دردشة حوامل مصر - دردشة بنات مصر - تجمع حوامل مصر

dr.princess · 10-28-2010, 03:01 AM

وانتى من اهله جوجو
هستناكى بكرة ان شاء الله

رنا خالد · 10-28-2010, 03:05 AM

طريقة المكرونه بالباشميل
هانسلق المكرونه عادي تلت تربع سوي عشان هاتكمل سواها في الفرن
واللحمه المفرومه بنشوحها علي النار مع بصلايا ومعلقة سمن مع طماطمايا متقطعه مكعبات صغننه وارن فلفل حامي وكوباية مايه وشوية ملح لحد ماتستوي
نيجي بقي للباشميل :
بحط 3 معالق دقيق مع 3 معالق سمن علي النار
وبقلبهم علي النار لحد مايبقي الدقيق لونه ذهبي وبعدين انزل عليهم بكوبايتين لبن ومرقة دجاج واقلبهم علي النار كويس لحد مايبقي القوام متماسك
وبعد ماتبرد الباشميل بكسر عليها بيضه وشوية فلفل اسود
بجيب طبف الفويل او الصينيه بدهنها سمنه وبعدين بحط نص كمية الباشميل علي كل المكرونه واقلبها كويس واحط شوية مكرونه في الصينيه وعليهم شوية اللحمه المفرومه مع شويه جبن رومي مبشور
وبعد كده بحط باقي المكرونه وعليها شوية رومي مبشور تاني وانزل بباقي الباشميل اللي عندي
وبكسر بيضايا وبحط عليها معلقة صلصه وبدهن بيها وش الصينيه علشان يطلع الوش مشدود ولونه محمر
وبعدين بدخلها الفرن علي درجه حراره 200
بتطلع حلوه اوي والرومي المبشور بيمط فيها وبيخلي طعمها وريحتها جنان
وبألف هنا وشفا
وأي خدعه

dr.princess · 10-28-2010, 03:12 AM

رنا
تقريبا نفس الطريقة اللى بتعملها ماما وانا اتعلمتها منها
بس مش بحط فيها اى بيض خالص علشان الريحة وكده فبكتفى بس انى ابشر جبنة على الوش بس عمرى ما حطيت على وشها صلصة لانها كده كده بتعطى لون على الجبنة
وفعلا فعلا زى ما انتى قلتى بتطلع طعمها راااااااااائع
بس انا مرة جربت انى احط مرقة على البشاميل بصراحة طعمها معجبنيش وكمان لونه بيغمق فرجعت اعمله من غيرها زى ما ماما كانت بتعملها بيطلع اطعم ولونة ابيض جميل

رنا خالد · 10-28-2010, 03:18 AM

انتي شكلك يابرنسس شاطره في المطبخ واكلك حلو
يابخت جوزك
اقولك تصبحي علي خير لحسن عيني بتقفل لوحدها
واشوفك بكره ان شاء الله ياجميل

dr.princess · 10-28-2010, 03:21 AM

رنا
ههههههههههه لالا مش شاطرة ولا حاجة انا لسه بتعلم
بس ما شاء الله ماما طبخها رهيييييييييييب فاى حاجة بسألها عليها وبتعلم منها

وانتى من اهله حبيبتى ونشوفك بكرة ان شاء الله