قولي كل اللي بخاطرك هنا تفضلي..

[لوووورا]

الله يهونها عليكم بنات الحمد الله ترى سهله بس انت قولي اللهم لاسهل الاجعلته سهلا وانت اذا شئت جعلت الحزن سهله الله يفرج كربتنا ويسهل ولادتنا

[ام البدرين]

ماشاء الله تبارك الله ربي يخليها لك روز ويرزقك برها اللهم امين
واله كلامك كله صحيح وبمكانه كلنا كنا خايفين بس اول ما يطلع البيبي ننسى كل شي
ربي يسعدك على المداخله الحلوه ياقمر

[ام البدرين]

صدفه عمر والله عين العقل كلامك درر الله يجزا والدينا الجنه
لو نقارن انفسنا بامهاتنا قبل حنا بنعمه لازم نحمد الله عليها بكل ثانيه
ربي يهون ويسهل علينا ويرزقنا العطاء الصالح السليم المعافى ويرزق كل المحرومين اللهم امين

[ام البدرين]

الله يسهل عالجميع يالورا
ربي يسعدك

[•.ღ˚نور˚ღ.*•]

بنات ,, اي شي جديد طبيعي راح نخاف منه
بس السؤال هنا ,, يعني امك ماخافت من تجربة الحمل قبلك؟؟ ماخافت من الولادة؟؟ ماخافت من الزواج والجماع اول مرة؟؟؟؟؟؟؟
طيب كلهم خافوا.. بس بطلوا بعدها من هالشي؟؟؟؟؟؟؟؟؟؟؟؟؟؟؟؟ تبين تقنعيني ان امك ماعندها الا انتي والفرق بينكم ياالعيال بالخمس سنين واكثر كله خووف من تجربة الولادة الاولى؟؟
بالعكس تكرر الشي وصار روتين بالحياة,, هذي سنة الحياة,, كلنا اناث ونعومات وحساسات وربي هيئنا لكل اللي سبق وذكرته.. واللي متخوفة ومسوية منه فيلم رعب ليش تزوجتي اساسا وانتي عارفة ايش معنى زواج؟؟؟؟؟؟؟؟؟؟؟؟؟
اذا على رقة ونعومة وحنان كل وحده بتقول مافيه ارق وانعم واحن من قلبي.. بس هالشي مامنعها تحمل وتولد وتتالم ( وااكد ان الالم بحدود)
وياااللي عشتي بعد تجربة الدورة الشهرية وليلة الدخلة
راح تعيشين وتولدين وبتكررينها بوقت قياسي وهذا وجهي (^_^) خخخخخخ
على فكرة انا بكرية ومالي تجارب سابقة لا بحمل ولا ولادة بس اعرف لا مو اعرف الا مؤمنة ومتيقنة ان ربي الطف وارحم فيني من نفسي والحمد لله على نعمه وفضله وعطاياه..
احمدوا الله على هالنعمة اللي انحرم منها غيركم ووقتها صدقوني راح يكون اخر همكم الم الولادة

[ام البدرين]

ماشاء الله عليك يانور ربي يسعدك على هالكلام الاكثر من رائع بالفعل كلامك مثل الذهب انا قبل لا اولد ببكري ضيعت وقتي بالخوف والاسئله اللي مالها داعي
وضايقت على نفسي وعلى زوجي
وامي مسكينه بعيده عني وكل ما اتصل فيها اقعد ابكي ونكدت عليها
بس ربي سهلها وولدت وكنت لحالي وحسيت اني شجاعه وقويه
والله يابنات تحسون انكم مو لحالكم
والله كنت احس ان ربي معي بكل خطوه تخيلو على كثر خوفي اول ما نزلت المويه جتني شجاعه غريبه وقعدت لحالي بالبيت
ما حسيت بالخوف اللي كنت احسه قبل ابدا
ولا بكيت ولا اي شي
سبحانك ربي ما الطفك
وبعدها رحت وربي سهلها اكثر واكثر وولدت واول ما شفت النونو قعدت اتابعه بنظري وانا احمد الله واشكره بصوت عالي
اللهم لك الحمدوالشكر
اللهم لك الحمدوالشكر
اللهم لك الحمدوالشكر

[سمسمه عمرو]

آآآآآآآآآآآآآآآآآآآآه يا بنات والله خففتوا عنا التفكير كتير
انا امس كنت بسوى سونار وسألت الدكتور اللى بيسوى السونار عن رغبتى فى الولادة القيصريه
والله يا بنات ثم والله ريحنى بكلماته كتييير وشال من راسى فكرة القيصريه تماما
تعرفون اكتر شىء خلانى ارجع فى كلامى
انه قال مثل ما قلتو انه وقت الولادة بيعطوكى ابرة بنج وما بتحسى لا بتوسيع ولا بخياطه ولا اى اشى
واهم من كل هذااااااااااااااااااااااااااااااا
ان الطفل اللى بيولد طبيعى بنسبه 80% لا يحتاج لا حضانه ولا اسعافات ولا شىء لان سبحان الله وهو ببطننا بيكون جسمه ممتلىء بالمى حتى الرئتين ووقت الولادة الطبيعيه وضغط الرحم عليه تخرج كل الماى وبيتنفس عادى بعد الولادة
لكن القيصرى ممكن تحدث له مشكلات بسبب الميه الموجودة بجسمه لانه ما بيتعرض لضغط بوقت الولادة
سبحاااااااااااااان الله
ربى يسهل ولادتنا وولادة كل المسلمين اللهم آمين

[ام البدرين]

الله يطمن قلبك يا سمسمه ويهون ويسهل علينا اللهم امين

[•.ღ˚نور˚ღ.*•]

الله ينور عليك حبيبتي سمسمه
ام البدرين ياقلبي ,, والله كثير امور فيني تغيرت بمجرد ماحملت وعرفت ايش احساس الامومة واليوم الحمد لله رغم اني تعبانة الا اني احس صدري منشرح ومرتاحة,, الحمد لله ومتحمسة اشوف البيبي لدرجة اتصلت ع امي وبابا وقلت لهم اني احبـــــهم كثير والله لايحرمني منهم..
انا حساسة بطبعي وبالجمل صرت حساسة اكثر واقدر نعمة الحياة ونعم الله علي وعلى عباده المسلمين.. يارب لك الحمد والشكر كم ينبغي لجلال وجهك
ياذا الجلال والاكرام..

ع فكرة اراسلكم من جوالي خخخخخخخخخ وبالسيارة
زوجي بيصطرني خخخخخخخخخخ
بس وش اسوي احب جمعتكم ... وربي يتمم علينا اجمعين ع خير..

[ام البدرين]

تدرين نور سبحان الله اول ما الوحده تتزوج وتبتعد عن اهلها تصير حساسه بس لما تحمل ويجيها اول بيبي سبحان الله تصير حسااااسه اكثر واكثر واكثر اضعاف الاضعاف لانها تحس بالمسؤليه وتكبر الامور اللي المفروض تسيطر عليها وتحس نفسها شحنه من العواطف اللي اقل شي ممكن يفجرها والله اذكر اول ما ولدت بس اصيح مافيني شي بس كل ما اشوف البيبي ارحمه بطريقه غريبه تخليني اصييييح ياقلبي عليه
سبحان الله الرحمه غريبه ما تحسينها الا اذا جا البيبي رغم انك ممكن تكون رحمتي اطفال من قبل ويمكن عيال اخوانك واخواتك بس ولدك غيييييييييييييييييير
وسبحان الله تصير تحتاج لامها اكثر (كل ما نكبر ندمر ) هههههههههههه لا بس اتوقع من كثر مانحس بالرحمه نذكرها ونذكر تعبها معنا وسهرها الله يجزا والدينا الجنه
بس احس مع الوقت ومع كبر البيبي وكبر المسؤوليه خلاص تحس نفسها تأقلمت ويجي الثاني والثالث وتكون عايلتها وهذي سنة الحياه