ولدي يلحقني ويبكي

[أم حمودي وعبودي]

صباح الخير يا بنات

ساعدوني عندي توأم بنت وولد والولد حول حياتي إلى جحيم الله يسلمه ويهديه
من لما يصحى من النوم يبدأ يبكي حتى أحمله وأكون جنبه و لما يلعب كل شوية يجي لعندي بعدها يكمل لعب ولما أروح غرفة ثانية أو المطبخ يلحقني وهو يبكي أما إذا دخلت الحمام يبكي بشكل هستيري كأني بهرب من النافذة أو بتبلعني البلوعة
أحيانا أمسك نفسي لحد ما ينام وإذا ما قدرت دخلت الحمام وتركته يبكي
أخته مسكينة ما أقدر أغير لها ولا أحممها على راحتي معيشنا بقلق
وأخيراً صارت أخته تبكي معاه لما أدخل الحمام لأنه تشوفه دايماً يبكي وخافت
والمشكلة أنه حتى لما يكون أبوه موجود يضل يبكي لحتى أطلع وأحمله
ومن كثر ما اني مضايقة منه أمس تركته يبكي يمكن نص ساعة بدون رحمة ولا شفقة وقلت لأهلي ياخذونه عندهم اسبوع كامل ولا يرجعونه لي ووافقوا بس أنا ما قدرت أتركه
وهذا الوضع صار من لما بدأ يحبي تقريباً كان عمره ثمانية شهور ويكمل سنة الإسبوع الجاي يعني شهور وأنا صابرة وما أدري كيف ما وصلت لمرحلة الجنون

أكيد ولدي ما هو الوحيد عنده هذه المشكلة بس والله تعبت نفسياً وجسدياً أنا حامل وطول الوقت أحمله وطول الوقت بحضني لا أقدر آكل أكل صحي ولا أقدر أرتاح طول ما هو صاحي وياخوفي لما أولد يصير يغار من أخوه وتزداد اللزقة

ساعدوني رحم الله والديكم مو قادرة أتحمل أكثر صار نفسي أضربه بس أدري حرام طفل بريء ولو أنه مزعج بس يبقى طفل

بانتظار حلولكم لمشكلتي وواثقة ما بتخيبوني

[أنوار الولاية]

ههههه عادي وايد اطفال هالنوع

فتره وتعدي إن شاء الله لكن المشكلة انك حامل فهذا الي يزيد التعب عليك

ومستحيل تقدري تصبري تعطيه اهلك اسبوع 😄

الله يحفظهم لك ويتمم حملك على خير بعدين بصيروا كأنهم ثلاثة توائم حلوين الله يحفظهم لكن جنوووون ��

إن شاء الله الي عندهم حل يساعدونك 🌷

[jojo 123456]

الف مبرررررررررروك الحمل ما كنت اعرف الحمد لله ع النعمة اذكري سنين الحرمان ورح تنسي كل لي صاير فيكي

[υм вtℓαα]

الصبر زين أم حسين جزاء الوالدين ع الله وللجنه
التؤام مره متعبين أن صاح واحد صاح الثاني يعني مافي فايده
كلها أن شاءالله فترة وتعدي وبكره يكبرون يخف صياحهم وتربينهم سوا
الله يتمملك بخير يارب ويرزقك برهم

[بحــ العيون ــــــــر]

الله يتمم لك على خيرررررررررريارب ويرزقك برهم وان شاء الله أيام وتعدي
وان شاء الله البنات ماايقصرون معك يا الغلا

[" ملاك "]

مالك الا الصبر الله يعين
بناتي بس يبون احملهم حتى ايدي توجعني من كثر ما آّنـ♥ـْآ حاملتنهم
واحيانا مثلك امسك نفسي عن الحمام عشانهم
حطي لهم العاب ولعبي معهم ولما يلتهي قومي اشوي اشوي

[أم حمودي وعبودي]

ما ينفع يا ملاك أحط لهم ألعاب بس ما بيلتهي كل شوية يجي لعندي ويراقبني حتى لو قمت شوي شوي ينتبه ويترك الي بإيده ويجي لعندي

آخر شي صرت أخليهم في البانيو وأقضي حاجتي هههههه شفتوا كيف حالتي تكسر الخاطر
والحمد لله فيه تحسن شوية صار يسمح لي أروح غرفة النوم أو المطبخ
بس الحمام لا زال ممنوع

[" ملاك "]

ههههههههه آولدي عمره ينتين وماادخل الحمام الا هو معاي ولو هربت عنه يقف عند الباب صياااااح لين اطلع
واذا ابغي اسوي وهو مو معاي اروح اسبحه واخليه يلعب بالماي واطلع
بس يدمرررر الحمام ما يسوى عليه

الله يعطيك العافية والصحة ويسهل عليك

[أم حمودي وعبودي]

خليه يدمر الحمام أهم شي نفسيتك
بصراحة متعبين نفسياً
بس يقولوا هذا النوع من الأطفال يصير حنون على أمه لما يكبر

[" ملاك "]

يا عمري الحنووون
حنون من الحين هوووو علي وعلى خواته
الله يحفظه ����
ويحفظ عيالك وتشوفينهم عروووسات