نزول ماء الجنين بالاسبوع 24 وماعندي أعراض الولادة

[هبة من الله]

نزول ماء الجنين بالاسبوع 24 وماعندي أعراض الولادة
نزول ماء الجنين بالاسبوع 24 وماعندي أعراض الولادة


السلام عليكم ورحمه الله وبركاته
عزيزاتي الحوامل انا قصتي انو نزلت ماء الجنين كلها بالاسبوع 24 ودخلت المستشفى 5 ايام كانت الدكتورة متوقعة ولادة بس ما صار عندي طلق ولا اي عوارض للولادة اعطوني ابرة الرئه والمضاد الحيوي وادوية بالوريد على امل تزيد مياه الحنين بس للاسف ما زادت كانت 4 ل 5 سم فقط ...
خرجت من المستشفى مع الراحة التامة واجلكم الله بس للحمام وللوضوء فقط وراجعت بعد اسبوع كانت الميه نالة اكتر وصلت 2 ل 3 سم ....
الدكتورة من الاساس قالت انو ما رح تولدني الا ازا اجاني الطلق لحالو او ازا صار عندي اللتهاب او تسمم حمل ....
انا هلا صرت بالاسبوع 27 يعني اول اكم يوم بالسابع بس للاسف شبه اختفت مياه الجنين .... و ولادة ما رح تولدني لانو حجم الجنين صغير و وزنو صغير والمستشفى قال انو لازم يضل بالرحم ...
شربت ماء زمزم وعسل و في وحدة من المنتدي قرات انها بتحط عسل سدر اصلي مع زنجبيل على السرة بالليل وملتزمة بقرا قران وسورة يس والبقرة والمعوذات والرقية الشرعية ....
انا مش خايفة على حالي انا خايفة على ابني لا سمح الله يولد وعندو مشاكل بالاطراف او عندو اي اشي يكون غير طبيعي ....
الله يخليكم الاي تعرف اشي متل حالتي و ولدت والجنين ما كان مريض او ما عندو مشاكل تطمني وتهدي بالي طووول النهار والليل ببكي ومش هادي بالي ابني شاغل بالي كنير ....
والله يخليكم ويحفظلكم اولادكم واجنتكم يا رب تدعولي من قلبكم الله يرزقني طفل سليم بدون زيادة او نقصان ....

[هبة من الله]

ردوا علي 😔😔😔 والله ما حدا فايدني باشي لا دكاترة ولا ناس بعرفهم يعني الدكاترة بطمنوش وبخوفوني وما حدا بعرفو مر بهيك تجربة اي حدا بعرف اي اشي عن الموضوع يحكيه ... والله يسر للجميع حمله يا رب

[فراشة فلسطين]

الله يطمن بالك وقلبك ..ان شاء الله خير
حاولي تشوفي اكتر من دكتوره ليشخصه حالتك
وشرب ماء زمزم انا بعرف للولاده
اما بدك تزيدي ماء الجنين عليكي بشرب الماء العادي
وخدي عسل وادويتك يلي بتوصفلك اياها دكتورتك بس لازم تابعي وادعي ربنا ووكلي امرك اليه ..ان شاء الله بتممي اشهرك ع خير

[jojo 123456]

ربي يرزقك طفل سلييييييييييييم معافى ياااااااااااااارب وكلي امرك لله وان شااء الله كل شي تمام

[هبة من الله]

فراسة فلسطين و جوجو يسلمو ويجزيكم الخير على الرد والله يسعدكم و يوفقكم 😊😊😊
وبعد ازن المنتدى بما انو ما في كتير تجارب متل هاي الحاله بحثت على الفيس بوك وكان في صفحة بس متخصصة بالحالات اللي بينزل ماء الجنين خلال اشهر الحمل بدون ولادة وكتيييير بترفع المعنويات لانو كلها تجارب ناجحة باذن الله وانا حبيت افيد غيري يلي بدخل يشوف الموضوع واطمنهم متل ما رفعت معنوياتي بشكل كبير كتير
https://www.facebook.com/ppromsurvivalstoriesofhope/

[jojo 123456]

لا تنسي طمنينا عن جديدك

[هبة من الله]

المشاركة الأصلية كتبت بواسطة jojo 123456

لا تنسي طمنينا عن جديدك

اكيييد رح احكيلكم كل جديد عشان برضو غيري يستفيد 😊😊

[هبة من الله]

حبيت اررجع اكمل اللي صار معي .... صار معي اللي حكيت عنو بتاريخ 18/9/2017 كان نهاية الشهر الخامس وكان قضاء وقدر .... ضليت من دكتور لدمتور واسال وارن عدكاترة برا على امل حدا يطمني بس للاسف كان الكل نفس الجواب ... ازا طلع الطفل سلين عقليا ما رح يكون سليم جسديا .. احتمال يكون عندو تاخر نمو واحتمال يكون عندو ضمور باطرافو او التصاقات ... فكانت النفسية اسوء ما يكون لدرجة تمنيت ربنا يخترلنا الاحسن لاني مستعدة احط ابني بعيوني بس احنا بمجتمع ما برحم حدا فكان قلبي بوجعني عابني ... بعد اكتر من شهر صار معي انفلونزا خنازير الله يبعدها عن الجميع وانحطيت بعزل بالمستشغى فزاد الحمد لله البلاء وكان ممنوع حدا يدخل الا ازا لابس ومتحصن منيح وبس يطلعو بعقمو حالهم فكنت ما احب يجي عندي جوزي عشان ابني التاني بالرغم من هيك ضل واقف جمبي .... المهم بعد اصابتي بهاي الانفلونزا ضليت مقيمة بالمستشفى شهر كمان فصرت بالشهر ااسابع صار ينزل علي دم كان وزن الجنين 1100 غم فدخلوني عمليه وولدوني مباشرة واول ما سمعت صوتو بكي قلبي كانو جمرةة نار وطفت مرة وحدة حكتلي الدكتور ما في ولا نقطة مي على الجنين وعلى طول اعطتو لدكتور الاطفال اللي مباشرة نقلو لغرفة العناية المركزة بالخدج وطبعا خفت اسال عنو اي سؤال للدكتورة اللي لحالها حكتلي الحمد لله عسلامتو وسلامتك وخلصتني وطلعت وطبعا منعوني ادخل عندو مدة اسبوع كامل عشان الانفلونزة بس سالت ابوه عنو حكالي انو الحمد لله كويس بس برضو ضليت خايفة انو بحكي هيك يطمني مش اكتر لا سمحولي ورحت عندو كان نازل ل 800 غم بس الحمد لله بصحة كاملة وسليم معافى ... وهيو اليومزصار غمرو 8 شهور الحمد لله يا رب والشكر لك على نعمم وفضلك علينا ... حبيت اكمل اللي صار معي واطمن الاي متل حالاتي ما تخاوفو و توكلو على ربنا 😍😍😍😍

[فراشة فلسطين]

المشاركة الأصلية كتبت بواسطة هبة من الله

حبيت اررجع اكمل اللي صار معي .... صار معي اللي حكيت عنو بتاريخ 18/9/2017 كان نهاية الشهر الخامس وكان قضاء وقدر .... ضليت من دكتور لدمتور واسال وارن عدكاترة برا على امل حدا يطمني بس للاسف كان الكل نفس الجواب ... ازا طلع الطفل سلين عقليا ما رح يكون سليم جسديا .. احتمال يكون عندو تاخر نمو واحتمال يكون عندو ضمور باطرافو او التصاقات ... فكانت النفسية اسوء ما يكون لدرجة تمنيت ربنا يخترلنا الاحسن لاني مستعدة احط ابني بعيوني بس احنا بمجتمع ما برحم حدا فكان قلبي بوجعني عابني ... بعد اكتر من شهر صار معي انفلونزا خنازير الله يبعدها عن الجميع وانحطيت بعزل بالمستشغى فزاد الحمد لله البلاء وكان ممنوع حدا يدخل الا ازا لابس ومتحصن منيح وبس يطلعو بعقمو حالهم فكنت ما احب يجي عندي جوزي عشان ابني التاني بالرغم من هيك ضل واقف جمبي .... المهم بعد اصابتي بهاي الانفلونزا ضليت مقيمة بالمستشفى شهر كمان فصرت بالشهر ااسابع صار ينزل علي دم كان وزن الجنين 1100 غم فدخلوني عمليه وولدوني مباشرة واول ما سمعت صوتو بكي قلبي كانو جمرةة نار وطفت مرة وحدة حكتلي الدكتور ما في ولا نقطة مي على الجنين وعلى طول اعطتو لدكتور الاطفال اللي مباشرة نقلو لغرفة العناية المركزة بالخدج وطبعا خفت اسال عنو اي سؤال للدكتورة اللي لحالها حكتلي الحمد لله عسلامتو وسلامتك وخلصتني وطلعت وطبعا منعوني ادخل عندو مدة اسبوع كامل عشان الانفلونزة بس سالت ابوه عنو حكالي انو الحمد لله كويس بس برضو ضليت خايفة انو بحكي هيك يطمني مش اكتر لا سمحولي ورحت عندو كان نازل ل 800 غم بس الحمد لله بصحة كاملة وسليم معافى ... وهيو اليومزصار غمرو 8 شهور الحمد لله يا رب والشكر لك على نعمم وفضلك علينا ... حبيت اكمل اللي صار معي واطمن الاي متل حالاتي ما تخاوفو و توكلو على ربنا 😍😍😍😍

الف الحمدلله ع سلامتك وسلامه ابنك..
كلو قدر ومكتوب ربنا يخليلك اياه وتشوفي عريس ..الحمدلله ربنا كبير وفرح قلبك بنهاية لاجل صبرك

[ياشمس عمري]

الحمد لله على سلامتك والبيبي قصتك خوفتني بس في الاخر ربنا رحيم وربي يحفظلك اولادك.