ديوانية البحرين - دردشة حوامل البحرين - البحرينيات

[حنين للماضي]

نوع اللي انقهرت شوي
عبالي اليوم بدخل التاسع طلع للحين مادشيت
يلا ننتظر وش ورانه
فديته هالمرعوص اني والله

ماادري شلون بس من احمل ولد اختي واحطه على رجولي يقوم الله هداه يرفس
قبل يومين عبود حصل له رفسه على ظهره بسبة نقزات ولدي
حتى اختي تقول هاي للحين ماجه ويغار

[بروفكشن]

الله يشقيهاااا ان شاء الله ياااااارب

[بروفكشن]

اي خليه يغااااااار يحقله

[om khalil]

سلاااااااااااااام ياحلوااااااااااات
شخباركم وشخبار دباديبكم يارب تتيسر اموركم جميع ان شاءالله
هالفترة كله الام بظهري ماظن ارجع من الشغل على طول وينك يالسرير اظل منسدحه لا ليي ولا عليي نمت ولا بطلت عيوني اراقب البانكه ويش اسوي الحمدلله على كل حال

طفلي وايد اشتقتلش ولوسواسش بعد ههههههههههه
انشغلت بالدنيا واليهال والشغل الله يشغلنا بطاعته يارب بطل عليكم اوقات ثانيه ان شاءالله ولا تنسونا من الدعاء

[فلونة]

مرحباا بطاات

شخبارركم؟؟؟

حنوون.. مبروك دشيتي التاسع فتوت وياج بعد،، يلا برزي روحج حق النونو وخلصي اموورج كلها والله يسهل عليج

احلام ام،، ان شاء الله خير .. بس وينج ما طمنتينا ؟؟
الخبر وايد زعلنا

ام خليل ,, قطعتينا مرة وحدة .. احنا نعتب على فجورة ما ادش تخبرنا عن امورها وانتي توج ما دشيتي شهورج الاخيرة ومختفية.. ماعليج شر حبوبة
ويازعم اذا ولدتي بتقولين لنا شنو فيج ها .. ما بنجوف الا غبااررج
يلا اعترفي شنو فيج لا ازنطج

شمووس ،، شخبار ملووكة ومتى ناوية تطلع في الدنيا .. عاجبها الوضع في بطنج ها
انتي من وين خذيتي العطر مالج حق التوزيعات وبجم؟؟
انا سألت حرووف عن توزيعاتها لانه خاطري اسوي توزيعات الي بيشرفناا عطوور وللحين ماخذيت شي :S

رووز،، انتي مسوية مفرش بنتج وردي فيه دبدوب صغير .. البارحة جفت في حب الطفل مفرش عجبني وردي فيه ويه دبدوب والاشياء الي عنده وايد حلوووة ،، سويتي توزيعاتج ؟

طفلوو جنها خفاش ادش نص الليل والصبح راقدة ياربي لا تبلانا

[حبيبة حسوني]

هاااااااااااااااااي بنات شخباركم وحشتوني
مبرووووووك حنون دخلتني التاسع عقبالي

[شمس الصباح]

سلاااااااااااااام

حنووووووون
مبروك دخولك التاسع واهلا بك في عالم الثقل والسهر الحين في التاسع بتطلع اعيونش من التعب خخخخخخخخخ

ام خليل
يالكريهة ليش تغطين هااااااااااااااه دخلي كل يوم بس سلااااااام على الأقل يا ام دبه

فلونة
والله ويش اقول ليش هذة ملوكه مو راضيه تطلع امبارح جاني الم ظهرقصفني من قصفا قلت خلااااااااص بتشرف ملاك ورحت تسبحت وقلت بنام علشان ما احط تفكيري مع الالم ونمت ديك النومة العدله قعدت الصبح ما في شي واكي دبتي نازله على تحت كل ما اطالعها اضحك على روحي شكلها بتطلع ملاكي السنة الجديده الله يسهل علينا بكرة عندي موعد في الرعايه بشوف شنو يقولون لي

اي على طاري العطور انتين قلتين بتروحين السعودية اخذيهم من اهناك وااااااايد رخيص اني في البحرين لما رحت سيد جنيد وبالواسطة قال لي 150 دينار بس خمسين حبه من جدي خذيتهم من السعودية وعلى فكرة بالسعوديه يقول ليش تبغين كم حبه وبكم علشان يركز ليش العطر وكل ما زاد المبلغ تزيد تركيزة العطر اني خذيتهم من اهناك واايد رخيص

[فلونة]

هلا شمووس .. يلا هانت استحملتي الوايد بقى الشوي ..ولين الله كتب لها بتجوف الدنياا
... من وين في السعودية خذيتيهم ،، وبجم الحبة او بالكمية حسب لج؟؟

[om khalil]

فلوونه وشموسه
فجوره للحين غاطه؟؟؟؟ ترى ودي ارجع للصفحات السابقة بس مايمديني بس ادري من كبرت دبتي تكبرت عليكم خخخخ

وطفلي صح مالقى اوقات مشاركاتها الا آخر الليل وتقول لينا وين تغطون كله تخلوني بروحي ههههههه

من فترة طلعت اغراض ولادي شباحات ومنه لاخره والحمدلله فرزتهم كلهم وكلهم تقريبا كانهم جدد،، بس عن خاطري باخذ لي جم لبسه. وبفصل فراش اذا الله أراد او اخلي اختي تتصرف ماليي خلق..

اقول فكروا لي اسم بنية حليو :p

[rose soul]

هلووووووو
انا من ادش ماكو احد
ولين مادش التجمع شحليلاته..بطيتو جبدي هههههههههههه
حنون..الله يشفيه..شفي ولدها؟سلمي على اختج.. ما تستاهل فديتها
..
فلونة..لا انا رسمت رسمة بنوتة وخليتهم يطرزون مثلها خبرج احب التميز ههههههههه
وسويته الفراش اوف وايت مع فوشي والتفصيل على ذوقي
اي حتى الجاهز عندهم حلوين..بالنسبة لتوزيعات..لحين..ناوية اروح الفخار يقولون يسون اشيه حلوة
وانتي شبقى عليج؟؟
انا احس صرت ثقيلة عدل ..اتوقع زدت 11 كيلو..انتي جم زدتي؟؟ خخخ
ومن اتعب اتنفس بصعوبة..و على اقل شي اتعب
انا برب بقعد مع بيتنا