دردشة حوامل مصر - دردشة بنات مصر - تجمع حوامل مصر

[دودى اشرف]

اهلين اهلين بيكم

[dr.princess]

دودى
انا الحمد لله كويسة
الحمد لله انك رحتى واتطمنتى النهاردة شكلها الدكتورة مكتبتلكيش دواء لالتهاب البول ؟؟؟

معلشى كنت عايزة أسئلك على حاجة
انتى اصلا ايه اللى خلاكى تعملى مزرعة يعنى كنتى بتحسى فى وجع فى جنبك مثلا ولا التهابات مهبلية مثلا حكة افرازات ولا ايه السبب ؟؟
هقولك ليه بسئل اصل لما انا فضلت 4 شهور بعد الجواز ومحملتش ماما قالتلى جايز عندك التهابات فقلتلها لا كنت هحس لو فى حاجة مش طبيعية قالتلى لا عادى ممكن يبقى فى وانتى مش حاسة ومش عارفة الكلام ده صح ولا ايه
فقلت اتأكد من حد خصوصا انتى بتقولى ان الدكتورة قالتلك ان التهابات المهبل كانت بتنزل فى البول ( وكمان انا مش بستعمل الغسول المهبلى ابدا كنت بستعمله مرة واحدة بعد كل دورة ولما حملت معملتوش تانى )
معلشى انا من اول الحمل وانا مش طبيعية بقيت حاسة انى عايزة اقلق وخلاص

[dr.princess]

دودو
الف سلامة عليكى وربنا يعديها على خير باذن الله
والله كنتى على بالى امبارح وقعدت اقول ياربى البت دى غطست راحت فين كده

تصدقى والله كنت لسه امبارح بقول لجوزى انى لما اروح الكشف الجاى هخلى الدكتورة تشوف ايه اللى دايما بيوجعنى فى الناحية الشمال
من اول الحمل ومن قبل الحمل كمان وانا اول ما بطنى توجعنى يجى كله ناحية المبيض الشمال كده حتى لو تقلت فى الاكل او مشيت كتير او لو عملت مجهود
ربنا يسترها معانا

[somia]

دودي الحمد لله انك اطمنتي وطمنتينا..
برنسس ممكن فعلا يبقى فيه التهابات وانتي مش حاسة انا كذا مرة اتعالج منها وكل اللي ببقى حساه الحرقان في البول وساعت ما عملت القرحة كان نفس النظام
بالنسبة للغسول استخدمي الغسول كتشطيف كل اما تحسي انك محتاجة بس بلاش غسول مهبلي ده الكلام اللي الدكتورة قالتهولي

[MALAK2010]

انا قلت ادخل اسلم عليكم لان جوزى زمانة جاى
كنت بكلم ماما بس مش عارفة هنا فى البلد دى بيقفلة الصوت فى المسنجر مش عارفة لية الناس كلها بتتكلم نت الا الامارات
كنت منزلة برنامج يلغى الموضوع دة بس الظاهر ماعدش بيشتغل
ماحدش يعرف اعمل اية اصل ماما وحشاااانى اوووووووووى وبقالى كام يوم مش عارفة اكلمها

انا بدات الشكوى قبل ما اسلم عليكم ههههههههههههه اصلى طهقانة حتى كمان ماما مش عارفة اكلمها تانى رجعت اشتكى

المهم دودى اشرف :الحمد لله اخيرااااااااااااا انتى رحتى تعملى التحليل ربنا يشفيكى
وتسلميلى الموقع جنان بس اية دة كلة انا ماكنتش عارفة ان فى تفاصيل كتيرة كدة للبيبى رب
نا يعينا وعلى رأى برنسيس بلاش نقاطع

د×و:الف سلامة عليكى يا جميل وربنا يطمنا عليكى

[somia]

برنسس نسيت أقولك اني خليت زوجي يجيبلي كرتونة تاك.. كلتلي واحد فعلا عدلي نفسي والحمد لله

[somia]

ملاك ..ازيك عاملة ايه الوقتي الجو هدي عندك ولا لسة مكهرب شوية..؟؟

[dr.princess]

somia
انا قصدى الغسول عموما ان كان بيستخدم خارجى او مهبلى فانا مش بستخدمه خالص
طيب ما انا مش بحس بحرقان فى البول او اى حاجة مش طبيعية هى بس افرازات زيادة وعرفت انها عادى فى الحمل بس قلت هبقى اسئل الدكتورة المرة الجاية واتطمن أكتر
مش بقولكم انا مش طبيعية من اول الحمل لو حتى اى حاجة بسيطة ببقى قلقانة وهموت مش عارفة مالى كده
ربنا يعدى الحمل ده على خير

[رنا خالد]

اهلا بيكم كلكم منورين والله
والف سلامه عليكي يادودي وكويس انك اطمنتي النهارده
بس انا كنت حابه اسألكم علي حاجه
انا في الشهر السابع دلوقتي ومن اول الشهر الخامس وانا بتنزل عليا افرازات سايله مش لزجه لونها مايل للصفار بصراحه اترعبت ورحت للدكتوره وكنت خايفه تكون دي ماية الجنين
بس هي طمنتني وقالتلي انها مش ماية الجنين ورحت لدكتوره تانيه قالتلي نفس الكلام وكاتبتلي علي لبوس وتشطيف وقالت انها اما التهابات او افرازات طبيعيه اثناء الحمل
حد منكم ياجماعه نزل عليه حاجه زي كده؟
ياريت تطنوني لأني قلوقه جدااااااا

[dr.princess]

malak2010
سيبك خالص من الماسنجر ده
خليكى فى الاسكاى بى صوته احسن وبيجمع اسرع من الباقى
انا من اول ماجيت واحنا بكلم ماما واخواتى عليه وحماتى كمان وكويس اوى هوا اه اوقات يقطع المكالمة بس فى وقتها ترجعى تتصلى وبيجمع على طول مش زى الياهو