صديقتي بحاجة مشورتكم .. لا تبخلوا بالنصايح

[سهام محمد]

ابغض الحلال لله الطلاق ..ولازم تخليه اخر حل لمشكلتها ..

راح اقولك كلام من واقع تجربتي شخصيا .. زوجي شديد بمعنى الكلمه كان يضيق صدري من كثرة الممنوعات والتشديد علي ،اقضي يومي افكر ليش مااعيش حريه وانطلاق واحس بشعور اني بمملكتي ولي كلمه .. حاولت اغيره ،اعاند،اطول لساني، مانفع شي بالعكس يزيد ..
الحل ياختي :
بيدها هي نعم بيدها هي .
انا صرفت تفكيري في تغيير زوجي و في تعداد الممنوعات والتشكي .
صبيت كل اهتمامي بالبيت و الزوج بطريقه يبين كل شي على اكمل وجه ..
غيرت اسلوبي تصرفت بطريقه انثويه جدا ونفسيتي غيرتها بتجاهل كل شي سيئ وسلبي بحياتي .. صعب بالبدايه لكن مع النتايج اللي راح تشوفها راح تتشجع تكمل ..
مفتاح اي رجل بالعالم الدلال والتدلل و ملاعبته بالفراش وعلى مايبدو ان وضعهم يتكهرب وقت تعبها بالحمل ..
تقدر تسعد نفسها وتغير حياتها لو استهدت بالله وتجاهلت السلبيات و فكرة الطلاق ..
الرجل اذا كان مايضرب ولا يشرب ولا يسوي منكرات تقدر تتعامل معه ولا تفكر بالانفصال..

طولت الكلام لكن حبيت تجربتي توصل لها ..
ذكريها بالدعاء والالحاح على الله .. سر الله خاطرها بكل ماتتمنى والجميع ..