وش اسوووووي بهالمواقف اللي زوجي يحطني فيها

[حبيبةة امها]

معصبه ومنقهرررره من زوجي .. دايما يسسسوي هالحركه فيني يعزم اهله فجأه بدون مايقول .. انا توني متزوجه وطبخي يعني زين تعودت اطبخ حق شخصين واليوم اجهز العشا ولما خلص الدجاج وقربت احط الرز جا قال خلص العشا قلت لا قال زيدي منه لان اخواني بيتعشون هنا .. قلت قرب يخلص كيف ازيد قال مو شغلي قلت طيب خلاص اسوي غيره قال لا .. المهم شاف الرز منقوع قال هذا شوي حطي بعد حطي قلت هذا خلاص انقع الحين كيف ازيده لازم اغسله من جديد < ارتبكت وماعرف اتصرف بهالمواقف المهم زدته وغسلته والحين لسا ماخلص مدري كيف راح يطلع بس اناااااا ميته قهر وخااايفه من النتيجه اخاف اتفشللللل لان اصلا حتى المقادير وكل شي حاطه على حسب طبخي لي و له يعني الحين زدت الملح بشكل عشوائي لان اصلا مدري وش كثر زدت الرز المهم انا مخنوووووووووووووووووووووقه ومقهووووووووره بالله يابنات معي حححححق ولا لااااا

[υм вtℓαα]

اقولك شغله لاتصبين ولاتنقهرين ومرينا بنفس موقفك

بس اذا اكثر من 3اشخاص نقعي رز 5اكواب واهم شي نوعية الرز تكون ماتنخبص ولاينعجن
طولي بالك وخلي الليله تعدي ع خير وبعدينا فهميه قولي له ع الاقل خبرني قبلها عشان ازيد والا الخير كثير الحمدالله ليته ينوكل

وترى الرجل لا سوى كذا يختبر المراه اساليني جربتها ببداية زواجي وبعدين تاقلمنا لاتنقهرين مشان شي مايسوي خليك واثقه
من نفسك ومن طبخك وان شاء الله بيزبط

ههههههههههههه ليتك جارتي بس حرام ماخليه يعصب فيكك ثاني مرره امززح معك

[υм вtℓαα]

وترى يمديك لو تبي تسوين رز غيره يمدي بس خلي التوتر عنك وشغلة الرجاال اللي داخلين طالعين من المطبخ مااحبهااا

اذا في ملح زياده حطي قطعة بطاطس

[فداك الكون]

قهههر ع فكرة

انتي عدي هالليلة وبعدها فهمي ان هالحركة مش حلووة ولا يعيدها بس بأسلوب حلو ولبق حتى لو انك معصبة عشان ما يصير يعملها جكر فيكي

[حبيبةة امها]

الحمدلله مع ان كنت خايفه وصحيح طلع مالح شوي بس حطيت بطاطس مثل ماقالت اختي ام بتلاء والحمدلله ضبط .. انا عصبت لان بالغصب تعودت اضبط طبخ حق شخصين وكنت متفقه معاه ان مايعزم الا لما اضبطه 100% و قلت لازم قبلها بيوم تعلمني وقال طيب .. بس اليوم نسى اتفاقنا و جا ورطني انا ماعرف اتصرف مع حالات اذا زدت الرز اذا طلع باهت اذا مالح اذا مخبوص لان تووووني دخلت هالعالم بس الحمدلله اليوم ماتفشلت بس والله شي يقهر

[υм вtℓαα]

كويس الحمدالله عدت ع خير

عاتبيه بعدين وان شاء الله تتحسن الامور


روقي غلااتي

[أم حمودي وعبودي]

يمكن هو ما عزمهم
وهم الي عزموا أنفسهم وهو انحرج يردهم بس ما يخالف ليلة وتعدي
المرة الجاية إذا صار كذا قولي له يطلب من المطعم

[زهرة ال]

حبيبتى لا تكبرى الموضوع وتعصبى يا عروسه واللى يعملوا جوزك ده كتير ازواج يعملوه وانتى لازم تثبتى لجوزك انك قدها هحكيلك موقف انا جوزى مره اتاخ بره للساعه 12 بالليل المهم ما انام الا لما يجى جه وكنت هموت على النوم وكانت المفاجاه جاى وجايب اصحابه عايزين يتعشوا وجايب معا لحمه قلتله اكل ايه اللى اجهزه دلوقتى قلى يعنى اطلع اطردهم قلتله لا المهم حطيت اللحمه على النار وعملت بطاطس ورز ومنا لما خلصت واتعشوا كانت 2ونص وكمان بعدها شطبت المطبخ وطبعا هلكن لانى اشتغل ومرحتش الشغل تانى يوم لكن قلتله عجبك الاكل قالى ايوا قلتله لو سمحت متعملش كده تانى عايز تعزم حد تبقى تقلى بس كلمته بعتاب رقيق والحمد لله من ساعتها معملهاش طوولى بالك

[حبيبةة امها]

الله يعيننا بحاول اتأقلم ولسا مافهمته لان ليلتها كنت معصبه بس مابينت له وهو على طول جا يمزح معي ويضحك ماحبيت اخرب جوه على طول روقت معاه وعديتها على خير ومنها ماصار وقت اصارحه و افهمه ان هالشي مايصير .. بس جد هالمواقف تقهر .. هو احسن شي ان اصحابه يعزمهم تحت عند اهله بس عندي يعزم اخوانه بشكل مفاجئ .. مره كنت مضبطه العشا وحيل متقنته ولما جا معاه اخوه انا قلت له ترى مسويه كذا وكذا قال حطيه حطيه يلا وقال لاخوه يتعشى عندنا >>> يعني انا اذا كنت متفننه بالاكل وجاهز ماعندي مانع يتعشون عتدي بس المصيبه اذا بشكل مفاجئ هنا ارتبك واخبص واحوس و حتى ابكي هههههههههههههه مره كنت اسوي شوربه وقال ابوي جا لاخلصت حطي له منها وانا كنت مضبطتها بس من قال كذا على طول اخذتها وكبيتها و اسوي غيرها واخبص يعني هالشي غصب عني مو بيدي ارتبك بالعزايم ماني قدها و اخاف اتفشل لان توني جديده بهالعالم ماعرف الا حلويات ومعجنات بس طبخات لااااا لسا ولما بديت اتعلم بدا الوحام معي وصرت اكره ادخل المطبخ .. ادري طولت بس لان حابه افضفض

[Um sara1]

هالمواقف طبيعية بداية الزواج بعد كم سنه تتذكريها معه وتضحكون ..

بس خليك واثقه من طبخك حتى لوماعجبك لان واضح ان زوجك الله يحفظه لك مبسوط فيك وفرحان بطبخك وحابب يتفشخر قدام اهله بحبيبته وسنعها صدقيني هذا غرضه لاتفهمينه غلط ولاتعاتبينه بالعكس قولي له بروح حلوة انا احس اني ماضبطتها هالمره عشان كنت مستعجلة مره ثانيه ابيض وجهك راح يضمك ويشكرك ويتقبلها منك بس اذا بينتي له العكس وانك متضايقه ممكن يستجيب لرغبتك بس صدقيني من داخله مراح يكون مبسوط لان من نفس البيئة فاهمه تفكير ازواجنا