تجمع حوامل المدينة المنورة

[الورد المديني]

انا في المدينه ياعسل
ولازم تكوني عند امك وقت الولاده مافي زي الام الله يسهلنا امورنا ياااارب

[سيناتورة]

امين ياقلبي
الله يستر لاني مره خايفه طفشت زوجي كل بعد شوي اقوله انا حاسه بالم
بس ان شاء الله نهاية التامن انزل المدينه

[الورد المديني]

طيب اذا جيتي المدينه حتروحي اي مستشفي عند اي دكتورة ناويه تولدي؟

[سيناتورة]

الى الان محتاره ما بين المواساه والالماني

[الورد المديني]

سوي الخيره وادعي ربي يخترلك اللي فيه الخير لك ولطفلك والله يقومك بالسلامه وتطمنينا على نفسك بعد الولاده
انا حولد ان الله اراد في الدار الجديد عند دكتوره هناء فوزي رمتنى الاقدار عليها وان شا الله خيره من ربنا مع انى مااعرفها ولا اعرف احد هناك لكن التسهيل من عند ربنا

وان شا الله ارجع واحكيكم قصه ولادتى في حمودي وياارب اطمنكم واشجعكم وتكون ولاده سهله واقوم بالسلامه انا وكل من قال امييييييييييييين ياااارب


يلا حبوبه انا بديت احول اروح انام شوي لوقت رجوعهم من المدراس عشان نتغدى سوا
سلميلي على النونو :)
في امان الله

[دف القمر]

السلام عليكم بنات المدينه
والله وحشتوني
كيفكم
راما
حبيبتي ارتاحي وانتبهي لنفسك وماتشوفي شر ياعسل
سيناتورة
والله وحشتينيييييييي
فين الغيبه
حلا المدينه
كمان لك وحشه ياعسسسسسل
بس
ام مااهر
اخبارها وحشتنا ماشوفت لها ردوووود
وتوتاا
وييييييينك ياعسسسسسسسل اختفيتي
والله مع اجازة المدارس والعيد
تعبنا بس يالله جات المدارس بس بنتي مزكمه الله يعافيه ياررررب
بنات
((لازم اراجع عند الدكتورة كل شهر ؟؟؟؟
طيب الدكتورة ماتطلب مني تحاليل المفروض انا اطلب والله كيف
وايش هيا ابرة قزاز انا مااعطوني اياها لا في حملي الاول ولا التاني
ايش فايدتها ؟؟؟؟؟))

[لمـار]

السلام عليكم
كيفكم يا كروشات
هذي اول مشارك لي واول حمل الله يثبته ويهون الولاده

ابغى اتابع عند دكتوره بالمواساه وماجده ومنال مو فيه
اللي فيه هند .. وغاده .. تنصحوني عند مين اراجع واتابع حملي ..؟؟

[ولا أحلى]

السلام عليكم

واخيراا في كروشات من المدينه

كيفكم ياحلوين

انا جديده بالمنتدى وكمان اول حمل لي ومره خايفه ومتوتره ماادري اخاف مايكمل حملي << مره موسوسه

وبراجع عند غاده ماادري كيف تنصحووو فيهاا ولا لا لاني توي في بداية حملي

[توتاn]

المشاركة الأصلية كتبت بواسطة لمـار

السلام عليكم
كيفكم يا كروشات
هذي اول مشارك لي واول حمل الله يثبته ويهون الولاده

ابغى اتابع عند دكتوره بالمواساه وماجده ومنال مو فيه
اللي فيه هند .. وغاده .. تنصحوني عند مين اراجع واتابع حملي ..؟؟

اول شئ وحشتوني بقوووووووه
اخبارك واخبار البيبي اللي متعب الكل

تاني شئ انا ما احد مدحلي غااده لا كن هند اول مرره اسمع فيها

[سيناتورة]

السلام عليكم
كيفكم بنات في احد