قولي كل اللي بخاطرك هنا تفضلي..
 

بسم الله الرحمن الرحيم
السلام عليكم ورحمة الله وبركاته

اهلين كروشات احيانا احس بملل وخاصه بعد ما وصلت الشهر السابع وودي افضفض بس كلن لاهي بحياته واللي يسمعني مره يكون كثر خيره ولا نقدر نثقل على احد.. طبعا اللهم لك الحمد والشكر هذي نعمه ما نتذمر منها والله ياجرنا عليها بس طبيعي اذا الانسان عموما حس بتعب وارهاق لازم يشتكي وخاصه اذا كان اغلب الاشياء عليه ممنوعه مثل حالنا احنا الحوامل لضمان سلامة الجنين ربي يسهل ويهون علينا ويرزق كل المحرومين اللهم امين ...

طبعا موضوعي هذا هو عباره عن سوالف ادخلي وسولفي وقولي كل اللي بخاطرك فضفضي وخلينا نسولف كنا قاعدين مع بعض بمجلس والحلى والقهوه علي وش تبون بعد تفضلو..

انا ببدا عشان اشجعكم لي يومين والزكام لاعب بي لعبه ولا عارفه وش اسوي اشرب سوائل واكل فواكه بس ما فيه فايده الحين على الله وهالباندول ما انام الا لازم اكل لي حبتين والا ما يجيني النوم انسداد الانف عندي مسبب لي ازمه ربي يعين مادري يابنات هل فيه وحده عندها حل اقدر اسويه عشان ارتاح؟

رد: قولي كل اللي بخاطرك هنا تفضلي..
 

خااااااااااااطري اولد بنص شهر ديسمبر علشان اافتك من التدريب الجامعي ......

رد: قولي كل اللي بخاطرك هنا تفضلي..
 

الله يشفيك ياروحي انا اصلح الزنجبيل الطازج زي الشاي واحليه وتقهوي منه

يطلع حاار مره بس ماعليك اشربي كوب منه والله صخنت وشربته والله كويس

احس حرارته تطلع من اذني ههههه ولازم تكثرينه وتغلينه عشان يطلع طعم

.................................................. ...............................................

والله ياقلبي كل الحوامل النفسيه زفت ووحام وقرف وحاله

انا جاني نزيف قبل يومين وخوفني واللحين توقف بس ماتصدفين قد ايش

انا خايفه للحين حتى بالحركه يدوب امشي واتحرك ومخوفني زياده الجماع

وخايفه اقرب من زوجي ويطلب هههه.

وغير والله ماعندي شي اهلي مارحت لهم بالعيد وطفشانه وانا متعوده

اعيد عندهم وتعبت نفسيتي زياده ولا حسيت بالعيد جاتني خالتي وعيالها

بس يوم وراحو ورجع الطفش .

ولا قدرت اتمشى ولا اطلع عشان الحمل .

رد: قولي كل اللي بخاطرك هنا تفضلي..
 

هلا بك وغلا اختي المشتاقه
انتي مثل بنت اختي عندها اختبارات وكل يوم تحن متى اولد ومتى اولد
الى ما ولدت الحمدلله وجابت احلى بنوته ربي يفرجها عليك ويوفقك

رد: قولي كل اللي بخاطرك هنا تفضلي..
 

زهور فديتك ربي يفرجها عليك مثل ما فرجتي علي بهالوصفه وان شاء الله اجربها
سلامتك يارب ما تشوفين شر الله يعينك يختي اهم شي الراحه ارتاحي وتغذي زين
انا مثلك لما كنت بالثالث كرهت كل شي بيتي زوجي كل شي حولي ما تتصوري
وكنت ابي اسافر لاهلي ومنعني الطبيب وزادت حسرتي حسره وبعد ما كملت الثالث على طوووول زوجي شاف حالتي ما تساعد اني اقعد عنده ههههههههههههه تسفيييير للاهل ههههه
وقعدت لي شهرين عندهم زانت نفسيتي شوي ورجعت
حبيبتي حاولي تخففي جماع بهالفتره قدر الامكان
ربي يعافيك من كل شر وتشوفين احلى قمر بحضنك وانا وخواتي الحوامل اللهم امين ويرزق كل المحرومين

رد: قولي كل اللي بخاطرك هنا تفضلي..
 

السلاااااااااام عليكم

والله يام البدرين وش نقووووول وش نخلي

هواجيس الولاده والبرد

انا باخر التاسع وبخاطري اولد وتتسهل ولادتي

وبخاطري انااااام مثل اووووووول

وبخاطررررررري اغمض عنوني وشوف النونو جنب اخوه بصحه وسلاامه

وبخاااااااطري اشكرك على الموضوع

رد: قولي كل اللي بخاطرك هنا تفضلي..
 

هلا وغلا بك بوح الحمدلله هانت يااختي قربتي خير ان شاء الله ربي يهون ويسهل عليك
ويرزقك العطاء الصالح السليم المعافى وتشوفينه جنب اخوه ويجعلهم بارين فيك اللهم امين

بس النوم انسي ههههههههههه الحين عاد جا وقت السهر الصدقي قوم رضع بدل حفظ غسل والخ الخ الخ ربي يعين يالغلا

رد: قولي كل اللي بخاطرك هنا تفضلي..
 

ام البدرين دائما مواضيعك ممتعه ومفيده ومميزه يعطيك الف عاااافيه
اما بالنسبه للزكام حاولي تشربي عصير برتقال مع ليمون طبيعي باستمرار بإذن الله يخف الزكام
اما انا وضعي صار صعب بدأ الخوف عندي طبعا من بداية الثامن مارحت المستشفى زوجي مسافر ..والحين باقي اسبوع وشوي واخلص الثامن ان شاء الله .. مشكلتي سبق وطرحتها مغص مثل الدوره مخوفني مره اخاف يكون طلق وانا معرف شي ..
الله يسهل علينا يارب

رد: قولي كل اللي بخاطرك هنا تفضلي..
 

غاليتي زهرة البنفسج ربي يسعدك ويوفقك على هالاطراء
حبيبتي لاتخافي الحين البيبي يبدا ياخذ موضعه الطبيعي للولاده
والم الدوره اللي تحسيه طبيعي بشهورك الاخيره اهم شي مافي مويات ولا دم
تطمني ياعمري ربي يتمم حملك على خير باذن الله

رد: قولي كل اللي بخاطرك هنا تفضلي..
 

أنا زكمت وأخذت بنادول كولد أند فلو..الحمدلله ريحتني كثير+فيتامين سي.
سلامتك ماتشوفي شر.

أنا مضايقني موضوع وأحسه قالب هالحمل جحيم.
أنا حامل في السابع..في حملي الأول كنت ما أرفع كاسة الشاي..
زوجي كان مدلعني..حتى الترويش يروشني..في حملي هذا مايسوي شيء
من خاطره..ان قلت له للأمانة مايقول لأ..لكن من خاطره لأ..
حتى لما يتعب ولدي ويحتاج سهر وصحوة مضاد وسخونة ومتابعة أنا اللي أسهر..وأنا اللي أجلس لخاطره بدون مكيف رغم اني مكتومة على طول
(الله يجزاء الأمهات بالجنه)
ما أدري..أحس علي ضغط كبير..محتاجه أحد يضمني ويهديني :(