|
صديقتي بحاجة مشورتكم .. لا تبخلوا بالنصايح
السلام عليكم
كيفكم .. اسمحوا لي بطول عليكم شوي بس ابي كلام بالعقل علشان تقتنع صديقتي هي لها 7 سنوات متزوجه وعندها طفلين وحامل بالثالث مشكلتها الاولى انها من بداية زواجهاا تقريبا قبل ماتكمل سنه صارت مشكله وخلته وراحت لاهلها وهي حامل ومارجعت له الا بعد كم شهر يمكن وهي الي اتصلت عليه وحلت الخلاف هو ماسال ولا فكر وبعدها ع حملها الثاني صارت مشكله وخلته 3 شهوور ومارجعها بيتها الا اهل زوجها وهي تقوول الى يوومكم كل ماصار خلاف قال تري لو علي مارجعتك لبيتك بس اهلي غصبووني وهي الحين ببدايه حملها وبدت تضيق منه وتقوول قالها لو طلعتي ذا المره من البيت يكون بعلمك انتي ماتحللين لي ولا تفكرين اني برجعك وهي ودها بالطلاق يجي منه لانها مو مرتااحه معه ومنكد عيشتها بشكل ماتتخيلون يتحكم فيها كانها ملك له يقول ماتلبسين ع كيفك وماتقصين شعرك وماتلبسين عيالي الي تبين معيشها ف سجن وهي جاها الضغط بسببه مع انها ف العشريناات تقول وش رايكم تتطلق وتعيش عند اهلها مع انها ف بيت اهلها مرتااحه ومبسووطه وكلن يقول وش اسووي لها ماشاء الله عليهم الله يخليهم لها وتخااف انها مابتشووف عيالها بياخذهم منها وهي احيانا تقنع نفسها انها بالوظيفه بتنساهم ع الاقل ف شي يشغلها وبتشوفهم من فتره لفتره .. وبعد ف زوجها عيب انه متشدددد بشكل مو معقول ودينه بس عليها ويهمه كلام الناس اكثر من كلامهاا |
رد: صديقتي بحاجة مشورتكم .. لا تبخلوا بالنصايح
على فكرة انا شفت مواضيعك او سبحان الله قصتك مثل صديقتك المهم لي اقول لك اه لصديقتك انها تصبر على ولادها او تحاول تغير شوية من الروتين اليومي مو كل شي زوجها تستقل بنفسها او تكون عندها شخصية قوية او الها راي مو تتعارك مع زوجها لا لكن اذا في شي لتيخالف مع شرع ربي في لبس او اي شي اخر تحاول بطريقة لبقة تتحاور معاه او تلين لسانها معاه او تكون الابتسامة رغم الالام او نكد الزوج والله هو راح يحتار في امرها او تعيش لاولادها لانهم هما كنزها من هذا الزواج لان في الاخير الاولاد لي يضرروا من الطلاق او الله يفرجها عليها انشالله البنات يفيدونك اكثر
|
رد: صديقتي بحاجة مشورتكم .. لا تبخلوا بالنصايح
ابغض الحلال لله الطلاق ..ولازم تخليه اخر حل لمشكلتها ..
راح اقولك كلام من واقع تجربتي شخصيا .. زوجي شديد بمعنى الكلمه كان يضيق صدري من كثرة الممنوعات والتشديد علي ،اقضي يومي افكر ليش مااعيش حريه وانطلاق واحس بشعور اني بمملكتي ولي كلمه .. حاولت اغيره ،اعاند،اطول لساني، مانفع شي بالعكس يزيد .. الحل ياختي : بيدها هي نعم بيدها هي . انا صرفت تفكيري في تغيير زوجي و في تعداد الممنوعات والتشكي . صبيت كل اهتمامي بالبيت و الزوج بطريقه يبين كل شي على اكمل وجه .. غيرت اسلوبي تصرفت بطريقه انثويه جدا ونفسيتي غيرتها بتجاهل كل شي سيئ وسلبي بحياتي .. صعب بالبدايه لكن مع النتايج اللي راح تشوفها راح تتشجع تكمل .. مفتاح اي رجل بالعالم الدلال والتدلل و ملاعبته بالفراش وعلى مايبدو ان وضعهم يتكهرب وقت تعبها بالحمل .. تقدر تسعد نفسها وتغير حياتها لو استهدت بالله وتجاهلت السلبيات و فكرة الطلاق .. الرجل اذا كان مايضرب ولا يشرب ولا يسوي منكرات تقدر تتعامل معه ولا تفكر بالانفصال.. طولت الكلام لكن حبيت تجربتي توصل لها .. ذكريها بالدعاء والالحاح على الله .. سر الله خاطرها بكل ماتتمنى والجميع .. |
رد: صديقتي بحاجة مشورتكم .. لا تبخلوا بالنصايح
نسيت نقطه ..نبهي صديقتك لا تستعجل على كل زعله تروح لبيت اهلها . حتى فراشها لو تخاصمو ماتقوم وتنام بغيره .. كل ماابتعدت عنه هان عليه زعلها وعرف ان ماله مكانه عندها وسهل عليها تفارقه .. يظهر لي ان صديقتك تجهل الكثير عن التودد لزوج . .
|
رد: صديقتي بحاجة مشورتكم .. لا تبخلوا بالنصايح
اقتباس:
وشكرا ع مروورك |
رد: صديقتي بحاجة مشورتكم .. لا تبخلوا بالنصايح
سهاام محمد والاخت الفاضله انت عيووني الف شكر لكم
نصايحكم بماء الذهب تكتب ... مشكوووووره |
| الساعة الآن 08:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .