بنتي المولوده ومرضها

[سمواحساسي]

السلام عليكم ,, لكل الموجودات

كنت متابعاكم طول فترة حملي واستفدت منكم كثير الله يجزاكم الجنه

والحين ولدت ولله الحمد وجبت بنوته وعمرها الحين شهر بس عندي مشكله

بنتي تعبانه من الكحه لها اكثر من ثلاث اسابيع وهي تكح تكح تكح الين تنكتم وتنيل

تقعد2دقيقتين واكثر وهي ماتتنسم من كثر ماتكح

وديتها الطبيب اداها مضاد واستخدمته بس نهااائيا مافاد وديتها عند استشارية اطفال

قالت عندها مشكله بقلبها حولتنا على طبيب القلب في البدايه خفنا لاكن بعدماكشف

عليها الطبيب طمنا وقال قلبها سليم ولله الحمد اعطتها الدكتوره دوا حقت الكحه

وبخاخ للانف وحقت البلغم بس كله الادويه مافادت طلبتكم بعد الله شوفولي حل بنتي

تعبت احس ان ضلوعها تكسرت من كثر ماتكح لا تخذلوني ..

[**سماسم**]

ماتشوف شر إن شاء الله ..
عطيتها يالغاليه يانسون وإن شاء الله تروح عنها الكحه
,,

[miss LV]

الله يشفيها انشاءالله

[مودي]

الله يشفيها ويخليها لك

[عيش الحياة]

اختي دوامي على الادوية اللي اعطوكي هيا المستشفى حسب مدة الدواء ولا تخافي الكحة ما تروح بسرعة تأخذ وقت طويل تقريبا 12 يوم بس خلال هذه الفترة تبدأ تقل شوية شوية الله يشفيها لك يارب

[سمواحساسي]

مسماسم , misslv . مودي , الله يجزاكم الجنه
عيش الحياه ,,اعطيناها الادويه وخلصت مدتها وباقي ماصر اي تحسن
الله يعطيك الصحه والعافيه ع النصيحه

[عذب الجوارح]

السلام عليكم جميعا
أتذكر لما ولدت صديقتي كان عندولدها نفس الأعراض اللي ذكرتيها وزيادة كان في صوت بصدره وأنفه دايم مسدود راجعت فيه واايد أماكن بالأخير قالوالها إن السبب كان أكلها الآيس كريم والبارد واااايد بحملها وهذا أثر على صدر ولدها نحن بنقول مومعقولة بس كل شي بها الدنيا يصير

[فــــخــــــر]

السلام اختي سمو انا بعطيج وصفه امي تسويها حق اولاد اخوي وهم بالانفاس سويها وباذن الله تعالى انها تصير بخير وعطيني خبر
اختاري بصله صغيره واحفريها زي ماتحفري المحشي وجيبي ملعقة شاي سكر وحطيها بقلب البصله وسكري عليها لثاني يوم راح يصيرنفس السائل اخذي من السائل هذا وعطيها ع الريق الصبح ملعقه صغيره والظهر وبليل باذن الله راح تدعيلي وادعي لوالدتي راح يشيلها من صدرها مره الوحده الكحه واذا ففي بلغم ولاتنسينا من الدعاء ورديلي خبر شنو يصير معاج

[زهره الرمان]

زي بنت اختي قالها الدكتور عاادي بس رضعيها وكثفي رضااعتها بس طبيعي وهي تتحسن

[جولييت]

الله يشفيها ويعطيها العافيه

وحده خببرتني ان تعطي اطفالها مره منقوع في ماي للكحه وبسرعه تزول عنهم الكحه ..وحبوب الحلوه اذا تعرفينه اغليه في ماي وعطيها تشرب شوي من الماي يروح الكحه والغازات..جربي وان شاء الله تستفيد بنتك