلة مسكين على عمري شريت ليه هديه وقلت ليه كل سنه وانت طيب وبس قلت له احتراما للمحرم .. ليقول لي اهم شي انتي ذكرتيني هذا احسن من الهدية ..

يالله بقوووم هدرت وااايد اكا ردت قعدت زنووب من لرقاد توني منيمتها شكلها بتسهرني الليلة ..

[حنين للماضي]

الف الحمدلله على السلامة ام شيخة
الله يخليها لكم وتتربى في عزكم
عقبالنا ان شاءالله ياااااااااااااارب

شموس سكتي عني لايجيش طراق على عظمة خدش واخليهم ينتفخون ليش مرة ثانية
تعالي صدق شخبار النساة وياش؟؟؟

من البارحة احاول انزل صور التوزيعات بس النت بطيء
الليلة بغسل ثيابه

[حنين للماضي]

حروووووووووووووووف حبيبتي وحشتيني
شخبار الكتاكيت خاطري اشيلهم واحضنهم
الله يخليهم ليش
تحملي فيهم الجو شوي بارد لا تطلعين فيهم احسن

[شمس الصباح]

المشاركة الأصلية كتبت بواسطة حنين للماضي

الف الحمدلله على السلامة ام شيخة
الله يخليها لكم وتتربى في عزكم
عقبالنا ان شاءالله ياااااااااااااارب

شموس سكتي عني لايجيش طراق على عظمة خدش واخليهم ينتفخون ليش مرة ثانية
تعالي صدق شخبار النساة وياش؟؟؟

من البارحة احاول انزل صور التوزيعات بس النت بطيء
الليلة بغسل ثيابه

يالله يا صباح الله خير اول ما أفتح النت اشوف وحده مبرزه لي طراااااق سكتي عني لا اجي اجرش من خناااااافرش
اني من النساه تعبت لان نساة الشهور الأولي ارحم من النساة في الشهور الأخير ثقل وما في نوم والحارق واستفراغ كل الخير عندي تبغين اعطيش اشوي

اليوم من الصبح اعصابي كلش من قعدت النوم كاني عيوز مساكين اليهال اقعدهم واني اهدر حتى زوجي ما سلم مني ولا لما جه يطلع اقول اليه اسمع اني ما ابغيك تتصل ولا ابغي اسمع صوتك وهو يضحك بس حسيت بتأنيب الضمير بعدين بتصل اليه ادلعه اشوي

اقول وين توزيعاتش يالرزيله ما بنقول نبغي شي بس حطي الصور

بروح اشوف الصفحات

[شمس الصباح]

اقوووووول بنات اني عندي صورة الي سدادة عنق الرحم اذا تبغون بحطها ليكم بس تلوووووع الجبد

علشان تستفيدون وللعلم اني برغم اني ولدت مرتين ولا مرة شفت متى نزلت مني

فلونة طمنينا شنو قالو ليش في الموعد

بنوته اني اعرف اسوي كروشيه بس خايبة مع ان زوجي كل يقول سوي الي بنتش شي قبل لا تجي بس اعتقد افضل شي اني اسوي اليها كحفيه ولفاف وهي عمرها سنة علشان تكشخ ابها الحين صغيرة واعرف اذا سويت اليها شرشف ما بستخدمه اذا جهزتين شرشف حطي الصور راوينا ابداع بنوته

[شمس الصباح]

ما حد دخل من دشيت اني الكل نايم

المهم عندي مشكله قلت بكتب موضوع بس تراجعت قلت خلني اشوف خواتي يقدرون يفيدوني

مشكلتي الله يسلمكم هي ان ولدي الصغير ما يعرف يعني شنو الرضاعه الطبيعية ولما حاولت اقول اليه انه الطفل الصغير يشرب حليب من عنده امه صدمني بصراحة رد وقال يعني ماما يشرب حليب من بطنش اني اهني انخرست وش اقوووول واخاف اقول اليه يقول يؤؤؤؤؤؤ عيب ماما
قال زوجي هو بيقول بيفهم ولده قلت مو مشكله بس اشلون بتقول اليه قال ......قبل لا اقول لاحد يضحك هداني قلت لاحد يضحك قاااااااااال: بقول اليه شفت البقره اني اهني طلعت اعيوني مثل الرسوم المتحركة وقلت اليه ما ابغيك تفهم احد ولا يخصك يعني اني بقرة هااااااااااااه

يالله اشلون افهمه بسرعه رد قبل لا اولد

[rose soul]

سلامي عليكم
انا امس رحت جيكت دمي ارتفع شوي صار 8,5 بدون حبوب ولا هم يحزنون
بداوم على النظام الغذائي اللي سويته وبكثف بعد ههه علشان يرتفع ازيد بمرتين
ابي اوصله الى 10 قبل لا ادش التاسع

ههههههههههه شمس ضحكتيني..اي ما لكم الا تقولون له نفس البقره هههههههههههههه

يلا انا استودعكم اجوفكم بالليل بروح بيت عمي الحين اتغدى

[حروف عاشقة]

المشاركة الأصلية كتبت بواسطة حنين للماضي

حروووووووووووووووف حبيبتي وحشتيني
شخبار الكتاكيت خاطري اشيلهم واحضنهم
الله يخليهم ليش
تحملي فيهم الجو شوي بارد لا تطلعين فيهم احسن

هلا هلا بأم ميسمي حبيبتي والله انتي بعد وحشتيني اكثر
الكتاكيت بخير الحمد الله يسألون عن ميسمي متى بيطلع يلعب وياهم .. وإن شاء قريب نسمع خبر ولادتش وتشيلين ميسمي في حضنش وتبوسين فيه لين ما تشبعين ..


والله يا خيوتي ما اطلع الحين كلش وكل سوالف الحيطه والحذر نسويها عشانهم بس الحمد الله بعد مرضوا يالله فترة وبتعدي إن شاء الله صحة وعافية لازم نستحمل ..

إلا تعااالي يقولون رايحة دورة مكياج حركاااات عجل ما بنروح صالونات مني مناك بنجي ليش تمكيجينا خخخخ ،، تحملي بروحش وبميسمي ..

شمووووس يا خلف جبدي انتين ويش فيش معصبة من صباحة الله يالله استحملي خيوتي ما باقي شي وتشرف ملووكة وبتنسين كل هل التعب ..

وسالفه الرضاعة خليها تمر طبيعية وبيتفهما ولدش عادي حالتش مثل حالتش قعدت ابي افهم ولدي عشان يتقبل الوضع ما عرفت ويش اقول ليه خبصت وياه تخبيص بس إلا صدمني كلام زوجش مثل كلام ابو الشباب طلع تفكير لرجال مثل الشي في سالفه الرضاعة يقهرووون يشبهونا بالبقر يبه لينا نرد اعتبارنا مصدقين روحهم ..

يعني بالعربي خلي الامر طبيعي وهو بيفهم بروحة انه الياهل الصغير لازم يرضع من امه الحليب وتالي بتشوفين الاسئلة العجيبة إلي بيسألش اياها ادا شرفت ملوك بعد .. شلون ياكلون وليش ايدهم صغيرة وبوزهم صغير خخخخ اني علاوي الله يخلية كل شي سأل وتعالي برزي ليه بس الاجوبه الفنتاستيكية ..

ويش سالفه السداده خليها خلينا نشوف ومنكم نستفيد ..