عملتي تلقيح صناعي او مستنية النتيجة تعالي نتبادل تجارب

[رحيل بعالم النسيان]

المشاركة الأصلية كتبت بواسطة ميلا2000

انا عملت حقن مجهري مرتين ورح احكي تجربتي لعل تستفيدو منها

المرة الاولى كنت كتير متفائلة خاصة لانها اول مرة وكنت حاسة رح تنجح وواثقة من ربي انها رح تنجح بلشت ابر تنشيط وكلو تمام كان والحمد لله وصار السحب وبعد 5 ايام الترجيع وجد كان احساسي اني حامل وواثقة بربي وكنت اكثر استغفار ودعاء
بيوم السابع عملت فحص منزلب وطلع خط خفييييييف كتير كتير تاني يوم عملت كمان واحد وغمق شوي وكنت كل يوم اعمل فحص واشوف الخط يغمق وانبسط وافرح بيوم 12 من الترجيع عملت فحص هرموني وطلع 309 كنت مبسوطة كتير واتصلت بالدكنور واعطاني موعد بعد اسبوع
بس للاسف في نفس اليوم صارت في مشكلة وتأثرت نفسيتي كتير وزعلت كتير وكنت ما أنام الليل من الزعل والبكى والتفكير مر الاسبوع واجى موعدي عند الدكتور فحصوني ما شافو اشي بعتولي فحص دم ثاني وللاسف كان هرمون الحمل نازل كتير والله كان يوم صعب كتير وحكولي ارجع اعيدو وكان نازل اكتر وحكولي هاد حمل كيميائي وتركت المثبتات ونزلت الدورة
انا عرفت انو الزعل اثر على الحمل والله يعوضني يا رب
بعد ما نزلت الدورة حكيت بدي استشير دكتور ثاني وروحت عند الدكتور استشارة وصار يقنع فيي اعملها على الطول وانو العمر بمضي واقنعني اني ابلش علاج على طول ويوم 21 من الدورة بعتلي الابرة التحضيرية وحكالي ثاني يوم الدورة نبدأ ابر تنشيط
هاي المرة ما كنت متل المرة الماضيه بجوز كنت متأثرة من الفشل ومعنوياتي ضعيفة والدكاترة همهم المادية والفلوس حسبنا الله عليهم خلاني اعيد التجربه على طول ما خلاني ارتاح لو شهرين
المهم بلشت ابر وتم السحب والترجيع بس من يوم الترجيع وزوجي الله يهديه معصب ولا بحكي معاي ولا يشوفني بدي اشي كنت كتير نفسيتي تعبانة ما احس بأهتمام منو من مرة
يوم السابع عملت فحص منزلي ما بين شي حكيت بجوز لسى بكير وصرت كل يوم اعمل فحص ولا يبين شي وانا اصلا كنت حاسة انو مش حامل وبفشل العمليه ويوم 12 عملت فحص هرموني وما طلع حمل
والله يعوض تعبي يا رب لان جد تعب نفسي ومادي ومن كل الجهات تعب
حسبنا الله ونعم الوكيل

حبيت اوصللكم انو بعد قدرة الله تعالي انو النفسية مهمة جدااا جداااا
حاولو ما تهتمو لشي وتقضو وقتكم بطاعة الله والدعاء والاستغفار
جد النفسية بتلعب دور مهم والله اعلم
الله يجبر بخواطرنا ويعوض تعبنا بالحمل القريب يااا رب

الله يعوضك اختي بدل صبرك باللي يفرح فيه قلبك
فغلا اختي الحاله التفسيه لها دور كبير بعد الله

[ميلا2000]

المشاركة الأصلية كتبت بواسطة رحيل بعالم النسيان

الله يعوضك اختي بدل صبرك باللي يفرح فيه قلبك
فغلا اختي الحاله التفسيه لها دور كبير بعد الله

آمين ياا رب الله كريم
والله يعوض علينا جميعا
والله يجزيكي الخير اختي

[متفائلة دائما بالخير]

مرحبا صبايا الخير كيفكم انشالله تمام ايه عندكم حق انو العنوان غلط انا حاولت اعدله بس مافي جدوى اتمنى من المشرفات يصححه اذا امكن او يحطون حقن مجهري بدل تلقيح اصطناعي المهم عن نفسي الحمد لله هههههه الحال كما هو هههه هي رحمة من ربي مااحس بشيء كي لا اتوهم واحسب حسابي لكل شيء الحمد لله على كل حال الله يقدر لنا لي فيه الخير او الله يجبر بخاطري او بخاطر كل منتظرة يارب