الي عندها خبرة بالولادة نساعدني انا بكريه خاايفة من الولادة

[ام الشبلين]

::


شوفي يا عسل , لا تخافين ابدا من الولاده ,
ترى انا ما صار لي شهرين الحين من ولدت , توني طلعت من الاربعين
وهذا مولودي الثاني ,
الأول كان قيصري , والثاني طبيعي والحمد لله
وربي خفت مثلك الحين , ودخلت النت , وقعدت اقرا واسال
وقرات تجارب الكثيرات هنا , ومت من الرعب من كلامهم وتجاربهم ,

وربي كنت بموت من الخوف
بس كنت دايما ادعي ربي , وارجوه انه يسهل ولادتي ,
دخلت المستشفى يوم الاربعاء 22 رمضان , بالليل
مجرد فحوصات عاديه , راح اول شي تكشف عليك من تحت علشان
تشوف الرحم كم مفتوح , يعني هالخطوه شوي مؤلمه
بس راح تستخدم جل , وهذا راح يخفف عليك ,

بعدين اذا الرحم مفتوح , وفيه مجال تولدي هاليوم راح تنومك
وبعدين بيحطوا لك تخططيط للجنين على البطن , عادي جدا ,
ومغذي , واجراءات بسيطه معروفه ,

ايه كنت اقول لك اني مره ميته خوف , لدرجه لما جاء الدكتور الصباح
صباح يوم الخميس ,, قعدت اصر عليه يسوي لي عمليه
وهو كان استشاري ورفض بقوه ,, وقال راح تولدي طبيعي إن شاء الله

وانا لما طلبت عمليه كان بس لاني خايفه من الولاده الطبيعيه ,

المهم قعدت اقرا ادعيه الولاده ,,
واوصيك ما تهملينها وربي لها اثر قوي ,,


المهم دخلوني الساعه 12 غرفه الولاده , من يوم الخميس
وما جت الساعه 3 إلا وانا قد خلصت ^_^
وربي ما فيه سهل منهاا , يعني صحيح كان فيه الم
بس مو هذاك الالم اللي صوروه لي الناس اللي كانت تحكي لي
الحمد لله سهلها ربي علي ,


^

حبيت بس اعطيك هالمقدمه عن ولادتي , وراح اجاوبك على اسئلتك ,


دحين الم الطلق كلو يتركز في الظهر بس ولا كمان في ألم من تحت؟
مو شرط يكون الم الطلق قوي في البدايه ,,
أنا يوم الاربعاء في الصباح اللي هو اليوم اللي سبق يوم ولادتي
حسيت بالم بسيط جدا اسفل الظهر يروح ويجي ,

بس اللي خلاني اتوقع انها ولاده هو انو نزل مني سائل لزج
لونه ابيض ,,
وفي ولادتي الأولى نزلت مني مويه كثيره ,
بس في الثاني لا ما نزلت مويه , وما حسيت بالم في البطن
بس باسفل الظهر ,


كيف الم الطلق؟ الله يسعدكم
مثل ما قلت لك مثل الم الدوره اول ما تنزل الالم اللي اسفل الظهر
بس انا ما كان مره قوي ,,
إلا لحظه الولاده يصير اقوى ,, بس مو لدرجه ما تتحملينها ’
يعني راح تتحملينها إن شاء الله
واهم شي عملية التنفس , يعني الطلق يجي ويروح ,,
لما يروح منك الالم ويقرب موعد الطلق الثاني خذي نفس
و فرغيه وقت الطلق الثاني ,, وربي عملية النفس هذي هي اللي
خففت الالم عني كثير لدرجه ان الطفل خرج وما حسيت فيه لحظه خروجه


بعدين قريت انهم يستخدمو حقنة شرجيه الله يكرمكم.. هل هيا مؤلمة؟ وقد ايش لازم تجلس لين ماتاخد مفعولها؟ وتسوي مغص والم ولا عادي؟

ما ادري ,, ما استخدمت هالحقنه ,,
عملوا لي قصدره بعد ما ولدت , وما تحسين فيها



وقت الولادة ان كنتي تستخدمي الكمام المخدر .. هل تحسي بالم نزول الراس؟؟

انا ما استخدمت كمام ,, والمستشفى اللي ولدت فيه ما يوفر هالكمام
بس الحمد لله ما كانت الولاده صعبه وكانت سريعه


لو حصل وعملولك توسعة جراحية (شق) هل ح تحسي ساعتها بشئ؟ وهل ح تحسي بالخياطة؟ وبعد الولادة جرح الشق يكون مؤلم؟

لا ما تحسين فيه ابدا ,, انا هم قالوا لي وانا اولد
ترى راح نسوي توسعه تحت ,, بس عملوها وانا ما حسيت فيها ابدا
وبعد الولاده الخياطه راح تكون في البدايه مؤلمه شوي
يعني مو كثير , بس لازم تنتبهي لو عملتيها يعني خلي خطواتك قصيره
وانتبهي لنفسك علشان ما تتمزق الخيوط بدري ,


بعد ماتولدي خلاااص بالسلامة .. هل في الآام مابعد الولادة بشكل عااام (الم الضهر الحوض او المكان نفسو من تحت سواء عملولك شق او لا) ..

بعد الولاده خلاص الحمد لله , يعني هو الم الخياط اللي قلت لك
ومو ذاك الالم القويه بعد ,,
والمغص ممكن يجيك الايام الأولى بس مو قوي مره ,,
بعد يومين ثلاثه بيصير كل شي طبيعي ,,



نزول الدم ليه الم زي الدورة ولا عادي بدون الم؟

لا ما فيه

بليز ردو على اسئلتي وربي جاتني حالة ارق من التفكير
ولحد يحاول يجمل اجاباتو عشان لا اخاف او انفجع ..
بالعكس نفسي افهم واتوقع كل شئ عشان لا انصدم


ورب البيت ما جملت اجاباتي
قلت لك الصراحه , انا حاسه فيك وسويت مثلك سالت وقرات
وتخرعت من الكلام اللي قرأته , بس وربي اللي صار لي اقل بكثير
من اللي توقعته ,, حتى قلت لامي اني صحيح كنت اتالم وقت الطلق
بس توقعت يكون اقوى من كذا ,,

وترى فيه فرق بين كل وحده والثانيه
اذا كنتي متابعه زين لوضعك , راح تتسهل إن شاء الله
وابعدي الخوف عنك ,,


لما دخلت يوم الاربعاء بالليل للمستشفى ,
لقيت طبعا كتيب لاذكار تسهيل الولاده بإذن الله قعدت اقرا فيه كل الليله
وقعدت احفظ الادعيه اللي فيه علشان وقت الولاده اقرأهاا

وكنت وقت الطلق اردد ( لا حول ولا قوة إلا بالله )
و ايضا دعاء جميل جدا ( يا خالق خلصني ) <- هالدعاء ما فارق لساني وقت ولادتي
وبالفعل خلصني خالقي , و كان في عوني
الحمد لله والشكر ,

ردديها كل الوقت ,, ولا تقولين راح انساها وقت الولاده ,
لا ما راح تنسين تقولينها ,, واهم شي لا تصارخين
لانه يتعبك ,, سيطري على نفسك ,, وتنفسي مثل ما قلت لك
ورددي هالادعيه ,
وربي راح يمر الوقت معك بسرعه ,, بإذن الله

وحاجه ثانيه ,, كنت قبل ما اولد , اسمع اصوات اللي يولدون ويتألمون
وكنت ادعي لهم لحد ما اسمع صوت البيبي لما ولدوا
وافرح لهم , واقول عقبالي يا رب ,,

راح تكون لحظات حلوه تتذكرينها :)


الله يسهل عليك يا رب مثل ما سهلها علي
وتكون ولادتك أحلى ذكرى لك ,