الحمد لله الذي بنعمه تتم الصالحات
بعد عناء من مرض تكيسات المبايض ربي رزقني بالحمل
حابة اكتبلكم قصتي بالرغم من انها طويلة الا انو الها فايدة للي فقد الامل
انا عندي طفلين الاول طبيعي الحمد لله مافي مشاكل دغري حملت فيه والتاني طلعلي كيس مية كبير مابعرف شو السبب واعملت منظار ورفعتو والحمد لله حملت بعدها على طول واخدت حبوب منع الحمل بعدو لمدة سنتين وعند مافكرت بالحمل ورفعت المانع صارت تتاخر الدورة رحت بعد 4 شهور اكتشفت عندي تكيسات بسيطة عالمبيض وكان lh7 كان تقريبا مناسب مع الfsh بعد 7 شهور اخدت منظم دورة قبل مااخد كلوميد عاساس اتروح التكيسات واخدت جلوكوفاج الا اني اتفاجأت بانو التكيسات زادت وكتير وصل lhالى 13 ومن هنا بديت اخد منشطات بديت بلكلوميد حبتين ورحت اراجع باليوم ال10من الدورة انصدمت بانو حجم البويضات اقل من 7ملي يعني ماجاب نتيجة ابدا وزدتلي الدكتورة الجرعة ل3 حبات ووقف حجم البويض ل15 وبالشهر التالت بديت ابر اخدت 9 ابر ووقفت البويضة ع 16 للعلم بهالشهور كنت مداومة عالجلوكوفاج طبعا بديت الابر لما طبقت السنة من المحاولات الفاشلة وكنت اشرب بردقوش المهم الشهر الرابع من المنشطات الدكتورة بدها اتغيرلي الابر من فوستيمون لنوع تاني انسيت اسمو قلتلها مابدي ابر اتعبت وغير التكاليف فكنت باحثة بالنت عن حبوب فيمارا وانو اقوى من الكلوميد قلت اجربو هالشهر اخر مرة فعملت حجامة لبطني وضهري لمدة 3 ايام وعملت خلطة عالريق بردقوش مع مرامية وبعد العصر زنجبيل وينسون قرات انهم منشطات طبيعية للمبايض داومت عليهم ليوم 11 من الدورة كان معادي اعمل صورة اليوم العاشر من الدورة بس مارضيت اروح قلت ااخرها شوي مابدي احبط ازا الابر ماجابت مفعول معي لحبوب معقول اتكبرهم المهم رحت يوم 12 وكانت المفاجأة
البويضة حجمها 23 وتقلي الدكتورة ممتازة خدي ابرة تفجير بنفس اليوم للعلم انا بالشهر اللي اخدت فيه ابر منشطة ووقفت ع 16 البويضة اخدت ابرة تفجير 10000 بس هاي المرة قوتها 5000 وصار الجماع بعد 15 ساعة وبعدين كل 24ساعة مرة بالتوقيت فحصت بول باليوم العاشر طلعلي خطين باول دقايق خط خفيف وخط غامق حكيت اكيد هادا من اثر الابرة وباليوم ال13 عملت كمان فحص والحمد لله طلع خطين والخط التاني بدا يغمق ماصدقت وسرت ابي وحمدت الله رحت عالنت ابو الاحباط عرفت انو ممكن يكون برضو مفعول الابرة فرجعت حللت بيوم 14 وطلع ايجابي وب14 ايجابي وب15 حللت دم والحمد لله طلع حمل
مع انو عندي اطفال الحمد لله بس ياالله كم كانت فرحتي يارب ماتحرم حد من هاي الفرحة بصراحة ماتوقعت احمل وبديت اوزع ملابس اولادي لاني سمعت انو اللي عندها تكيسات بتاخر الحمل كتير بس الحمد لله بعد سنة و4 شهور تم الحمل مع انو في دكتورة احبطتني يوم ماقالت مبايضي سميكة ومابتستجيب للعلاج بس سبحان الله كل شئ بيد الله نسيت احكيلكم كنت دايما ادعي اقرأ سورة البقرة كاملة سارلي 3 شهور بقرأها